ਵੈੱਬ ਡੈਸਕ - ਇਡਲੀ ਹੋਵੇ ਜਾਂ ਡੋਸਾ, ਜਿੰਨੀ ਦੇਰ ਤੱਕ ਨਾਲ ਚਿੱਟੀ ਤੇ ਚਟਪਟੀ ਨਾਰੀਅਲ ਦੀ ਚਟਣੀ ਨਾ ਹੋਵੇ, ਖਾਣ ਦਾ ਮਜ਼ਾ ਅਧੂਰਾ ਰਹਿੰਦਾ ਹੈ। ਅਕਸਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਘਰ 'ਚ ਬਣਾਈ ਚਟਣੀ ਦਾ ਰੰਗ ਜਾਂ ਸੁਆਦ ਰੈਸਟੋਰੈਂਟ ਵਰਗਾ ਨਹੀਂ ਆਉਂਦਾ। ਅੱਜ ਅਸੀਂ ਤੁਹਾਨੂੰ ਉਹ 'ਸੀਕਰੇਟ' ਤਰੀਕਾ ਦੱਸਣ ਜਾ ਰਹੇ ਹਾਂ ਜਿਸ ਨਾਲ ਤੁਹਾਡੀ ਚਟਣੀ ਨਾ ਸਿਰਫ਼ ਸੁਆਦੀ ਬਣੇਗੀ, ਸਗੋਂ ਦੇਖਣ 'ਚ ਵੀ ਲਾਜਵਾਬ ਹੋਵੇਗੀ।
ਸਮੱਗਰੀ :-
ਤਾਜ਼ਾ ਕੱਟਿਆ ਹੋਇਆ ਨਾਰੀਅਲ (1 ਕੱਪ)
ਭੁੰਨੇ ਹੋਏ ਚਣੇ ਜਾਂ ਦਾਲੀਆ (2 ਚਮਚ) - ਇਹ ਚਟਣੀ ਨੂੰ ਗਾੜ੍ਹਾ ਕਰਦੈ
ਹਰੀਆਂ ਮਿਰਚਾਂ (ਸੁਆਦ ਅਨੁਸਾਰ)
ਅਦਰਕ ਦਾ ਇੱਕ ਛੋਟਾ ਟੁਕੜਾ
ਨਮਕ ਅਤੇ ਹਲਕਾ ਜਿਹਾ ਦਹੀਂ (ਚਿੱਟੇ ਰੰਗ ਅਤੇ ਖਟਾਸ ਲਈ)
ਬਣਾਉਣ ਦਾ ਸਹੀ ਤਰੀਕਾ :-
ਪੀਸਣ ਦੀ ਕਲਾ
- ਸਭ ਤੋਂ ਪਹਿਲਾਂ ਨਾਰੀਅਲ, ਭੁੰਨੇ ਚਣੇ, ਹਰੀ ਮਿਰਚ, ਅਦਰਕ ਅਤੇ ਨਮਕ ਨੂੰ ਮਿਕਸੀ 'ਚ ਪਾਓ। ਇਸ 'ਚ ਥੋੜ੍ਹਾ ਜਿਹਾ ਪਾਣੀ ਅਤੇ 1 ਚਮਚ ਦਹੀਂ ਮਿਲਾਓ। ਦਹੀਂ ਪਾਉਣ ਨਾਲ ਚਟਣੀ ਦਾ ਰੰਗ ਬਿਲਕੁਲ ਦੁੱਧ ਵਰਗਾ ਚਿੱਟਾ ਰਹਿੰਦਾ ਹੈ।
ਤੜਕਾ ਹੈ ਸਭ ਤੋਂ ਖ਼ਾਸ
- ਇਕ ਛੋਟੇ ਪੈਨ 'ਚ ਤੇਲ ਗਰਮ ਕਰੋ। ਇਸ 'ਚ ਰਾਈ (ਸਰ੍ਹੋਂ ਦੇ ਬੀਜ), ਉੜਦ ਦੀ ਦਾਲ, ਸੁੱਕੀ ਲਾਲ ਮਿਰਚ ਅਤੇ ਕੜੀ ਪੱਤਾ ਪਾਓ। ਜਦੋਂ ਰਾਈ ਚਟਕਣ ਲੱਗੇ, ਤਾਂ ਇਸ ਤੜਕੇ ਨੂੰ ਤਿਆਰ ਚਟਣੀ ਦੇ ਉੱਪਰ ਪਾ ਦਿਓ।
ਵਾਲਾਂ 'ਚ ਪਿਆਜ਼ ਦਾ ਰਸ ਲਾਉਣ ਦੇ ਫਾਇਦੇ
NEXT STORY 
