ਅੰਕਾਰਾ (ਏਜੰਸੀ) - ਸੂਰਜਮੁਖੀ ਤੇਲ ਲੈ ਕੇ ਰੂਸ ਤੋਂ ਜਾਰਜੀਆ ਜਾ ਰਹੇ ਇੱਕ ਟੈਂਕਰ 'ਤੇ ਕਾਲਾ ਸਾਗਰ ਵਿੱਚ ਹਮਲਾ ਹੋਇਆ ਹੈ। ਤੁਰਕੀ ਦੀ ਸਮੁੰਦਰੀ ਅਥਾਰਟੀ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਥਾਰਟੀ ਨੇ ਅੱਗੇ ਕਿਹਾ ਕਿ ਕੁਝ ਦਿਨ ਪਹਿਲਾਂ ਵੀ ਇੱਕ ਰੂਸੀ "ਸ਼ੈਡੋ ਫਲੀਟ" ਨਾਲ ਸਬੰਧਤ 2 ਤੇਲ ਟੈਂਕਰਾਂ ਨੂੰ ਯੂਕ੍ਰੇਨੀ ਜਲ ਸੈਨਾ ਦੇ ਡਰੋਨਾਂ ਨੇ ਨਿਸ਼ਾਨਾ ਬਣਾਇਆ ਸੀ।
ਤੁਰਕੀ ਦੇ ਜਨਰਲ ਡਾਇਰੈਕਟੋਰੇਟ ਆਫ਼ ਮੈਰੀਟਾਈਮ ਅਫੇਅਰਜ਼ ਨੇ ਕਿਹਾ ਕਿ ਮਿਡਵੋਲਗਾ-2 'ਤੇ ਤੁਰਕੀ ਦੇ ਤੱਟ ਤੋਂ ਲਗਭਗ 130 ਕਿਲੋਮੀਟਰ (80 ਮੀਲ) ਦੂਰ ਹਮਲਾ ਹੋਇਆ। ਚਾਲਕ ਦਲ ਦੇ 13 ਮੈਂਬਰ ਸੁਰੱਖਿਅਤ ਹਨ ਅਤੇ ਜਹਾਜ਼ ਤੋਂ ਕੋਈ ਐਮਰਜੈਂਸੀ ਸਹਾਇਤਾ ਬੇਨਤੀਆਂ ਪ੍ਰਾਪਤ ਨਹੀਂ ਹੋਈਆਂ ਹਨ। ਇੱਕ ਬਿਆਨ ਵਿੱਚ ਸਮੁੰਦਰੀ ਅਥਾਰਟੀ ਨੇ ਦੱਸਿਆ ਕਿ ਇਹ ਜਹਾਜ਼ ਤੁਰਕੀ ਦੀ ਬੰਦਰਗਾਹ ਸਿਨੋਪ ਵੱਲ ਜਾ ਰਿਹਾ ਸੀ। ਇਸ ਘਟਨਾਕ੍ਰਮ ਤੋਂ ਬਾਅਦ, ਤੁਰਕੀ ਨੇ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਜ਼ਾਹਰ ਕੀਤੀ ਹੈ। ਸੋਮਵਾਰ ਨੂੰ ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤੈਯਪ ਅਰਦੋਗਨ ਨੇ ਰੂਸੀ ਜਹਾਜ਼ਾਂ, Kairos ਅਤੇ Virat, 'ਤੇ ਯੂਕ੍ਰੇਨ ਦੇ ਡਰੋਨ ਹਮਲੇ ਦੀ ਆਲੋਚਨਾ ਕੀਤੀ। ਅਰਦੋਗਨ ਨੇ ਇਸ ਨੂੰ ਸੰਘਰਸ਼ ਦਾ "ਚਿੰਤਾਜਨਕ ਵਾਧੇ" ਦਾ ਸੰਕੇਤ ਦੱਸਿਆ ਹੈ।
ਚੱਕਰਵਾਤ 'ਦਿਤਵਾ' ਤੋਂ ਬਾਅਦ ਐਮਰਜੈਂਸੀ ਰਿਸਪਾਂਸ 'ਚ ਭਾਰਤ ਸਭ ਤੋਂ ਅੱਗੇ : ਸ਼੍ਰੀਲੰਕਾ
NEXT STORY 
