ਅਬੂਧਾਬੀ- ਸੰਯੁਕਤ ਅਰਬ ਅਮੀਰਾਤ (ਯੂ.ਏਈ) ਦੇ ਉਪ ਰਾਸ਼ਟਰਪਤੀ ਅਤੇ ਦੁਬਈ ਦੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਦੀ ਧੀ ਰਾਜਕੁਮਾਰੀ ਸ਼ੇਖਾ ਮਾਹਰਾ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਉਹ ਹਾਲ ਹੀ ਵਿੱਚ ਆਪਣੇ ਪਤੀ ਸ਼ੇਖ ਮਾਨਾ ਬਿਨ ਮੁਹੰਮਦ ਬਿਨ ਰਾਸ਼ਿਦ ਬਿਨ ਮਨਾ ਅਲ ਮਕਤੂਮ ਨੂੰ ਤਲਾਕ ਦੇ ਕੇ ਸੁਰਖੀਆਂ ਵਿੱਚ ਆਈ ਸੀ। ਹੁਣ ਮਾਹਰਾ ਨੇ ਨਵਾਂ 'ਪਰਫਿਊਮ' ਲਾਂਚ ਕਰਕੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਅਸਲ 'ਚ ਇਸ ਪਰਫਿਊਮ ਦਾ ਨਾਂ 'ਡਾਈਵੋਰਸ' (Divorce) ਹੈ। ਇਸ ਕਾਰਨ ਸੋਸ਼ਲ ਮੀਡੀਆ 'ਤੇ ਇਸ ਦੀ ਕਾਫੀ ਚਰਚਾ ਹੋ ਰਹੀ ਹੈ।
ਦੁਬਈ ਦੀ 30 ਸਾਲਾ ਰਾਜਕੁਮਾਰੀ ਨੇ ਆਪਣੇ ਬ੍ਰਾਂਡ ਮਾਹਰਾ ਐਮ1 ਦੇ ਤਹਿਤ ਡਾਈਵੋਰਸ ਨਾਮ ਦਾ ਪਰਫਿਊਮ ਲਾਂਚ ਕੀਤਾ ਹੈ। ਦੁਬਈ ਦੇ ਸ਼ਾਸਕ ਦੀ ਧੀ ਨੇ ਸੋਮਵਾਰ ਨੂੰ ਇੰਸਟਾਗ੍ਰਾਮ 'ਤੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਪ੍ਰੋਡਕਟ ਦਾ ਟੀਜ਼ਰ ਸ਼ੇਅਰ ਕੀਤਾ ਹੈ। ਉਸਦੀ ਪੋਸਟ ਵਿੱਚ ਇੱਕ ਸੁੰਦਰ ਕਾਲੀ ਬੋਤਲ ਦਿਖਾਈ ਦੇ ਰਹੀ ਹੈ ਜਿਸ 'ਤੇ ਡਾਈਵੋਰਸ ਲਿਖਿਆ ਹੋਇਆ ਹੈ। ਟੀਜ਼ਰ ਵਿੱਚ ਟੁੱਟੇ ਹੋਏ ਸ਼ੀਸ਼ੇ, ਕਾਲੀਆਂ ਪੱਤੀਆਂ ਅਤੇ ਇੱਕ ਬਲੈਕ ਪੈਂਥਰ ਦਿਖਾਇਆ ਗਿਆ ਹੈ। ਟੀਜ਼ਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਲਾੜੀ ਨੂੰ ਚੁੱਕਣ ਦੀ ਕੋਸ਼ਿਸ਼ 'ਚ ਹੋ ਗਿਆ ਕਾਂਡ, ਲਾੜੇ ਦੀ ਹੋਈ ਕਿਰਕਿਰੀ (ਵੀਡੀਓ)
ਜਾਣੋ ਸ਼ੇਖ ਮਾਹਰਾ ਬਾਰੇ
ਸ਼ੇਖਾ ਮਾਹਰਾ ਦਾ ਜਨਮ 26 ਫਰਵਰੀ 1994 ਨੂੰ ਯੂ.ਏ.ਈ ਦੇ ਦੁਬਈ ਵਿੱਚ ਹੋਇਆ ਸੀ। ਉਸ ਦੀ ਉਮਰ 30 ਸਾਲ ਹੈ। ਸ਼ੇਖਾ ਮਹਿਰਾ ਦੀਆਂ ਜੜ੍ਹਾਂ ਅਮੀਰੀ ਅਤੇ ਯੂਨਾਨੀ ਦੋਵੇਂ ਹਨ, ਕਿਉਂਕਿ ਉਸਦੀ ਮਾਂ ਜ਼ੋ ਗ੍ਰੀਗੋਰਾਕੋਸ ਗ੍ਰੀਸ ਤੋਂ ਹੈ। ਉਸਨੇ ਆਪਣੀ ਮੁਢਲੀ ਸਿੱਖਿਆ ਦੁਬਈ ਦੇ ਇੱਕ ਪ੍ਰਾਈਵੇਟ ਸਕੂਲ ਤੋਂ ਪ੍ਰਾਪਤ ਕੀਤੀ ਅਤੇ ਬਾਅਦ ਵਿੱਚ ਉੱਚ ਸਿੱਖਿਆ ਲਈ ਲੰਡਨ ਚਲੀ ਗਈ। ਉਸਨੇ ਯੂਕੇ ਦੀ ਇੱਕ ਯੂਨੀਵਰਸਿਟੀ ਤੋਂ ਅੰਤਰਰਾਸ਼ਟਰੀ ਸਬੰਧਾਂ ਵਿੱਚ ਡਿਗਰੀ ਪ੍ਰਾਪਤ ਕੀਤੀ ਹੈ ਅਤੇ ਮੁਹੰਮਦ ਬਿਨ ਰਾਸ਼ਿਦ ਸਰਕਾਰੀ ਪ੍ਰਸ਼ਾਸਨ ਤੋਂ ਕਾਲਜ ਦੀ ਡਿਗਰੀ ਵੀ ਪ੍ਰਾਪਤ ਕੀਤੀ ਹੈ।
ਮਾਹਰਾ ਦਾ ਵਿਆਹ ਅਤੇ ਤਲਾਕ
ਸ਼ੇਖਾ ਮਾਹਰਾ ਨੇ ਮਈ 2023 ਵਿੱਚ ਸ਼ੇਖ ਮਾਨਾ ਬਿਨ ਮੁਹੰਮਦ ਬਿਨ ਰਾਸ਼ਿਦ ਬਿਨ ਮਨਾ ਅਲ ਮਕਤੂਮ ਨਾਲ ਵਿਆਹ ਕੀਤਾ ਸੀ। ਉਸਨੇ ਇਸ ਸਾਲ ਮਈ ਵਿੱਚ ਇੱਕ ਧੀ ਨੂੰ ਜਨਮ ਦਿੱਤਾ, ਜਿਸਦਾ ਨਾਮ ਉਸਨੇ ਸ਼ੇਖਾ ਮਾਹਰਾ ਬਿੰਤ ਮਾਨਾ ਬਿੰਤ ਮੁਹੰਮਦ ਅਲ ਮਕਤੂਮ ਰੱਖਿਆ। ਹਾਲਾਂਕਿ ਸ਼ੇਖਾ ਮਾਹਰਾ ਨੇ ਜੁਲਾਈ ਮਹੀਨੇ 'ਚ ਜਨਤਕ ਤੌਰ 'ਤੇ ਤਲਾਕ ਦਾ ਐਲਾਨ ਕੀਤਾ ਸੀ। ਉਸ ਨੇ ਦੋਸ਼ ਲਾਇਆ ਕਿ ਸ਼ੇਖ ਮਾਨਾ ਕਿਸੇ ਹੋਰ ਔਰਤ ਨਾਲ ਸਬੰਧਾਂ ਵਿਚ ਹੈ। ਗੌਰਤਲਬ ਹੈ ਕਿ ਸ਼ੇਖ ਮਨਾ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਬਿਨ ਮਾਨਾ ਅਲ ਮਕਤੂਮ ਦਾ ਪੁੱਤਰ ਹੈ। ਉਹ ਯੂ.ਏ.ਈ ਵਿੱਚ ਕਈ ਸਫਲ ਵਪਾਰਕ ਉੱਦਮਾਂ ਵਿੱਚ ਸ਼ਾਮਲ ਰਿਹਾ ਹੈ, ਜਿਸ ਵਿੱਚ ਜੀ.ਸੀ.ਆਈ ਰੀਅਲ ਅਸਟੇਟ ਡਿਵੈਲਪਮੈਂਟ ਕੰਪਨੀ, ਐਮਐਮ ਗਰੁੱਪ ਆਫ਼ ਕੰਪਨੀਜ਼, ਦੁਬਈ ਟੈਕ ਅਤੇ ਅਲਬਰਡਾ ਟਰੇਡਿੰਗ ਸ਼ਾਮਲ ਹਨ। ਸ਼ੇਖ ਮਾਨਾ ਦੀ ਕੁੱਲ ਜਾਇਦਾਦ ਲਗਭਗ 1.5 ਬਿਲੀਅਨ ਡਾਲਰ ਹੋਣ ਦਾ ਅਨੁਮਾਨ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਗਾਜ਼ਾ ਦੀ ਸਥਿਤੀ ’ਚ ਹੋਵੇਗਾ ਬਦਲਾਅ, ਆਸਟ੍ਰੇਲੀਆ ਕਰ ਰਿਹੈ ਇਹ ਕੰਮ
NEXT STORY 
