ਬਠਿੰਡਾ, (ਸੁਖਵਿੰਦਰ)- ਬਠਿੰਡਾ-ਮਲੋਟ ਰੋਡ 'ਤੇ ਦੋ ਕਾਰਾਂ ਅਸੰਤੁਲਿਤ ਹੋ ਕੇ ਦਰੱਖਤ ਨਾਲ ਟਕਰਾਅ ਗਈਆਂ। ਹਾਦਸੇ ਦੌਰਾਨ ਇਕ ਕਾਰ 'ਚ ਸਵਾਰ 3 ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਏ ਅਤੇ ਕਾਰਾਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ। ਜਾਣਕਾਰੀ ਅਨੁਸਾਰ ਮਲੋਟ ਰੋਡ 'ਤੇ ਅਸੰਤੁਲਿਤ ਹੋ ਕੇ ਦੋ ਕਾਰਾਂ ਆਹਮੋ-ਸਾਹਮਣੇ ਇਕ ਹੀ ਦਰੱਖ਼ਤ ਨਾਲ ਟਕਰਾਅ ਗਈਆਂ। ਹਾਦਸਾ ਏਨਾ ਭਿਆਨਕ ਸੀ ਕਿ ਟੱਕਰ ਤੋਂ ਬਾਅਦ ਕਾਰ ਸਵਾਰ ਕਾਰ 'ਚੋਂ ਉਛਲ ਕੇ ਬਾਹਰ ਡਿੱਗ ਗਏ। ਸੂਚਨਾ ਮਿਲਣ 'ਤੇ ਸਹਾਰਾ ਲਾਈਫ਼ ਸੇਵਿੰਗ ਬ੍ਰਿਗੇਡ ਦੇ ਵਰਕਰ ਰਜਿੰਦਰ ਕੁਮਾਰ, ਗੌਤਮ ਗੋਇਲ ਮੌਕੇ 'ਤੇ ਪਹੁੰਚੇ ਤਾਂ 3 ਵਿਅਕਤੀ ਕਾਰ 'ਚੋਂ ਬਾਹਰ ਡਿੱਗੇ ਹੋਏ ਸਨ। ਸੰਸਥਾ ਵਰਕਰਾਂ ਵੱਲੋਂ ਤੁਰੰਤ ਉਕਤ ਵਿਅਕਤੀਆਂ ਨੂੰ ਗੰਭੀਰ ਹਾਲਤ 'ਚ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਜ਼ਖਮੀਆਂ ਦੀ ਪਛਾਣ ਗੁਰਜੰਟ ਸਿੰਘ (50), ਬਾਘ ਸਿੰਘ (70) ਅਤੇ ਔਂਕਾਰ ਸਿੰਘ (54) ਵਾਸੀ ਦੌਲਾ ਵਜੋਂ ਹੋਈ। ਇਸ ਦੌਰਾਨ ਗੰਭੀਰ ਹਾਲਤ ਵੇਖਦਿਆਂ ਇਕ ਵਿਅਕਤੀ ਨੂੰ ਨਿੱਜੀ ਹਸਪਤਾਲ ਲਈ ਰੈਫਰ ਕਰ ਦਿੱਤਾ। ਉਕਤ ਵਿਅਕਤੀ ਗਿੱਦੜਬਾਹਾ 'ਚ ਭੋਗ ਸਮਾਗਮ 'ਤੇ ਜਾ ਰਹੇ ਸਨ।
ਹੋਰ ਹਾਦਸਿਆਂ 'ਚ 5 ਜ਼ਖਮੀ : ਇਧਰ, ਬੀਤੀ ਰਾਤ ਬਰਨਾਲਾ ਰੋਡ 'ਤੇ 1 ਮੋਟਰਸਾਈਕਲ ਚਾਲਕ ਡਿਵਾਈਡਰ ਨਾਲ ਟਕਰਾਅ ਕਿ ਜ਼ਖਮੀ ਹੋ ਗਿਆ, ਜਿਸ ਨੂੰ ਸੰਸਥਾ ਵਰਕਰਾਂ ਵੱਲੋਂ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਜ਼ਖਮੀ ਦੀ ਪਛਾਣ ਜਸਵਿੰਦਰ ਸਿੰਘ (40) ਵਾਸੀ ਗੀ੍ਰਨ ਐਵੇਨਿਊ ਵਜੋਂ ਹੋਈ।
ਉਧਰ, ਗੋਨਿਆਣਾ ਰੋਡ 'ਤੇ ਮੋਟਰਸਾਈਕਲ ਸਲਿੱਪ ਹੋਣ ਕਾਰਨ ਪਿੱਛੇ ਬੈਠੀ ਔਰਤ ਜ਼ਖਮੀ ਹੋ ਗਈ, ਜਿਸ ਦੀ ਪਛਾਣ ਨਹੀਂ ਹੋ ਸਕੀ। ਇਸੇ ਤਰ੍ਹਾਂ ਬਰਨਾਲਾ ਰੋਡ 'ਤੇ ਲੜਾਈ-ਝਗੜੇ ਦੌਰਾਨ 3 ਮੋਟਰਸਾਈਕਲ ਸਵਾਰ ਜ਼ਖਮੀ ਹੋ ਗਏ, ਜਿਨ੍ਹਾਂ ਨੂੰ ਸੰਸਥਾ ਵਰਕਰਾਂ ਨੇ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਜ਼ਖਮੀਆਂ ਦੀ ਪਛਾਣ ਮੁਕੇਸ਼ ਕੁਮਾਰ (12), ਬਿੱਟੂ (16) ਫਰੀਦਾਬਾਦ ਅਤੇ ਲਛਮਣ ਸਿੰਘ ਵਜੋਂ ਹੋਈ।
20 ਕਿਲੋ ਚੂਰਾ-ਪੋਸਤ ਸਮੇਤ ਭਗੌੜਾ ਕਾਬੂ
NEXT STORY 
