ਇੰਟਰਨੈਸ਼ਨਲ ਡੈਸਕ : ਚੀਨ ਦੇ ਮਾਨਵ-ਰੂਪੀ (Humanoid) ਰੋਬੋਟ ਉਦਯੋਗ ਨੇ ਨਿਰਮਾਣ ਅਤੇ ਸਰਕਾਰੀ ਸਬਸਿਡੀਆਂ ਦੇ ਦਮ 'ਤੇ ਸ਼ੁਰੂਆਤੀ ਉਛਾਲ ਤਾਂ ਦੇਖਿਆ ਹੈ, ਪਰ ਅਸਲ ਦੁਨੀਆ ਅਤੇ ਬਾਜ਼ਾਰ ਦੀ ਪ੍ਰੈਕਟੀਕਲ ਪ੍ਰੀਖਿਆ ਵਿੱਚ ਇਹ ਅਜੇ ਪਿੱਛੇ ਛੁੱਟ ਰਹੇ ਹਨ। ਰੋਇਟਰਜ਼ ਦੀ ਰਿਪੋਰਟ ਮੁਤਾਬਕ, ਹਾਲ ਹੀ ਵਿੱਚ ਸ਼ੰਘਾਈ ਬਾਜ਼ਾਰ ਵਿੱਚ ਲਿਸਟ ਹੋਈ ਚੀਨ ਦੀ ਸਭ ਤੋਂ ਵੱਡੀ ਰੋਬੋਟ ਬਣਾਉਣ ਵਾਲੀ ਕੰਪਨੀ Unitree ਦੇ ਸ਼ੇਅਰਾਂ ਵਿੱਚ ਆਈ ਭਾਰੀ ਗਿਰਾਵਟ ਨੇ ਇਸ ਖੇਤਰ ਵਿੱਚ 'ਬਬਲ' ਹੋਣ ਦਾ ਖਦਸ਼ਾ ਵਧਾ ਦਿੱਤਾ ਹੈ।
ਕੰਪਨੀ ਦੇ ਸੰਸਥਾਪਕ ਵਾਂਗ ਜ਼ਿੰਗਜ਼ਿੰਗ ਦੀ ਕੰਪਨੀ Unitree ਦੇ ਸ਼ੇਅਰਾਂ ਨੇ ਸ਼ੁਰੂਆਤ ਵਿੱਚ 460% ਦਾ ਵੱਡਾ ਉਛਾਲ ਦਰਜ ਕੀਤਾ ਸੀ। ਪਰ ਜਲਦ ਹੀ ਇਸ ਦੇ ਸ਼ੇਅਰ 30% ਤੱਕ ਡਿੱਗ ਗਏ, ਜਿਸ ਨਾਲ ਕੰਪਨੀ ਦੀ ਮਾਰਕੀਟ ਵੈਲਿਊ ਵਿੱਚੋਂ ਲਗਭਗ 14 ਅਰਬ ਡਾਲਰ ਸਾਫ਼ ਹੋ ਗਏ। 36 ਅਰਬ ਡਾਲਰ ਦੀ ਮੌਜੂਦਾ ਵੈਲਿਊਏਸ਼ਨ ਦੇ ਬਾਵਜੂਦ, ਨਿਵੇਸ਼ਕਾਂ ਵਿੱਚ ਇਸ ਦੀ ਕਾਰਜਕੁਸ਼ਲਤਾ ਨੂੰ ਲੈ ਕੇ ਚਿੰਤਾ ਹੈ।
ਬੇਜਿੰਗ ਵਿੱਚ ਆਯੋਜਿਤ 'ਵਰਲਡ ਹਿਊਮਨੋਇਡ ਰੋਬੋਟ ਗੇਮਜ਼' ਦੌਰਾਨ ਇਹਨਾਂ ਰੋਬੋਟਾਂ ਦੀਆਂ ਤਕਨੀਕੀ ਖਾਮੀਆਂ ਸਾਹਮਣੇ ਆਈਆਂ। ਖੇਡਾਂ ਦੌਰਾਨ 'Tiangong Ultra' ਨਾਮਕ ਰੋਬੋਟ ਨੇ 100 ਮੀਟਰ ਦੀ ਦੌੜ ਦਾ ਰਿਕਾਰਡ ਤਾਂ ਤੋੜਿਆ, ਪਰ ਬ੍ਰੇਕਿੰਗ ਸਿਸਟਮ ਨਾ ਹੋਣ ਕਰਕੇ ਉਹ ਸਿੱਧਾ ਰੁਕਾਵਟ ਨਾਲ ਜਾ ਟਕਰਾਇਆ। ਕਈ ਰੋਬੋਟਾਂ ਨੂੰ ਅੱਗ ਲੱਗ ਗਈ ਅਤੇ ਜ਼ਿਆਦਾਤਰ ਨੂੰ ਸਟ੍ਰੈਚਰਾਂ 'ਤੇ ਬਾਹਰ ਲਿਜਾਣਾ ਪਿਆ। ਇਹ ਘਟਨਾਵਾਂ ਦਰਸਾਉਂਦੀਆਂ ਹਨ ਕਿ ਇਹ ਰੋਬੋਟ ਅਜੇ ਆਮ ਮਨੁੱਖੀ ਕੰਮਾਂ ਨੂੰ ਸਹੀ ਢੰਗ ਨਾਲ ਕਰਨ, ਸਮਝਣ ਜਾਂ ਬ੍ਰੇਕ ਲਗਾਉਣ ਵਿੱਚ ਅਸਮਰੱਥ ਹਨ।
ਚੀਨ ਦੀਆਂ ਕੰਪਨੀਆਂ ਇਸ ਸਾਲ ਲਗਭਗ 1,00,000 ਰੋਬੋਟ ਯੂਨਿਟ ਭੇਜਣ ਦੀ ਤਿਆਰੀ ਵਿੱਚ ਹਨ, ਪਰ ਇਹ ਮੰਗ ਮੁੱਖ ਤੌਰ 'ਤੇ ਸਰਕਾਰੀ ਖਰੀਦਾਂ ਅਤੇ ਸਬਸਿਡੀਆਂ ਤੱਕ ਹੀ ਸੀਮਤ ਹੈ। Unitree ਦੇ ਮੁਖੀ ਨੇ ਆਪ ਮੰਨਿਆ ਹੈ ਕਿ ਇਹਨਾਂ ਰੋਬੋਟਾਂ ਦੀ ਆਮ ਬਾਜ਼ਾਰ ਵਿੱਚ ਵਪਾਰਕ ਵਰਤੋਂ ਅਜੇ ਬਹੁਤ ਸੀਮਤ ਹੈ ਅਤੇ ਅਸਲ ਪ੍ਰਗਤੀ ਆਉਣ ਵਿੱਚ ਇੱਕ ਦਹਾਕਾ (10 ਸਾਲ) ਤੱਕ ਦਾ ਸਮਾਂ ਲੱਗ ਸਕਦਾ ਹੈ। ਕੰਪਨੀਆਂ ਵਿਚਕਾਰ ਚੱਲ ਰਹੀ ਪ੍ਰਾਈਸ ਵਾਰ ਅਤੇ ਖੋਜ ਤੇ ਵਿਕਾਸ 'ਤੇ ਹੋ ਰਹੇ ਵੱਡੇ ਖਰਚਿਆਂ ਕਾਰਨ Unitree ਦੇ ਪਹਿਲੀ ਤਿਮਾਹੀ ਦੇ ਐਡਜਸਟਡ ਨੈੱਟ ਪ੍ਰੋਫਿਟ ਵਿੱਚ 53% ਦੀ ਗਿਰਾਵਟ ਆਈ ਹੈ।
ਤੇਲ ਦੀ ਕਿੱਲਤ ਨਾਲ ਜੂਝ ਰਹੇ ਰੂਸ ਦਾ ਭਾਰਤ ਨੇ ਫੜਿਆ ਹੱਥ ! ਭੇਜਿਆ 10,000,00 ਬੈਰਲ ਪੈਟਰੋਲ
NEXT STORY 
