ਵੈੱਬ ਡੈਸਕ : ਯੂਕਰੇਨ ਤੇ ਰੂਸ ਨੇ ਇਸਤਾਂਬੁਲ 'ਚ ਹੋਣ ਵਾਲੀਆਂ ਸ਼ਾਂਤੀ ਗੱਲਬਾਤਾਂ ਤੋਂ ਠੀਕ ਪਹਿਲਾਂ ਜੰਗ ਵੱਲ ਇਕ ਪੈਰ ਵਧਾ ਦਿੱਤਾ ਹੈ। ਇਸਦੇ ਨਾਲ ਹੀ ਇਹ ਚਿੰਤਾ ਜ਼ਾਹਿਰ ਕੀਤੀ ਜਾ ਰਹੀ ਹੈ ਕਿ ਰਵਿਵਾਰ ਨੂੰ ਰੂਸ ਦੀ ਹੱਦ 'ਚ ਹੋਏ ਡਰੋਨ ਹਮਲੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਰਾਸ਼ਟਰਪਤੀ ਵੋਲੋਦਿਮੀਰ ਜੇਲੇਨਸਕੀ ਦੀ ਅਗਵਾਈ ਵਾਲੇ ਯੂਕਰੇਨ ਦੇ ਖਿਲਾਫ ਨਿਊਕਲੀਅਰ ਹਥਿਆਰ ਵਰਤਣ ਵੱਲ ਨਾ ਧੱਕ ਦੇਣ। ਰੂਸ ਅਤੇ ਅਮਰੀਕਾ ਦੁਨੀਆ ਦੇ ਸਭ ਤੋਂ ਵੱਡੇ ਨਿਊਕਲੀਅਰ ਤਾਕਤਾਂ ਵਾਲੇ ਦੇਸ਼ ਹਨ।
ਪੰਜ ਰੂਸੀ ਏਅਰਬੇਸਾਂ 'ਤੇ ਹਮਲੇ
ਰਵਿਵਾਰ ਨੂੰ ਰੂਸੀ ਰੱਖਿਆ ਮੰਤਰਾਲੇ ਨੇ ਪੁਸ਼ਟੀ ਕੀਤੀ ਕਿ ਯੂਕਰੇਨੀ ਡਰੋਨਾਂ ਨੇ ਰੂਸ ਦੇ ਅੰਦਰ ਪੰਜ ਹਵਾਈ ਅੱਡਿਆਂ 'ਤੇ ਹਮਲੇ ਕੀਤੇ, ਜਿਸ ਕਾਰਨ ਕੁਝ ਜਹਾਜ਼ਾਂ ਨੂੰ ਨੁਕਸਾਨ ਹੋਇਆ। ਯੂਕਰੇਨ ਨੇ ਦਾਅਵਾ ਕੀਤਾ ਕਿ ਉਸਨੇ ਲਗਭਗ 40 ਰੂਸੀ ਜਹਾਜ਼ ਤਬਾਹ ਕਰ ਦਿੱਤੇ, ਜਿਨ੍ਹਾਂ ਵਿੱਚ TU-95 ਅਤੇ Tu-22 ਵਰਗੇ ਨਿਊਕਲੀਅਰ ਹਮਲੇ ਯੋਗ ਸਟ੍ਰੈਟਜਿਕ ਬੰਬਰ ਵੀ ਸ਼ਾਮਲ ਹਨ। ਇਹ ਸਾਰੀ ਯੋਜਨਾ ਯੂਕਰੇਨ ਦੀ ਗੁਪਤਚਰ ਏਜੰਸੀ SBU ਵੱਲੋਂ ਪਿਛਲੇ 11 ਮਹੀਨਿਆਂ ਵਿੱਚ ਤਿਆਰ ਕੀਤੀ ਗਈ ਸੀ।
ਸ਼ਾਂਤੀ ਗੱਲਬਾਤਾਂ ਤੋਂ ਪਹਿਲਾਂ ਦਬਾਅ ਬਣਾਉਣ ਦੀ ਕੋਸ਼ਿਸ਼
