ਵੈੱਬ ਡੈਸਕ - ਘਰ ਨੂੰ ਖੂਬਸੂਰਤ ਬਣਾਉਣ ਲਈ ਲੋਕ ਅਕਸਰ ਬਾਜ਼ਾਰੋਂ ਕਈ ਤਰ੍ਹਾਂ ਦੀਆਂ ਮਹਿੰਗੀਆਂ ਚੀਜ਼ਾਂ ਖਰੀਦਦੇ ਹਨ, ਜਿਸ ਨਾਲ ਨਾ ਸਿਰਫ ਸਮਾਂ ਖਰਚ ਹੁੰਦਾ ਹੈ ਸਗੋਂ ਜੇਬ 'ਤੇ ਵੀ ਭਾਰ ਪੈਂਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਘਰ 'ਚ ਪਈਆਂ ਬੇਕਾਰ ਚੀਜ਼ਾਂ, ਜਿਨ੍ਹਾਂ ਨੂੰ ਅਸੀਂ ਅਕਸਰ ਕੂੜਾ ਸਮਝ ਕੇ ਸੁੱਟ ਦਿੰਦੇ ਹਾਂ, ਤੁਹਾਡੇ ਘਰ ਦੀ ਸਜਾਵਟ 'ਚ ਅਹਿਮ ਭੂਮਿਕਾ ਨਿਭਾ ਸਕਦੀਆਂ ਹਨ। ਖਾਸ ਕਰਕੇ ਨੇਲ ਪਾਲਿਸ਼ ਦੀਆਂ ਖਾਲੀ ਸ਼ੀਸ਼ੀਆਂ ਨੂੰ ਰਚਨਾਤਮਕ ਤਰੀਕੇ ਨਾਲ ਵਰਤ ਕੇ ਤੁਸੀਂ ਆਪਣੇ ਘਰ ਨੂੰ ਇਕ ਨਵਾਂ ਅਤੇ ਆਕਰਸ਼ਕ ਲੁੱਕ ਦੇ ਸਕਦੇ ਹੋ। ਇੱਥੇ ਨੇਲ ਪਾਲਿਸ਼ ਦੀਆਂ ਖਾਲੀ ਸ਼ੀਸ਼ੀਆਂ ਦੀ ਵਰਤੋਂ ਕਰਨ ਦੇ 3 ਆਸਾਨ ਤਰੀਕੇ ਦਿੱਤੇ ਗਏ ਹਨ :-
ਛੋਟਾ ਫੁੱਲਦਾਨ
ਜੇਕਰ ਤੁਹਾਡੇ ਕੋਲ ਖਾਲੀ ਸ਼ੀਸ਼ੀ ਹੈ, ਤਾਂ ਉਸ ਨੂੰ ਸੁੱਟਣ ਦੀ ਬਜਾਏ ਚੰਗੀ ਤਰ੍ਹਾਂ ਧੋ ਕੇ ਸੁਕਾ ਲਓ। ਹੁਣ ਇਸ 'ਤੇ ਆਪਣਾ ਮਨਪਸੰਦ ਰੰਗ ਕਰੋ ਅਤੇ ਇਸ ਨੂੰ ਗਲਿਟਰ, ਪੱਥਰ ਜਾਂ ਮੋਤੀਆਂ ਨਾਲ ਸਜਾਓ। ਇਸ ਛੋਟੇ ਜਿਹੇ ਫੁੱਲਦਾਨ 'ਚ ਫੁੱਲ ਰੱਖ ਕੇ ਤੁਸੀਂ ਆਪਣੀ ਸਟੱਡੀ ਟੇਬਲ, ਡਰੈਸਿੰਗ ਟੇਬਲ ਜਾਂ ਖਿੜਕੀ ਦੇ ਕੋਨੇ 'ਚ ਰੱਖ ਸਕਦੇ ਹੋ।
ਫੈਰੀ ਲਾਈਟਸ ਬੋਤਲ ਚੇਨ
ਇਸ ਨੂੰ ਬਣਾਉਣ ਲਈ 2 ਤੋਂ 3 ਖਾਲੀ ਸ਼ੀਸ਼ੀਆਂ ਲਓ ਅਤੇ ਉਨ੍ਹਾਂ ਨੂੰ ਵੱਖ-ਵੱਖ ਰੰਗਾਂ ਨਾਲ ਪੇਂਟ ਕਰੋ। ਹੁਣ ਇਨ੍ਹਾਂ ਨੂੰ ਇਕ ਸੁੰਦਰ ਧਾਗੇ ਨਾਲ ਲੜੀ ਵਾਂਗ ਜੋੜੋ ਅਤੇ ਵਿਚਕਾਰ ਫੈਰੀ ਲਾਈਟਸ (ਲੜੀਆਂ) ਲਗਾਓ। ਇਸ ਨੂੰ ਤੁਸੀਂ ਘਰ ਦੀ ਕਿਸੇ ਵੀ ਕੰਧ 'ਤੇ ਟੰਗ ਕੇ ਸੁੰਦਰਤਾ ਵਧਾ ਸਕਦੇ ਹੋ।
ਮਿੰਨੀ ਕੈਂਡਲ ਸਟੈਂਡ
ਨੇਲ ਪਾਲਿਸ਼ ਦੀ ਸ਼ੀਸ਼ੀ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰਨ ਤੋਂ ਬਾਅਦ, ਉਸ 'ਚ ਛੋਟੇ ਅਤੇ ਸੁੰਦਰ ਪੱਥਰ ਪਾਓ। ਇਸ ਦੇ ਉੱਪਰ ਇਕ ਛੋਟੀ ਲਾਈਟ ਵਾਲੀ ਮੋਮਬੱਤੀ ਰੱਖੋ। ਇਹ ਤੁਹਾਡੀ ਡਾਈਨਿੰਗ ਟੇਬਲ ਜਾਂ ਬੈੱਡਰੂਮ ਲਈ ਇੱਕ ਵਧੀਆ ਸਜਾਵਟੀ ਟੁਕੜਾ ਸਾਬਤ ਹੋ ਸਕਦਾ ਹੈ।
ਇਨ੍ਹਾਂ ਛੋਟੇ ਅਤੇ ਸਸਤੇ ਨੁਸਖਿਆਂ ਨਾਲ ਤੁਸੀਂ ਨਾ ਸਿਰਫ ਪੈਸੇ ਦੀ ਬਚਤ ਕਰ ਸਕਦੇ ਹੋ, ਸਗੋਂ ਆਪਣੀ ਕਲਾਤਮਕਤਾ ਨਾਲ ਘਰ ਦੇ ਕੋਨੇ-ਕੋਨੇ ਨੂੰ ਚਮਕਾ ਵੀ ਸਕਦੇ ਹੋ।
ਨਿੰਬੂ ਪਾਣੀ ਬਣਾਉਣ ਵੇਲੇ ਨਾ ਕਰੋ ਇਹ ਗਲਤੀਆਂ, ਜਾਣੋ ਸਹੀ ਤਰੀਕਾ
NEXT STORY 
