ਇਸਲਾਮਾਬਾਦ— ਪਾਕਿਸਤਾਨ ਨੇ ਵੀਰਵਾਰ ਨੂੰ 20 ਸਾਲਾਂ 'ਚ ਪਹਿਲੀ ਵਾਰ ਪੂਰਾ ਸੂਰਜ ਗ੍ਰਹਿਣ ਦੇਖਿਆ। ਵਿਗਿਆਨੀਆਂ ਮੁਤਾਬਕ ਚੰਦਰਮਾ ਨੇ 97 ਫੀਸਦੀ ਸੂਰਜ ਨੂੰ ਢੱਕ ਲਿਆ ਤੇ ਇਸ ਕਾਰਨ ਆਕਾਸ਼ 'ਚ ਰਿੰਗ ਆਫ ਫਾਇਰ ਦਿਖਾਈ ਦਿੱਤਾ। ਇੱਥੋਂ ਦੇ ਸਥਾਨਕ ਸਮੇਂ ਮੁਤਾਬਕ ਸੂਰਜ ਗ੍ਰਹਿਣ ਦਾ ਪ੍ਰਭਾਵ ਸਵੇਰੇ 7.35 ਵਜੇ ਤੋਂ ਸ਼ੁਰੂ ਹੋਇਆ। ਇੱਥੇ ਪੂਰੇ ਸੂਰਜ ਗ੍ਰਹਿਣ ਸਵੇਰੇ 8.46 ਤੋਂ 10.30 ਤਕ ਰਿਹਾ। ਹਾਲਾਂਕਿ ਇਸ ਦਾ ਪ੍ਰਭਾਵ ਦੁਪਹਿਰ ਇਕ ਵਜੇ ਤਕ ਰਹਿਣਾ ਹੈ। ਕਰਾਚੀ ਯੂਨੀਵਰਸਿਟੀ ਦੇ ਸਪੇਸ ਅਤੇ ਪਲੈਨੇਟਰੀ ਆਸਟ੍ਰੋਫਿਜ਼ਕਸ (ਇਸਪਾ) ਦੇ ਪ੍ਰੋਫੈਸਰ ਨੇ ਲੋਕਾਂ ਨੂੰ ਇਸ ਦੌਰਾਨ ਨੰਗੀਆਂ ਅੱਖਾਂ ਨਾਲ ਗ੍ਰਹਿਣ ਨਾ ਦੇਖਣ ਦੀ ਅਪੀਲ ਕੀਤੀ ਸੀ ਕਿਉਂਕਿ ਇਸ ਦੀਆਂ ਕਿਰਣਾਂ ਅੱਖਾਂ 'ਤੇ ਬੁਰਾ ਪ੍ਰਭਾਵ ਪਾਉਂਦੀਆਂ ਹਨ।
ਸੂਰਜ ਗ੍ਰਹਿਣ ਦੇ ਪ੍ਰਭਾਵ ਅਤੇ ਸਮੇਂ ਨੂੰ ਲੈ ਕੇ ਵਿਗਿਆਨੀਆਂ ਅਤੇ ਧਾਰਮਿਕ ਗੁਰੂਆਂ ਦੇ ਵੱਖਰੇ ਵਿਚਾਰ ਹਨ। ਕਿਸੇ ਦਾ ਕਹਿਣਾ ਹੈ ਕਿ ਇਸ ਦਾ ਸਕਾਰਾਤਮਕ ਪ੍ਰਭਾਵ ਪਵੇਗਾ ਹਾਲਾਂਕਿ ਕਿਸੇ ਦਾ ਮੰਨਣਾ ਹੈ ਕਿ ਇਹ ਨਾਕਾਰਾਤਮਕ ਹੈ। ਇਸ ਤੋਂ ਪਹਿਲਾਂ ਪਾਕਿਸਤਾਨੀਆਂ ਨੇ 1999 'ਚ ਸੂਰਜ ਗ੍ਰਹਿਣ ਦੇਖਿਆ ਸੀ।
ਜ਼ਿਕਰਯੋਗ ਹੈ ਕਿ ਸੂਰਜ ਗ੍ਰਹਿਣ ਸਾਊਦੀ ਅਰਬ ਸਣੇ ਸਾਰੇ ਖਾੜੀ ਦੇਸ਼ਾਂ, ਏਸ਼ੀਆਈ ਦੇਸ਼ਾਂ ਅਤੇ ਆਸਟ੍ਰੇਲੀਆ 'ਚ ਵੀ ਦੇਖਿਆ ਗਿਆ। ਲੋਕ ਕਾਫੀ ਉਤਸ਼ਾਹ ਨਾਲ ਇਸ ਨੂੰ ਦੇਖਿਆ ਗਿਆ।
ਪਾਕਿ : ਸਖਤ ਸੁਰੱਖਿਆ 'ਚ ਈਸਾਈ ਭਾਈਚਾਰੇ ਨੇ ਮਨਾਈ ਕ੍ਰਿਸਮਸ
NEXT STORY 
