ਵੈੱਬ ਡੈਸਕ- ਪਹਿਲਾਂ ਜਿੱਥੇ ਮੈਚਿੰਗ ਸੂਟ-ਸਾੜ੍ਹੀ ਦਾ ਰੁਝਾਨ ਸੀ, ਉੱਥੇ ਹੀ ਹੁਣ ਫੈਸ਼ਨ ਦੀ ਦੁਨੀਆ ’ਚ ਕੰਟਰਾਸਟ ਆਊਟਫਿਟਸ ਦਾ ਟ੍ਰੈਂਡ ਤੇਜ਼ੀ ਨਾਲ ਵਧ ਰਿਹਾ ਹੈ। ਕੰਟਰਾਸਟ ਆਊਟਫਿਟਸ ’ਚ ਹੁਣ ਸਿਰਫ਼ ਕੰਟਰਾਸਟ ਚੁੰਨੀ ਜਾਂ ਬਾਟਮ ਹੀ ਨਹੀਂ, ਸਗੋਂ ਕੰਟਰਾਸਟ ਬਾਰਡਰ, ਕੰਟਰਾਸਟ ਕਢਾਈ ਅਤੇ ਕੰਟਰਾਸਟ ਵਰਕ ਵੀ ਖੂਬ ਟ੍ਰੈਂਡ ’ਚ ਹਨ। ਖਾਸ ਕਰ ਕੇ ਇੰਡੀਅਨ ਵੀਅਰ ’ਚ ਇਹ ਆਊਟਫਿਟਸ ਔਰਤਾਂ ਅਤੇ ਮੁਟਿਆਰਾਂ ਨੂੰ ਬਹੁਤ ਪਸੰਦ ਆ ਰਹੇ ਹਨ। ਭਾਵੇਂ ਉਹ ਡਰੈੱਸ ’ਤੇ ਕੀਤਾ ਗਿਆ ਵਰਕ ਹੋਵੇ, ਬਾਟਮ ਦਾ ਰੰਗ ਹੋਵੇ ਜਾਂ ਚੁੰਨੀ ਦਾ ਕੰਟਰਾਸਟ, ਹਰ ਜਗ੍ਹਾ ਇਕ ਵੱਖਰਾ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਇਨ੍ਹੀਂ ਦਿਨੀਂ ਕੰਟਰਾਸਟ ਬਾਰਡਰ ਆਊਟਫਿਟਸ ਦਾ ਕ੍ਰੇਜ਼ ਵੀ ਮੁਟਿਆਰਾਂ ’ਚ ਦੇਖਿਆ ਜਾ ਸਕਦਾ ਹੈ।
ਮੁਟਿਆਰਾਂ ਅਤੇ ਔਰਤਾਂ ਅਜਿਹੀ ਡਰੈੱਸ ਪਹਿਨਣਾ ਪਸੰਦ ਕਰ ਰਹੀਆਂ ਹਨ, ਜੋ ਉਨ੍ਹਾਂ ਨੂੰ ਭੀੜ ਤੋਂ ਵੱਖ ਦਿਖਾਏ ਅਤੇ ਨਾਲ ਹੀ ਸਟਾਈਲਿਸ਼ ਵੀ ਲੱਗੇ। ਸਭ ਤੋਂ ਜ਼ਿਆਦਾ ਟ੍ਰੈਂਡ ’ਚ ਕੰਟਰਾਸਟ ਬਾਰਡਰ ਵਾਲੀਆਂ ਸਾੜ੍ਹੀਆਂ ਹਨ। ਸੀ-ਗ੍ਰੀਨ, ਪਿੰਕ, ਵ੍ਹਾਈਟ ਜਾਂ ਪੇਸਟਲ ਸਾੜ੍ਹੀਆਂ ਦੇ ਨਾਲ ਡਾਰਕ ਬਲੂ, ਬਲੈਕ, ਰੈੱਡ ਜਾਂ ਗੋਲਡਨ ਬਾਰਡਰ ਦਾ ਕੰਬੀਨੇਸ਼ਨ ਔਰਤਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ। ਕਈ ਵਾਰ ਇਹ ਬਾਰਡਰ ਬਲਾਊਜ਼ ਨਾਲ ਵੀ ਮੈਚ ਕਰਦਾ ਹੈ, ਜਿਸ ਨਾਲ ਲੁੱਕ ਹੋਰ ਵੀ ਐਲੀਗੈਂਟ ਲੱਗਦੀ ਹੈ। ਬਾਰਡਰ ’ਚ ਲੈਸ, ਗੋਟਾ-ਪੱਤੀ, ਜ਼ਰੀ ਅਤੇ ਕਢਾਈ ਦਾ ਕੰਮ ਇਸ ਨੂੰ ਹੋਰ ਰਿਚ ਬਣਾ ਦਿੰਦਾ ਹੈ।
ਕੰਟਰਾਸਟ ਬਾਰਡਰ ਸਿਰਫ਼ ਸਾੜ੍ਹੀ ਤੱਕ ਸੀਮਤ ਨਹੀਂ ਹੈ। ਅਨਾਰਕਲੀ ਸੂਟ, ਫਰਾਕ ਸਟਾਈਲ ਸੂਟ ਅਤੇ ਸਿੰਪਲ ਕੁੜਤੀ ’ਚ ਵੀ ਹੇਮਲਾਈਨ ਅਤੇ ਸਲੀਵਜ਼ ’ਤੇ ਕੰਟਰਾਸਟ ਬਾਰਡਰ ਦਿੱਤਾ ਜਾ ਰਿਹਾ ਹੈ। ਜਿਵੇਂ ਸਫੈਦ ਜਾਂ ਲਾਈਟ ਕਲਰ ਦੇ ਸੂਟ ਨਾਲ ਬਲੈਕ ਜਾਂ ਗੋਲਡਨ ਬਾਰਡਰ, ਰੈੱਡ ਕੁੜਤੀ ਦੇ ਨਾਲ ਕ੍ਰੀਮ ਬਾਰਡਰ। ਇਹ ਛੋਟਾ ਜਿਹਾ ਕੰਟਰਾਸਟ ਪੂਰੇ ਆਊਟਫਿਟ ਨੂੰ ਡਿਫਰੈਂਟ ਅਤੇ ਸਟਾਈਲਿਸ਼ ਲੁੱਕ ਦੇ ਦਿੰਦਾ ਹੈ। ਲਹਿੰਗਾ-ਚੋਲੀ ਅਤੇ ਕੁੜਤੀ ’ਚ ਵੀ ਗੋਟਾ-ਪੱਤੀ ਅਤੇ ਲੈਸ ਵਰਕ ਵਾਲੇ ਕੰਟਰਾਸਟ ਬਾਰਡਰ ਖੂਬ ਦੇਖੇ ਜਾ ਰਹੇ ਹਨ।
ਕੰਟਰਾਸਟ ਬਾਰਡਰ ਦਾ ਸਭ ਤੋਂ ਵੱਡਾ ਪਲੱਸ ਪੁਆਇੰਟ ਇਹ ਹੈ ਕਿ ਇਸ ਦੇ ਕਾਰਨ ਜਿਊਲਰੀ, ਅਸੈਸਰੀਜ਼ ਅਤੇ ਫੁੱਟਵੀਅਰ ਨੂੰ ਮੈਚ ਕਰਨਾ ਬਹੁਤ ਆਸਾਨ ਹੋ ਜਾਂਦਾ ਹੈ। ਜੇ ਡਰੈੱਸ ’ਚ 2-3 ਰੰਗਾਂ ਦਾ ਕੰਟਰਾਸਟ ਹੈ ਤਾਂ ਅਸੈਸਰੀਜ਼ ਚੁਣਨ ਦੇ ਆਪਸ਼ਨਜ਼ ਵੀ ਵਧ ਜਾਂਦੇ ਹਨ। ਇਨ੍ਹਾਂ ਦੇ ਨਾਲ ਗੋਲਡਨ ਜਿਊਲਰੀ, ਸਿਲਵਰ ਜਾਂ ਮੈਚਿੰਗ ਜਿਊਲਰੀ ਸਟਾਈਲ ਕੀਤੀ ਜਾ ਸਕਦੀ ਹੈ। ਫੁੱਟਵੀਅਰ ਅਤੇ ਬੈਗ ਨੂੰ ਵੀ ਆਸਾਨੀ ਨਾਲ ਕੰਟਰਾਸਟ ਦੇ ਕਿਸੇ ਇਕ ਰੰਗ ਨਾਲ ਮੈਚ ਕੀਤਾ ਜਾ ਸਕਦਾ ਹੈ। ਭਾਵੇਂ ਖਾਸ ਮੌਕਾ ਹੋਵੇ ਜਾਂ ਕੈਜ਼ੁਅਲ ਫੰਕਸ਼ਨ, ਕੰਟਰਾਸਟ ਬਾਰਡਰ ਆਊਟਫਿਟਸ ਹਰ ਜਗ੍ਹਾ ਫਿੱਟ ਬੈਠਦੇ ਹਨ। ਇਹੀ ਵਜ੍ਹਾ ਹੈ ਕਿ ਮਾਰਕੀਟ ’ਚ ਅੱਜ ਹਰ ਤਰ੍ਹਾਂ ਦੇ ਕੰਟਰਾਸਟ ਬਾਰਡਰ ਵਾਲੇ ਸੂਟ, ਸਾੜ੍ਹੀ ਅਤੇ ਲਹਿੰਗੇ ਆਸਾਨੀ ਨਾਲ ਮਿਲ ਰਹੇ ਹਨ। ਕੰਟਰਾਸਟ ਬਾਰਡਰ ਨੇ ਇੰਡੀਅਨ ਆਊਟਫਿਟਸ ਨੂੰ ਨਵੀਂ ਦਿਸ਼ਾ ਦਿੱਤੀ ਹੈ। ਇਹ ਨਾ ਸਿਰਫ਼ ਲੁੱਕ ਨੂੰ ਨਿਖਾਰਦੇ ਹਨ, ਸਗੋਂ ਪਹਿਨਣ ਵਾਲੀਆਂ ਮੁਟਿਆਰਾਂ ਅਤੇ ਔਰਤਾਂ ਨੂੰ ਕਾਨਫੀਡੈਂਟ ਅਤੇ ਟ੍ਰੈਂਡੀ ਵੀ ਬਣਾਉਂਦੇ ਹਨ। ਜੋ ਮੁਟਿਆਰਾਂ ਭੀੜ ਤੋਂ ਵੱਖ ਦਿਸਣਾ ਚਾਹੁੰਦੀਆਂ ਹਨ ਉਹ ਆਪਣੇ ਵਾਰਡਰੋਬ ’ਚ ਕੰਟਰਾਸਟ ਬਾਰਡਰ ਆਊਟਫਿਟਸ ਨੂੰ ਜ਼ਰੂਰ ਸ਼ਾਮਲ ਕਰ ਰਹੀਆਂ ਹਨ।
ਆਜ਼ਾਦੀ ਦਿਹਾੜੇ ਮੌਕੇ ਭਾਰਤ ਨੂੰ Space ਤੋਂ ਆਈਆਂ ਵਧਾਈਆਂ ! ਵੀਡੀਓ ਵੇਖ ਤੁਸੀਂ ਵੀ ਕਹੋਗੇ- 'OMG'
NEXT STORY 
