ਨਵੀਂ ਦਿੱਲੀ — ਆਨਲਾਈਨ ਸ਼ਾਪਿੰਗ ਕਰਦੇ ਸਮੇਂ ਅਸੀਂ ਆਪਣੇ ਡੈਬਿਟ ਅਤੇ ਕ੍ਰੈਡਿਟ ਕਾਰਡ ਦਾ ਇਸਤੇਮਾਲ ਕਰਦੇ ਹਾਂ। ਕਈ ਵਾਰ ਬਹੁਤ ਸਾਰੀਆਂ ਵੈਬਸਾਈਟ ਪੇਮੈਂਟ ਕਰਨ ਲਈ ਕਿਸੇ ਖਾਸ ਬੈਂਕ ਦੇ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਦੀ ਵਰਤੋਂ ਕਰਨ 'ਤੇ ਭਾਰੀ ਛੋਟ, ਆਕਰਸ਼ਕ ਕੈਸ਼ਬੈਕ ਅਤੇ ਹੋਰ ਬਹੁਤ ਸਾਰੇ ਆਫਰ ਦਿੰਦੀਆਂ ਹਨ। ਇਸ ਤੋਂ ਇਲਾਵਾ ਕਿਸੇ ਸਮਾਨ ਨੂੰ ਬੁੱਕ ਕਰਨ 'ਤੇ ਕੈਸ਼ ਆਨ ਡਿਲਵਰੀ(ਸੀ.ਓ.ਡੀ.) ਦਾ ਵਿਕਲਪ ਵੀ ਹੁੰਦਾ ਹੈ, ਜਿਥੇ ਅਸੀਂ ਆਨ ਲਾਈਨ ਚੀਜ਼ਾ ਆਰਡਰ ਕਰਦੇ ਹਾਂ ਅਤੇ ਉਸਨੂੰ ਲੈਂਦੇ ਸਮੇਂ ਪੇਮੈਂਟ ਕਰਦੇ ਹਾਂ।
ਕਾਰਡ ਦਾ ਇਸਤੇਮਾਲ ਕਰਦੇ ਸਮੇਂ ਰਹੋ ਸਾਵਧਾਨ
- ਕਾਰਡ ਦਾ ਇਸਤੇਮਾਲ ਕਰਦੇ ਸਮੇਂ ਚੌਕੰਣੇ ਰਹਿਣਾ ਚਾਹੀਦਾ ਹੈ। ਕਈ ਵਾਰ ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਆਨ ਲਾਈਨ ਭੁਗਤਾਨ ਕਰਨ ਲਈ ਡੈਬਿਟ ਕਾਰਡ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਕਈ ਉਪਭੋਗਤਾ ਆਪਣੇ ਡੈਬਿਟ ਕਾਰਡ ਦਾ ਇਸਤੇਮਾਲ ਹਰ ਵਾਰ ਆਨਲਾਈਨ ਖਰੀਦਦਾਰੀ ਲਈ ਕਰਦੇ ਹਨ। ਹਾਲਾਂਕਿ ਕ੍ਰੈਡਿਟ ਕਾਰਡ ਦੇ ਜ਼ਰੀਏ ਭੁਗਤਾਨ ਕਰਨ ਦੀ ਬਜਾਏ ਡੈਬਿਟ ਕਾਰਡ ਦੀ ਵਰਤੋਂ ਕਰਕੇ ਤੁਸੀਂ ਕਰਜ਼ੇ ਦੇ ਜਾਲ 'ਚ ਫਸਣ ਤੋਂ ਬਚ ਸਕਦੇ ਹੋ। ਅਜਿਹਾ ਇਸ ਲਈ ਕਿਉਂਕਿ ਡੈਬਿਟ ਕਾਰਡ ਸਿੱਧੇ ਤੁਹਾਡੇ ਬੈਂਕ ਖਾਤੇ ਨਾਲ ਜੁੜਿਆ ਹੁੰਦਾ ਹੈ ਅਤੇ ਤੁਸੀਂ ਸਿਰਫ ਆਪਣੇ ਖਾਤੇ 'ਚ ਜਮ੍ਹਾਂ ਧਨ ਦੀ ਹੀ ਵਰਤੋਂ ਕਰ ਸਕਦੇ ਹੋ। ਪਰ ਜੇਕਰ ਕਦੇ ਡੈਬਿਟ ਕਾਰਡ ਨੂੰ ਲੈ ਕੇ ਧੋਖਾਧੜੀ ਹੁੰਦੀ ਹੈ ਤਾਂ ਜਾਲਸਾਜ਼ ਤੁਹਾਡੇ ਬੈਂਕ ਖਾਤੇ ਵਿਚੋਂ ਸਾਰੇ ਪੈਸੇ ਕਢਵਾ ਸਕਦੇ ਹਨ।
