ਇਟਲੀ (ਦਲਵੀਰ ਸਿੰਘ ਕੈਂਥ)- ਇਟਲੀ ਵਿੱਚ ਪੈ ਰਹੀ ਅੱਤ ਦੀ ਗਰਮੀ ਨੇ ਇੱਕ ਪਾਸੇ ਤਾਂ ਲੋਕਾਂ ਨੂੰ ਹੌਂਕਣ ਲੱਗਾ ਰੱਖਿਆ ਹੈ ਤੇ ਦੂਜੇ ਪਾਸੇ ਤੇਜ਼ ਹਨੇਰੀ ਤੇ ਮੀਂਹ ਨੇ ਲੋਕਾਂ ਦਾ ਜੀਵਨ ਵੱਡੇ ਪੱਧਰ ਤੇ ਪ੍ਰਭਾਵਿਤ ਕਰ ਦਿੱਤਾ ਹੈ। ਬੀਤੀ ਰਾਤ ਸੂਬਾ ਲੰਬਾਰਦੀਆ ਦੇ ਜ਼ਿਲ੍ਹਾ ਕਰੇਮੋਨਾ ਇਲਾਕੇ ਵਿੱਚ ਆਏ ਤੇਜ ਤੂਫਾਨ ਅਤੇ ਗੜਿਆਂ ਦੇ ਮੀਂਹ ਨੇ ਲੋਕਾਂ ਦਾ ਵੱਡੇ ਪੱਧਰ 'ਤੇ ਨੁਕਸਾਨ ਕੀਤਾ। ਖਰਾਬ ਮੌਸਮ ਦੇ ਇਸ ਕਹਿਰ ਨੇ ਇਲਾਕੇ ਵਿੱਚ ਜਿੱਥੇ ਹਜ਼ਾਰਾਂ ਦਰਖੱਤਾਂ ਨੂੰ ਬੁਰੀ ਤਹਿਸ-ਨਹਿਸ ਕੀਤਾ , ਉੱਥੇ ਗੜਿਆਂ ਦੇ ਮੀਂਹ ਨੇ 10,000 ਤੋਂ ਉਪੱਰ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾਇਆ ਅਤੇ 43 ਲੋਕਾਂ ਨੂੰ ਗੰਭੀਰ ਜਖ਼ਮੀ ਕੀਤਾ ਜਿਹੜੇ ਕਿ ਇਲਾਜ ਅਧੀਨ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਬੰਗਲਾਦੇਸ਼ 'ਚ ਗੰਭੀਰ ਗੈਸ ਸੰਕਟ ; ਫੈਕਟਰੀਆਂ, ਰਸੋਈ ਅਤੇ ਬਿਜਲੀ ਘਰ ਪ੍ਰਭਾਵਿਤ
ਹੋਰ ਤਾਂ ਹੋਰ ਘਰਾਂ ਦੀਆਂ ਛੱਤਾਂ, ਖਿੜਕੀਆਂ ਦੀ ਟੁੱਟ-ਭੱਜ ਕਰਨ ਦੇ ਨਾਲ ਇਸ ਤੂਫਾਨ ਨੇ ਇਟਾਲੀਅਨ ਲੋਕਾਂ ਦੀ ਆਸਥਾ ਦੇ ਪ੍ਰਤੀਕ ਗਿਰਜਾਘਰ ਵੀ ਬਹੁਤ ਬੁਰੀ ਤਰ੍ਹਾਂ ਨੁਕਸਾਨੇ, ਜਿਹਨਾਂ ਦੀ ਗਿਣਤੀ 12 ਦੱਸੀ ਜਾ ਰਹੀ ਹੈ।ਇੱਕ ਇਮਾਰਤ ਵਿੱਚੋਂ 12 ਲੋਕਾਂ ਨੂੰ ਰਾਹਤ ਕਰਮਚਾਰੀਆਂ ਨੇ ਕਾਫ਼ੀ ਜੱਦੋ-ਜਹਿਦ ਦੇ ਬਾਹਰ ਸੁੱਰਖਿਅਤ ਕੱਢਿਆ, ਜਿਸ ਨੂੰ ਤੂਫਾਨ ਨੇ ਨੀਂਹਾਂ ਤੋਂ ਹਿਲਾ ਦਿੱਤਾ। ਇਸ ਤੂਫਾਨ ਨੇ ਅੰਗੂਰਾਂ ਦੀ ਫਸਲ ਨੂੰ ਵੱਡਾ ਨੁਕਸਾਨ ਪਹੁੰਚਾਇਆ। ਸਥਾਨਕ ਪ੍ਰਸ਼ਾਸ਼ਨ ਨੇ ਪ੍ਰਭਾਵਿਤ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ਤੇ ਜਾਣ ਦੀ ਅਪੀਲ ਕੀਤੀ ਹੈ ਜਦੋਂ ਕਿ ਰਾਹਤ ਕਰਮਚਾਰੀਆਂ ਤੇ ਸਿਹਤ ਸਹੂਲਤਾਂ ਦੇ ਕਈ ਦਸਤੇ ਲੋਕਾਂ ਦੀ ਜਾਨ ਬਚਾਉਣ ਲਈ ਨਿਰੰਤਰ ਕਾਰਜਾਂ ਵਿੱਚ ਡੱਟੇ ਹੋਏ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚੀਨ ਦੇ Humanoid ਰੋਬੋਟ ਸ਼ੁਰੂਆਤੀ ਬਾਜ਼ਾਰੀ ਪ੍ਰੀਖਿਆ 'ਚ ਰਹੇ ਅਸਫਲ; ਵਧੀਆਂ ਚਿੰਤਾਵਾਂ
NEXT STORY 
