ਮਾਸਕੋ- ਰੂਸੀ ਰਾਜਧਾਨੀ ਮਾਸਕੋ ਦੇ ਨੇੜੇ ਮੰਗਲਵਾਰ ਸਵੇਰੇ ਇਕ ਬਹੁ ਮੰਜ਼ਿਲੀ ਰਿਹਾਇਸ਼ੀ ਇਮਾਰਤ 'ਤੇ ਯੂਕ੍ਰੇਨ ਵੱਲੋਂ ਡਰੋਨ ਹਮਲਾ ਹੋਇਆ। ਰੂਸੀ ਖ਼ਬਰ ਏਜੰਸੀ TASS ਮੁਤਾਬਕ, ਇਹ ਹਮਲਾ ਮਾਸਕੋ ਦੇ ਪੱਛਮੀ ਕਸਬੇ ਕ੍ਰਾਸਨੋਗੋਰਸਕ 'ਚ ਹੋਇਆ ਜਿੱਥੇ 17ਵੀਂ ਮੰਜ਼ਿਲ 'ਤੇ ਡਰੋਨ ਦੇ ਟਕਰਾਉਣ ਕਾਰਨ ਅੱਗ ਲੱਗ ਗਈ। ਹਾਦਸੇ 'ਚ ਦੋ ਲੋਕਾਂ ਦੇ ਜ਼ਖ਼ਮੀ ਹੋਣ ਦੀ ਜਾਣਕਾਰੀ ਮਿਲੀ ਹੈ, ਜੋ ਕਿ ਹਸਪਤਾਲ 'ਚ ਇਲਾਜ ਅਧੀਨ ਹਨ।
ਮਾਸਕੋ ਖੇਤਰ ਦੇ ਗਵਰਨਰ ਆਂਦਰੇਈ ਵੋਰੋਬਯੋਵ ਨੇ ਦੱਸਿਆ ਕਿ ਇਲਾਕੇ 'ਚ ਹੋਰ ਦੋ ਡਰੋਨ ਵੀ ਸੁੱਟੇ ਗਏ ਹਨ। ਉਥੇ ਹੀ, ਮਾਸਕੋ ਦੇ ਮੇਅਰ ਸਰਗੇਈ ਸੋਬਯਾਨਿਨ ਨੇ ਕਿਹਾ ਕਿ ਰੂਸੀ ਹਵਾਈ ਰੱਖਿਆ ਪ੍ਰਣਾਲੀ ਨੇ ਸ਼ਹਿਰ ਵੱਲ ਆ ਰਹੇ ਤਿੰਨ ਯੂਕ੍ਰੇਨੀ ਡਰੋਨ ਰੋਕੇ ਹਨ। ਰੂਸ ਦੇ ਰੱਖਿਆ ਮੰਤਰਾਲੇ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਅੱਧੀ ਰਾਤ ਤੋਂ ਪਹਿਲਾਂ 90 ਮਿੰਟਾਂ ਦੇ ਅੰਦਰ ਕੁਰਸਕ ਅਤੇ ਬ੍ਰਿਆਨਸਕ ਖੇਤਰਾਂ 'ਚ 9 ਡਰੋਨ ਤਬਾਹ ਕੀਤੇ ਗਏ।
ਦੱਸਣਯੋਗ ਹੈ ਕਿ ਯੂਕ੍ਰੇਨ ਨੇ ਹਾਲੀਆ ਮਹੀਨਿਆਂ 'ਚ ਰੂਸ ਦੇ ਕਈ ਅੰਦਰੂਨੀ ਇਲਾਕਿਆਂ 'ਚ ਲੰਬੀ ਦੂਰੀ ਦੇ ਹਮਲੇ ਕੀਤੇ ਹਨ। ਇਨ੍ਹਾਂ 'ਚ "ਆਪਰੇਸ਼ਨ ਸਪਾਈਡਰਜ਼ ਵੈੱਬ" ਵੀ ਸ਼ਾਮਲ ਸੀ ਜਿਸ ਦੌਰਾਨ ਰੂਸ ਦੇ ਕਈ ਹਵਾਈ ਅੱਡਿਆਂ 'ਤੇ ਲੰਬੀ ਰੇਂਜ ਵਾਲੇ ਲੜਾਕੂ ਜਹਾਜ਼ ਨਿਸ਼ਾਨੇ 'ਤੇ ਲਏ ਗਏ। ਦੂਜੇ ਪਾਸੇ, ਰੂਸ ਵੀ ਯੂਕ੍ਰੇਨ ਦੀ ਰਾਜਧਾਨੀ ਕੀਵ ਅਤੇ ਹੋਰ ਸ਼ਹਿਰਾਂ 'ਤੇ ਡਰੋਨ ਅਤੇ ਮਿਜ਼ਾਈਲ ਹਮਲੇ ਤੇਜ਼ ਕਰ ਚੁੱਕਾ ਹੈ। ਹਫ਼ਤੇਵਾਰ ਅੰਤ 'ਚ ਕੀਵ 'ਚ ਹੋਏ ਹਮਲਿਆਂ ਦੌਰਾਨ 10 ਲੋਕ ਮਾਰੇ ਗਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੀਜ਼ਫਾਇਰ ਮਗਰੋਂ ਇਨ੍ਹਾਂ ਦੇਸ਼ਾਂ ਨੇ ਮੁੜ ਖੋਲ੍ਹਿਆ ਆਪਣਾ ਏਅਰਸਪੇਸ
NEXT STORY 