- ਜ਼ਿਕਰਯੋਗ ਹੈ ਕਿ ਪੇਮੈਂਟ ਲਈ ਆਪਣੇ ਡੈਬਿਟ ਕਾਰਡ ਦੀ ਵਰਤੋਂ ਕਰਨ ਨਾਲ ਤੁਹਾਡਾ ਕ੍ਰੈਡਿਟ ਸਕੋਰ ਬਿਹਤਰ ਨਹੀਂ ਰਹਿੰਦਾ। ਇਸ ਤੋਂ ਇਲਾਵਾ ਕ੍ਰੈਡਿਟ ਕਾਰਡ ਦਾ ਇਸਤੇਮਾਲ ਕਰਦੇ ਸਮੇਂ ਪੈਸਾ ਤੁਹਾਡੇ ਕੋਲ ਨਹੀਂ ਹੁੰਦਾ ਹੈ ਜਦੋਂਕਿ ਡੈਬਿਟ ਕਾਰਡ ਦੀ ਵਰਤੋਂ ਕਰਨ 'ਤੇ ਉਹ ਪੈਸਾ ਤੁਹਾਡੇ ਆਪਣੇ ਬੈਂਕ ਵਿਚ ਹੁੰਦਾ ਹੈ।
- ਡੈਬਿਟ ਕਾਰਡ ਏ.ਟੀ.ਐਮ. ਵਿਚੋਂ ਨਕਦੀ ਕਢਵਾਉਣ, ਖਰੀਦਦਾਰੀ ਕਰਨ ਸਮੇਂ ਭੁਗਤਾਨ ਅਤੇ ਬਿੱਲਾਂ ਦੇ ਭੁਗਤਾਨ ਕਰਨ ਦਾ ਸਭ ਤੋਂ ਅਸਾਨ ਤਰੀਕਾ ਹੈ। ਜੇਕਰ ਤੁਸੀਂ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਦੇ ਹੋ ਤਾਂ ਤੁਸੀਂ ਕ੍ਰੈਡਿਟ ਕਾਰਡ ਦੇ ਪੈਸੇ ਉਸ ਸਮੇਂ ਤੱਕ ਖਰਚ ਕਰ ਰਹੇ ਹੋ ਜਦੋਂ ਤੱਕ ਤੁਸੀਂ ਮਹੀਨੇ ਦੇ ਆਖਿਰ 'ਚ ਕ੍ਰੈਡਿਟ ਕਾਰਡ ਦੇ ਬਿੱਲਾਂ ਦਾ ਭੁਗਤਾਨ ਕਰ ਰਹੇ ਹੋ।
- ਜੇਕਰ ਤੁਹਾਡਾ ਡੈਬਿਟ ਕਾਰਡ ਗੁੰਮ ਹੋ ਜਾਂਦਾ ਹੈ ਤਾਂ ਤੁਸੀਂ ਤੁਰੰਤ ਆਪਣੇ ਬੈਂਕ ਖਾਤੇ ਵਿਚੋਂ ਨਕਦੀ ਗੁਆ ਲੈਂਦੇ ਹੋ। ਹਾਲਾਂਕਿ ਕ੍ਰੈਡਿਟ ਕਾਰਡ ਦੇ ਮਾਮਲੇ 'ਚ ਵੀ ਤੁਸੀਂ ਪੈਸੇ ਖਰਚ ਕਰਦੇ ਹੋ ਜਿਸ ਵਿਚ ਲੈਣ-ਦੇਣ 'ਚ ਫਰਕ ਹੁੰਦਾ ਹੈ ਜਦੋਂ ਤੁਹਾਨੂੰ ਪੈਸਾ ਦੇਣਾ ਹੁੰਦਾ ਹੈ ਉਸ ਸਮੇਂ ਬਿਲਿੰਗ ਸਾਈਕਲ ਦੇ ਤਹਿਤ ਬਿੱਲ ਬਣ ਕੇ ਆਉਂਦਾ ਹੈ।
- ਕ੍ਰੈਡਿਟ ਕਾਰਡ ਕੰਪਨੀਆਂ ਕਾਰਡ ਦੀ ਵਰਤੋਂ 'ਤੇ ਕਈ ਡੀਲ ਕਰਦੀਆਂ ਹਨ। ਕੁਝ ਮੂਵੀ ਵਾਊਚਰ, ਈਂਧਣ 'ਤੇ ਛੋਟ, ਕੈਸ਼ਬੈਕ ਆਫਰ ਜਾਂ ਰਿਵਾਰਡ ਪੁਆਇੰਟਸ ਦਿੰਦੇ ਹਨ। ਪਰ ਡੈਬਿਟ ਕਾਰਡ ਦਾ ਇਸਤੇਮਾਲ ਕਰਦੇ ਸਮੇਂ ਤੁਹਾਨੂੰ ਇਨ੍ਹਾਂ ਵਿਚੋਂ ਕੋਈ ਵੀ ਆਫਰ ਸ਼ਾਇਦ ਹੀ ਮਿਲੇ। ਕ੍ਰੈਡਿਟ ਕਾਰਡ ਤੁਹਾਡੇ ਲਈ ਵਧੀਆ ਹੋ ਸਕਦਾ ਹੈ ਜੇਕਰ ਤੁਸੀਂ ਇਸ ਦੇ ਸਹੀ ਇਸਤੇਮਾਲ ਨੂੰ ਲੈ ਕੇ ਚੌਕੰਣੇ ਹੋ।
ਆਧਾਰ ਕਾਰਡ ਦਾ ਪਤਾ ਬਦਲਣਾ ਹੋਇਆ ਆਸਾਨ, ਸਰਕਾਰ ਨੇ ਆਸਾਨ ਕੀਤੇ ਨਿਯਮ
NEXT STORY 