ਅੰਤਰਰਾਸ਼ਟਰੀ ਨਿਰੀਖਕਾਂ ਨੇ ਅਟਕਲਾਂ ਲਗਾਈਆਂ ਹਨ ਕਿ ਯੂਕਰੇਨੀ ਰਾਸ਼ਟਰਪਤੀ ਜੇਲੇਨਸਕੀ, ਜੋ 2 ਜੂਨ ਨੂੰ ਤੁਰਕੀ ਦੇ ਇਸਤਾਂਬੁਲ ਵਿੱਚ ਹੋਣ ਵਾਲੀਆਂ ਦੂਜੀ ਰਾਊਂਡ ਦੀ ਸ਼ਾਂਤੀ ਗੱਲਬਾਤ ਲਈ ਤਿਆਰ ਹੋ ਰਹੇ ਹਨ, ਮਾਸਕੋ 'ਤੇ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਰੂਸ ਦੀ ਟੀਮ, ਜਿਸ ਦੀ ਅਗਵਾਈ ਕ੍ਰੇਮਲਿਨ ਦੇ ਸਲਾਹਕਾਰ ਵਲਾਦੀਮੀਰ ਮੇਡੀਨਸਕੀ ਕਰ ਰਹੇ ਹਨ, ਪਹਿਲਾਂ ਹੀ ਤੁਰਕੀ ਪਹੁੰਚ ਚੁੱਕੀ ਹੈ। ਹਾਲਾਂਕਿ ਵਿਸ਼ੇਸ਼ਗਿਆਨੀਆਂ ਦਾ ਮੰਨਣਾ ਹੈ ਕਿ ਯੂਕਰੇਨ ਅਤੇ ਰੂਸ ਵਿਚਕਾਰ ਤੁਰੰਤ ਸੀਜ਼ਫਾਇਰ ਦੀ ਸੰਭਾਵਨਾ ਘੱਟ ਹੈ।
ਨਿਊਕਲੀਅਰ ਹਥਿਆਰ ਵਰਤਣ ਦਾ ਖ਼ਤਰਾ?
ਇਹ ਸਵਾਲ ਹੁਣ ਬਹੁਤ ਜ਼ਰੂਰੀ ਹੋ ਗਿਆ ਹੈ — ਕੀ ਪੂਤਿਨ ਨਿਊਕਲੀਅਰ ਰਸਤੇ 'ਤੇ ਜਾ ਸਕਦੇ ਹਨ? 4 ਮਈ ਨੂੰ ਇੱਕ ਇੰਟਰਵਿਊ ਵਿੱਚ ਪੂਤਿਨ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਹੁਣ ਤਕ ਯੂਕਰੇਨ ਵਿੱਚ ਨਿਊਕਲੀਅਰ ਹਥਿਆਰ ਵਰਤਣ ਦੀ ਲੋੜ ਮਹਿਸੂਸ ਨਹੀਂ ਹੋਈ ਅਤੇ ਉਹ ਆਸ ਕਰਦੇ ਹਨ ਕਿ ਇਹ ਲੋੜ ਕਦੇ ਪਵੇ ਨਾ। ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਕਾਫ਼ੀ ਤਾਕਤ ਅਤੇ ਸਾਧਨ ਹਨ ਜੋ 2022 ਵਿੱਚ ਜੋ ਸ਼ੁਰੂ ਕੀਤਾ ਸੀ, ਉਸਨੂੰ ਰੂਸ ਲਈ ਲਾਜ਼ਮੀ ਨਤੀਜੇ ਨਾਲ ਅੰਤ ਤੱਕ ਲਿਜਾ ਸਕਣ।
ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ
ਦੱਸ ਦਈਏ ਕਿ ਇਨ੍ਹੀਂ ਦਿਨੀਂ ਇਕ ਵੀਡੀਓ ਵੀ ਤੇਜ਼ੀ ਨਾਲ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਰੂਸੀ ਫੌਜੀ ਵੱਡੀਆਂ ਮਿਜ਼ਾਇਲਾਂ ਲਿਜਾਂਦੇ ਦੇਖੇ ਜਾ ਸਕਦੇ ਹਨ। ਇਸ ਦੌਰਾਨ ਵੀਡੀਓ ਪੋਸਟ ਦੇ ਨਾਲ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਰੂਸ ਯੂਕਰੇਨ ਦੇ ਖਿਲਾਫ ਨਿਊਕਲੀਅਰ ਪਾਵਰ ਵਰਤਣ ਦੀ ਤਿਆਰੀ ਕਰ ਰਿਹਾ ਹੈ।
