ਨਵੀਂ ਦਿੱਲੀ — ਤੇਜ਼ ਰਫਤਾਰ ਜ਼ਿੰਦਗੀ 'ਚ ਅੱਜ ਹਰ ਵਿਅਕਤੀ ਲਈ ਸੁਰੱਖਿਆ ਬੀਮਾ ਜ਼ਰੂਰੀ ਹੁੰਦਾ ਜਾ ਰਿਹਾ ਹੈ। ਇਸ ਲਈ ਭਾਰਤ ਸਰਕਾਰ ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ ਦੇ ਤਹਿਤ ਬਹੁਤ ਹੀ ਘੱਟ ਖਰਚੇ 'ਚ ਲੋਕਾਂ ਨੂੰ ਸੁਰੱਖਿਆ ਬੀਮਾ ਉਪਲੱਬਧ ਕਰਵਾ ਰਹੀ ਹੈ। ਘੱਟ ਆਮਦਨੀ ਵਾਲੇ ਲੋਕਾਂ ਲਈ ਇਹ ਯੋਜਨਾ ਬਹੁਤ ਹੀ ਲਾਹੇਵੰਦ ਹੈ।
ਕੀ ਹੈ PMSBY
ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ(PMSBY) ਦੇ ਤਹਿਤ ਸਰਕਾਰ ਮਾਮੂਲੀ ਸਾਲਾਨਾ ਪ੍ਰੀਮੀਅਮ ਦੇ ਨਾਲ ਦੁਰਘਟਨਾ ਬੀਮਾ ਮੁਹੱਈਆ ਕਰਵਾਉਂਦੀ ਹੈ। ਇਹ ਯੋਜਨਾ ਐਕਸੀਡੈਂਟਲ ਡੈੱਥ ਅਤੇ ਅਪਾਹਜਤਾ ਦੀ ਸਥਿਤੀ 'ਚ ਬੀਮਾ ਕਵਰੇਜ ਪ੍ਰਦਾਨ ਕਰਦੀ ਹੈ। ਇਹ ਅਸਲ 'ਚ ਦੁਰਘਟਨਾ ਬੀਮਾ ਯੋਜਨਾ ਹੈ। ਹਾਲਾਂਕਿ ਦਿਲ ਦੇ ਦੌਰੇ ਵਰਗੇ ਕੁਦਰਤੀ ਕਾਰਨਾਂ ਕਾਰਨ ਹੋਣ ਵਾਲੀ ਮੌਤ 'ਤੇ ਇਸ ਯੋਜਨਾ 'ਚ ਬੀਮਾ ਕਵਰ ਨਹੀਂ ਦਿੱਤਾ ਜਾਂਦਾ ਹੈ।
ਸਿਰਫ 12 ਰੁਪਏ 'ਚ 2 ਲੱਖ ਬੀਮਾ ਕਵਰ
ਇਸ ਯੋਜਨਾ ਲਈ 18 ਤੋਂ 70 ਸਾਲ ਤੱਕ ਦੀ ਉਮਰ ਵਾਲੇ ਅਰਜ਼ੀ ਦੇ ਸਕਦੇ ਹਨ। ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ 'ਚ ਸਿਰਫ 12 ਰੁਪਏ(ਜੀ.ਐਸ.ਟੀ.) ਸਮੇਤ ਸਾਲਾਨਾ ਪ੍ਰੀਮੀਅਮ ਜਮ੍ਹਾ ਕਰਵਾਉਣਾ ਹੁੰਦਾ ਹੈ। ਇਸ ਪ੍ਰੀਮੀਅਮ ਦੇ ਬਦਲੇ 'ਚ ਵਿਅਕਤੀ ਨੂੰ 1 ਸਾਲ ਲਈ 2 ਲੱਖ ਰੁਪਏ ਦਾ ਬੀਮਾ ਕਵਰ ਐਕਸੀਡੈਂਟਲ ਮੌਤ ਜਾਂ ਪੂਰਨ ਅਪਾਹਜਤਾ ਦੀ ਸਥਿਤੀ ਵਿਚ ਦਿੱਤਾ ਜਾਂਦਾ ਹੈ। ਖਾਤਾਧਾਰਕ ਦੀ ਮੌਤ ਦੀ ਸਥਿਤੀ 'ਚ ਬੀਮਤ(ਬੀਮਾ ਧਾਰਕ ਵਿਅਕਤੀ) ਦੁਆਰਾ ਨਾਮਜ਼ਦ ਵਿਅਕਤੀ ਦੇ ਬੈਂਕ ਖਾਤੇ ਵਿਚ ਇਹ ਰਾਸ਼ੀ ਭੇਜੀ ਜਾਂਦੀ ਹੈ।
ਕਿਵੇਂ ਭਰੀਏ ਬੀਮਾ
ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ ਲੈਣ ਲਈ ਤੁਹਾਨੂੰ ਆਪਣੇ ਬੈਂਕ ਦੀ ਸ਼ਾਖਾ ਵਿਚ ਜਾ ਕੇ ਨਿਰਧਾਰਤ ਫਾਰਮ ਭਰਨਾ ਹੋਵੇਗਾ। ਕੁਝ ਬੈਂਕਾਂ ਵਿਚ ਇਹ ਸਹੂਲਤ ਨੈੱਟ ਬੈਂਕਿੰਗ ਅਤੇ ਮੋਬਾਇਲ ਬੈਂਕਿੰਗ ਦੁਆਰਾ ਵੀ ਲਈ ਜਾ ਸਕਦੀ ਹੈ। ਤੁਸੀਂ ਸਿਰਫ ਆਪਣੇ ਆਧਾਰ ਕਾਰਡ ਨੂੰ ਬੈਂਕ ਖਾਤੇ ਨਾਲ ਜੋੜ ਕੇ ਵੀ ਇਸ ਯੋਜਨਾ ਦੀ ਮੈਂਬਰਸ਼ਿਪ ਲੈ ਸਕਦੇ ਹੋ।
ਵਿਦੇਸ਼ ਘੁੰਮਣ ਜਾਣਾ ਹੈ ਤਾਂ ਜਲਦੀ ਬਣਾਓ ਪਲਾਨ, 1 ਅਪ੍ਰੈਲ ਤੋਂ ਬਾਅਦ ਜੇਬ ਹੋਵੇਗੀ ਜ਼ਿਆਦਾ ਢਿੱਲੀ
NEXT STORY 
