ਜਲੰਧਰ (ਸੂਰੀ)-ਸਹਿਕਾਰਤਾ ਵਿਭਾਗ ਦੀ ਦੁੱਧ ਉਤਪਾਤਦਕ ਇਕਾਈ ‘ਗੁਰੂ ਨਾਨਕ ਸਹਿਕਾਰੀ ਦੁੱਧ ਉਤਪਾਦਕ ਸਭਾ’ ਲਾਹਦਡ਼ਾ ਵੱਲੋਂ ਸਭਾ ਵੱਲੋਂ ਕਮਾਏ ਗਏ ਮੁਨਾਫੇ ਵਿਚੋਂ ਮੈਂਬਰਾਂ ਨੂੰ ਲਾਭ ਵੰਡਣ ਲਈ 34ਵਾਂ ਬੋਨਸ ਵੰਡ ਸਮਾਗਮ ਕਰਵਾਇਆ ਗਿਆ। ਸਮਾਗਮ ਵਿਚ ਵੇਰਕਾ ਮਿਲਕ ਪਲਾਂਟ ਜਲੰਧਰ ਵੱਲੋਂ ਐੱਮ. ਪੀ. ਐੱਸ. ਕੁਲਵੀਰ ਸਿੰਘ ਅਤੇ ਐੱਮ. ਪੀ. ਏ. ਅਮਰਜੀਤ ਸਿੰਘ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕੀਤੀ। ਸਮਾਗਮ ਦੀ ਸ਼ੁਰੂਆਤ ਕਰਦਿਆਂ ਐੱਮ. ਪੀ. ਐੱਸ. ਕੁਲਵੀਰ ਸਿੰਘ ਨੇ ਦੱਸਿਆ ਕਿ ਗੁਰੂ ਨਾਨਕ ਸਹਿਕਾਰੀ ਦੁੱਧ ਉਤਪਾਦਕ ਸਭਾ ਲਾਹਦਡ਼ਾ ਦੀ ਸ਼ੁਰੂਆਤ 1972 ਵਿਚ ਕੀਤੀ ਗਈ ਸੀ। ਸ਼ੁਰੂਆਤ ਵਿਚ ਸਭਾ ਦੇ ਸਿਰਫ 20 ਦੁੱਧ ਉਤਪਾਦਕ ਮੈਂਬਰ ਸਨ। ਉਸ ਸਮੇਂ ਸਭਾ ਵਿਚ ਸਿਰਫ 20 ਕਿਲੋ ਦੁੱਧ ਪ੍ਰਤੀ ਦਿਨ ਆਉਂਦਾ ਸੀ। ਸਭਾ ਵੱਲੋਂ ਕੀਤੀ ਗਈ ਮਿਹਨਤ ਸਦਕਾ ਅੱਜ ਸਭਾ ਦੇ 90 ਦੁੱਧ ਉਤਪਾਦਕ ਮੈਂਬਰ ਹਨ ਅਤੇ ਸਭਾ ਵਿਚ ਹਰ ਰੋਜ਼ 7 ਕੁਇੰਟਲ ਦੁੱਧ ਇਕੱਠਾ ਹੁੰਦਾ ਹੈ। ਉਨ੍ਹਾਂ ਸਮਾਗਮ ਵਿਚ ਹਾਜ਼ਰ ਹੋਰਨਾਂ ਕਿਸਾਨਾਂ ਨੂੰ ਵੀ ਸਫੇਦ ਕ੍ਰਾਂਤੀ ਦਾ ਹਿੱਸਾ ਬਣ ਕੇ ਵੱਧ ਤੋਂ ਵੱਧ ਦੁੱਧ ਉਤਪਾਦਨ ਕਰਨ ਅਤੇ ਗੁਰੂ ਨਾਨਕ ਸਹਿਕਾਰੀ ਦੁੱਧ ਉਤਪਾਦਕ ਸਭਾ ਲਾਹਦਡ਼ਾ ਦੇ ਮੈਂਬਰ ਬਣ ਕੇ ਲਾਭ ਕਮਾਉਣ ਲਈ ਪ੍ਰੇਰਿਤ ਕੀਤਾ। ਬੁਲਾਰਿਆਂ ਨੇ ਸਭਾ ਦੇ ਕਾਰਜ਼ਾਂ ਅਤੇ ਸਭਾ ਵੱਲੋਂ ਪਿਛਲੇ ਸਾਲਾਂ ਦੌਰਾਨ ਕਮਾਏ ਗਏ ਮੁਨਾਫੇ ਅਤੇ ਸਭਾ ਦੇ ਮੈਂਬਰਾਂ ਨੂੰ 33 ਵਾਰ ਵੰਡੇ ਗਏ ਮੁਨਾਫਿਆਂ ਸਬੰਧੀ ਜਾਣਕਾਰੀ ਦਿੱਤੀ। ਸਮਾਗਮ ਦੌਰਾਨ ਸਭਾ ਪ੍ਰਬੰਧਕਾਂ ਵੱਲੋਂ ਸਭਾ ਦੇ ਕੁੱਲ ਲਾਭ 1218482 ਰੁਪਏ ਵਿਚੋਂ 578833 ਰੁਪਏ ਦਾ ਲਾਭ ਬੋਨਸ ਦੇ ਰੂਪ ਵਿਚ ਸਭਾ ਦੇ 90 ਮੈਂਬਰਾਂ ਵਿਚ ਵੰਡਿਆ ਗਿਆ। ਸਭ ਤੋਂ ਵੱਧ ਬੋਨਸ ਪ੍ਰਾਪਤ ਕਰਨ ਵਾਲੇ ਦੁੱਧ ਉਤਪਾਦਕਾਂ ਵਿਚ ਗੁਲਜ਼ਾਰ ਸਿੰਘ ਨੇ ਪਹਿਲਾ, ਗੁਰਜੀਤ ਸਿੰਘ ਨੇ ਦੂਸਰਾ ਅਤੇ ਗੁਰਦਿਆਲ ਸਿੰਘ ਨੇ ਤੀਸਰਾ ਸਥਾਨ ਹਾਸਲ ਕੀਤਾ। ਇਸ ਮੌਕੇ ਸਭਾ ਦੇ ਪ੍ਰਧਾਨ ਗੁਲਜ਼ਾਰ ਸਿੰਘ, ਮੀਤ ਪ੍ਰਧਾਨ ਨੰਬਰਦਾਰ ਗੁਲਵੰਤ ਸਿੰਘ ਮੱਲ੍ਹੀ, ਗੁਰਜੀਤ ਸਿੰਘ, ਕਰਨੈਲ ਸਿੰਘ, ਮੱਖਣ ਸਿੰਘ, ਜਸਵੀਰ ਸਿੰਘ (ਸਾਰੇ ਕਮੇਟੀ ਮੈਂਬਰ), ਨੰਬਰਦਾਰ ਗਰਦਿਆਲ ਸਿੰਘ, ਸੁਖ਼ਜੀਤ ਸਿੰਘ, ਸਭਾ ਦੇ ਸਕੱਤਰ ਸੁਖਦੇਵ ਸਿੰਘ, ਬਚਿੱਤਰ ਸਿੰਘ, ਭੁਪਿੰਦਰ ਸਿੰਘ, ਗੁਰਦੀਪ ਸਿੰਘ, ਇੰਦਰਜੀਤ ਸਿੰਘ, ਕਰਨੈਲ ਸਿੰਘ, ਪ੍ਰੀਤਮ ਸਿੰਘ, ਅਜੀਤ ਸਿੰਘ ਅਤੇ ਹੋਰ ਹਾਜ਼ਰ ਸਨ।
ਸੁਰਜੀਤ ਹਾਕੀ ਟੂਰਨਾਮੈਂਟ ’ਚ ਜੇਤੂ ਰਾਜਪਾਲ ਨੂੰ ਦੀਵਾਲੀ ਮੌਕੇ ਕਾਰ ਦੀ ਦਿੱਤੀ ਚਾਬੀ
NEXT STORY 