ਰੂਸ ਦੀ ਨਵੀਂ ਨਿਊਕਲੀਅਰ ਨੀਤੀ
ਨਵੰਬਰ 2024 ਵਿੱਚ, ਪੂਤਿਨ ਨੇ ਰੂਸ ਦੀ ਨਵੀਂ ਨਿਊਕਲੀਅਰ ਨੀਤੀ ਨੂੰ ਮਨਜ਼ੂਰੀ ਦਿੱਤੀ ਸੀ, ਜਿਸ ਵਿੱਚ ਇਹ ਦਰਸਾਇਆ ਗਿਆ ਕਿ ਕਿਹੜੀਆਂ ਸਥਿਤੀਆਂ 'ਚ ਮਾਸਕੋ ਆਪਣੇ ਪਰਮਾਣੂ ਹਥਿਆਰ ਵਰਤ ਸਕਦੀ ਹੈ। ਨਵੀਂ ਨੀਤੀ ਵਿੱਚ ਨਿਊਕਲੀਅਰ ਹਥਿਆਰ ਵਰਤਣ ਦੀ ਲਾਈਨ ਹੋਰ ਹੇਠਾਂ ਕਰ ਦਿੱਤੀ ਗਈ, ਜਿਸ ਵਿੱਚ ਇਹ ਵੀ ਸ਼ਾਮਲ ਸੀ ਕਿ ਕੋਈ ਵੀ ਪਰੰਪਰਾਗਤ ਹਮਲਾ, ਜੇਕਰ ਕਿਸੇ ਨਿਊਕਲੀਅਰ ਤਾਕਤ ਦੀ ਮਦਦ ਨਾਲ ਕੀਤਾ ਗਿਆ ਹੋਵੇ, ਉਸਦੇ ਜਵਾਬ ਵਿੱਚ ਵੀ ਰੂਸ ਪਰਮਾਣੂ ਹਥਿਆਰ ਵਰਤ ਸਕਦਾ ਹੈ।
ਅਮਰੀਕਾ ਦੇ ਇਲਜ਼ਾਮ
ਇਸਦੇ ਨਾਲ ਹੀ ਅਮਰੀਕਾ ਨੇ ਰੂਸ ਨੂੰ 1972 ਦੀ Anti-Ballistic Missile Treaty ਅਤੇ 1987 ਦੀ Intermediate-Range Nuclear Forces (INF) Treaty ਦੇ ਖਤਮ ਹੋਣ ਲਈ ਜਿੰਮੇਵਾਰ ਠਹਿਰਾਇਆ। ਅਮਰੀਕਾ ਨੇ 2002 ਵਿੱਚ ABM ਟਰੀਟੀ ਤੋਂ ਅਤੇ 2019 ਵਿੱਚ INF ਟਰੀਟੀ ਤੋਂ ਵਾਪਸੀ ਲਈ ਰੂਸ ਵੱਲੋਂ ਨਿਯਮਾਂ ਦੀ ਉਲੰਘਣਾ ਦਾ ਹਵਾਲਾ ਦਿੱਤਾ, ਜਿਸ ਨੂੰ ਮਾਸਕੋ ਨੇ ਇਨਕਾਰ ਕਰ ਦਿੱਤਾ। ਹੁਣ ਸਾਰੀ ਦੁਨੀਆ ਦੀ ਨਜ਼ਰ 2 ਜੂਨ ਨੂੰ ਹੋਣ ਵਾਲੀਆਂ ਗੱਲਬਾਤਾਂ ਅਤੇ ਰੂਸ ਦੇ ਅਗਲੇ ਕਦਮ ਉੱਤੇ ਟਿਕੀ ਹੋਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਜੰਗਬੰਦੀ ਦੀ ਆਸ! ਰੂਸ ਅਤੇ ਯੂਕ੍ਰੇਨ ਕਰਨਗੇ ਦੂਜੇ ਦੌਰ ਦੀ ਸ਼ਾਂਤੀ ਵਾਰਤਾ
NEXT STORY 
