ਕੈਨਬਰਾ (IANS) : ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਐਲਾਨ ਕੀਤਾ ਹੈ ਕਿ ਦੇਸ਼ ਦਾ ਸਭ ਤੋਂ ਭੈੜਾ ਮਹਿੰਗਾਈ ਸੰਕਟ ਖਤਮ ਹੋ ਗਿਆ ਹੈ। ਸਿਨਹੂਆ ਨਿਊਜ਼ ਏਜੰਸੀ ਦੀ ਰਿਪੋਰਟ ਮੁਤਾਬਕ, ਐਤਵਾਰ ਨੂੰ ਦੱਖਣੀ ਆਸਟ੍ਰੇਲੀਆ 'ਚ ਇੱਕ ਸਮਾਗਮ 'ਚ ਬੋਲਦਿਆਂ, ਐਂਥਨੀ ਅਲਬਾਨੀਜ਼ ਨੇ ਕਿਹਾ ਕਿ ਆਸਟਰੇਲੀਅਨਾਂ ਦੇ ਨਵੇਂ ਅੰਕੜਿਆਂ ਨਾਲ ਆਸ਼ਾਵਾਦੀ ਹੋਣ ਦਾ ਕਾਰਨ ਹੈ ਕਿ ਮਹਿੰਗਾਈ ਤਿੰਨ ਸਾਲਾਂ 'ਚ ਸਭ ਤੋਂ ਹੇਠਲੇ ਪੱਧਰ 'ਤੇ ਹੈ।
ਆਸਟ੍ਰੇਲੀਆਈ ਬਿਊਰੋ ਆਫ ਸਟੈਟਿਸਟਿਕਸ ਦੁਆਰਾ ਬੁੱਧਵਾਰ ਨੂੰ ਪ੍ਰਕਾਸ਼ਿਤ ਅਧਿਕਾਰਤ ਅੰਕੜਿਆਂ ਦੇ ਅਨੁਸਾਰ, ਉਪਭੋਗਤਾ ਮੁੱਲ ਸੂਚਕਾਂਕ (ਸੀਪੀਆਈ), ਆਸਟ੍ਰੇਲੀਆ 'ਚ ਮਹਿੰਗਾਈ ਦਾ ਮੁੱਖ ਮਾਪ ਜੁਲਾਈ ਦੀ ਸ਼ੁਰੂਆਤ ਤੋਂ ਸਤੰਬਰ ਦੇ ਅਖੀਰ ਤਕ 2024 ਦੀ ਤੀਜੀ ਤਿਮਾਹੀ 'ਚ 0.2 ਪ੍ਰਤੀਸ਼ਤ ਵਧਿਆ। ਇਹ ਜੂਨ 2020 ਵਿੱਚ ਖਤਮ ਹੋਣ ਵਾਲੀ ਤਿੰਨ ਮਹੀਨਿਆਂ ਦੀ ਮਿਆਦ ਤੋਂ ਬਾਅਦ ਸਭ ਤੋਂ ਘੱਟ ਤਿਮਾਹੀ ਸੀਪੀਆਈ ਵਾਧਾ ਦਰਸਾਉਂਦਾ ਹੈ।
ਉਨ੍ਹਾਂ ਕਿਹਾ ਕਿ ਮੈਂ ਜਾਣਦਾ ਹਾਂ ਕਿ ਕਾਮਿਆਂ, ਪਰਿਵਾਰਾਂ ਅਤੇ ਛੋਟੇ ਕਾਰੋਬਾਰੀਆਂ ਨੇ ਸਖਤ ਮਿਹਨਤ ਕੀਤੀ ਹੈ ਪਰ ਅਜੇ ਵੀ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਬਾਕੀ ਹੈ, ਅਜੇ ਵੀ ਸਮੱਸਿਆਵਾਂ ਨੂੰ ਹੱਲ ਕਰਨਾ ਹੈ, ਅਜੇ ਵੀ ਦਬਾਅ ਵਿਚ ਰਹਿਣ ਵਾਲੇ ਲੋਕਆਂ ਨੂੰ ਸਾਡੀ ਮਦਦ ਦੀ ਲੋੜ ਹੈ। ਜਦੋਂ ਅਸੀਂ ਅੱਜ ਅਰਥਵਿਵਸਥਾ ਦੇਖਦੇ ਹਾਂ ਤਾਂ ਅਸੀਂ ਭਰੋਸੇ ਦੇ ਨੇਵੇਂ ਕਾਰਨ ਤੇ ਨਵੇਂ ਸਬੂਤ ਦੇਖ ਸਕਦੇ ਹਾਂ ਕਿ ਸਭ ਤੋਂ ਬੁਰਾ ਸਮਾਂ ਪਿੱਛੇ ਰਹਿ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਮਿਲ ਕੇ, ਅਸੀਂ ਇੱਕ ਗਲੋਬਲ ਤੂਫਾਨ ਦਾ ਸਾਹਮਣਾ ਕੀਤਾ ਹੈ ਅਤੇ ਅਸੀਂ ਇਸਨੂੰ ਆਸਟ੍ਰੇਲੀਆਈ ਤਰੀਕੇ ਨਾਲ ਨੇਵੀਗੇਟ ਕੀਤਾ ਹੈ। ਸਤੰਬਰ ਦੇ ਅੰਤ ਤੱਕ 12 ਮਹੀਨਿਆਂ ਦੀ ਮਿਆਦ ਵਿੱਚ ਸੀਪੀਆਈ ਵਿੱਚ 2.8 ਪ੍ਰਤੀਸ਼ਤ ਦਾ ਵਾਧਾ ਹੋਇਆ, ਜੋ ਮਾਰਚ 2021 ਤੋਂ ਬਾਅਦ ਇੱਕ ਤਿਮਾਹੀ ਦੇ ਅੰਤ ਵਿੱਚ ਸਭ ਤੋਂ ਘੱਟ ਸਾਲਾਨਾ ਅੰਕੜਾ ਹੈ।
ਆਸਟ੍ਰੇਲੀਆ ਦੀ ਸਾਲਾਨਾ ਮਹਿੰਗਾਈ ਦਰ ਦਸੰਬਰ 2022 ਨੂੰ ਖਤਮ ਹੋਣ ਵਾਲੇ 12 ਮਹੀਨਿਆਂ 'ਚ 32 ਸਾਲਾਂ ਦੇ ਉੱਚੇ ਪੱਧਰ 7.8 ਫੀਸਦੀ 'ਤੇ ਪਹੁੰਚ ਗਈ।
ਭਾਰਤ-ਅਮਰੀਕਾ ਭਾਈਵਾਲੀ ਵਿਸ਼ਵ ਪੱਧਰ 'ਤੇ ਸਭ ਤੋਂ ਮਹੱਤਵਪੂਰਨ : ਡੈਮੋਕਰੇਟਿਕ ਨੇਤਾ ਮਖੀਜਾ
NEXT STORY 
