ਪੇਸ਼ਾਵਰ (ਭਾਸ਼ਾ) : ਪਾਕਿਸਤਾਨ ਦੀ ਅੱਤਵਾਦ ਵਿਰੋਧੀ ਪੁਲਸ ਨੇ ਸੋਮਵਾਰ ਨੂੰ ਉੱਤਰ-ਪੱਛਮੀ ਖੈਬਰ ਪਖਤੂਨਖਵਾ ਸੂਬੇ ਵਿਚ ਇਕ ਮੁਕਾਬਲੇ ਵਿਚ ਦੋ ਸ਼ੱਕੀ ਅੱਤਵਾਦੀਆਂ ਨੂੰ ਮਾਰ ਦਿੱਤਾ। ਪੁਲਸ ਨੇ ਬੰਨੂ ਜ਼ਿਲ੍ਹੇ ਦੇ ਪਿੰਡ ਲਾਲੀ ਖੇਲ ਨੇੜੇ ਸ਼ਾਮਦੀ ਕੱਲੇ ਦੇ ਇੱਕ ਹੋਟਲ ਨੇੜੇ ਮੋਟਰਸਾਈਕਲ ਸਵਾਰ ਦੋ ਵਿਅਕਤੀਆਂ ਨੂੰ ਘੇਰ ਲਿਆ।
ਪੁਲਸ ਨੇ ਦੱਸਿਆ ਕਿ ਹਮਲਾਵਰ ਮੋਟਰਸਾਈਕਲ ਛੱਡ ਕੇ ਪੈਦਲ ਭੱਜ ਗਏ ਅਤੇ ਮੰਡੀਓ ਇਲਾਕੇ 'ਚ ਇਕ ਘਰ 'ਚ ਲੁਕ ਗਏ। ਇਸ ਤੋਂ ਬਾਅਦ ਹੋਈ ਗੋਲੀਬਾਰੀ 'ਚ ਦੋ ਸ਼ੱਕੀ ਅੱਤਵਾਦੀ ਮਾਰੇ ਗਏ। ਇਨ੍ਹਾਂ ਦੀ ਪਛਾਣ ਸਫੀਰ ਉਰਫ ਹਮਜ਼ਾ ਅਤੇ ਖਬੀਬ ਖਾਨ ਵਜੋਂ ਹੋਈ ਹੈ। ਬੰਨੂ ਦੇ ਅੱਤਵਾਦ ਵਿਰੋਧੀ ਵਿਭਾਗ ਨੂੰ ਕਈ ਮਾਮਲਿਆਂ 'ਚ ਦੋਵਾਂ ਦੀ ਤਲਾਸ਼ ਸੀ। ਇੱਕ ਵੱਖਰੀ ਘਟਨਾ ਵਿੱਚ ਬੰਨੂ ਜ਼ਿਲ੍ਹੇ ਦੇ ਮਾਮਾਖੇਲ ਇਲਾਕੇ ਵਿੱਚ ਅਣਪਛਾਤੇ ਹਮਲਾਵਰਾਂ ਵੱਲੋਂ ਇੱਕ ਪੁਲਸ ਸਬ-ਇੰਸਪੈਕਟਰ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਪੁਲਸ ਨੇ ਇਲਾਕੇ ਦੀ ਘੇਰਾਬੰਦੀ ਕਰ ਦਿੱਤੀ ਹੈ ਅਤੇ ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਤਲਾਸ਼ੀ ਮੁਹਿੰਮ ਸ਼ੁਰੂ ਕਰ ਦਿੱਤੀ ਹੈ।
ਬੰਗਲਾਦੇਸ਼ ਨੂੰ ਮਮਤਾ ਬੈਨਰਜੀ ਦੀ ਦੋ-ਟੁੱਕ, 'ਤੁਸੀਂ ਕਬਜ਼ਾ ਕਰੋਗੇ ਤਾਂ ਕੀ ਅਸੀਂ ਲਾਲੀਪਾਪ ਖਾਂਦੇ ਰਹਾਂਗੇ?'
NEXT STORY 
