ਵੈੱਬ ਡੈਸਕ - ਗਰਮੀਆਂ ਦੇ ਮੌਸਮ 'ਚ ਧੂੜ-ਮਿੱਟੀ ਅਤੇ ਤੇਜ਼ ਧੁੱਪ ਕਾਰਨ ਚਮੜੀ ਦੀ ਚਮਕ ਫਿੱਕੀ ਪੈ ਜਾਂਦੀ ਹੈ ਅਤੇ ਚਿਹਰੇ 'ਤੇ ਡਲਨੈੱਸ ਦਿਖਾਈ ਦੇਣ ਲੱਗਦੀ ਹੈ। ਧੁੱਪ ਕਾਰਨ ਚਿਹਰੇ, ਗਰਦਨ ਅਤੇ ਹੱਥਾਂ-ਪੈਰਾਂ 'ਤੇ ਟੈਨਿੰਗ ਹੋਣਾ ਇਕ ਆਮ ਸਮੱਸਿਆ ਹੈ। ਇਸ ਤੋਂ ਇਲਾਵਾ ਪਸੀਨੇ ਕਾਰਨ ਚਮੜੀ 'ਤੇ ਕਿੱਲ-ਮੁਹਾਸੇ ਵੀ ਹੋ ਜਾਂਦੇ ਹਨ। ਅਕਸਰ ਕੁੜੀਆਂ ਇਸ ਗਲੋਅ ਨੂੰ ਵਾਪਸ ਪਾਉਣ ਲਈ ਮਹਿੰਗੇ ਬਿਊਟੀ ਪ੍ਰੋਡਕਟਸ ਅਤੇ ਸੀਰਮ ਦਾ ਇਸਤੇਮਾਲ ਕਰਦੀਆਂ ਹਨ, ਪਰ ਇਹ ਹਰ ਕਿਸੇ ਦੇ ਬਜਟ 'ਚ ਨਹੀਂ ਹੁੰਦੇ। ਅਜਿਹੇ 'ਚ ਤੁਸੀਂ ਘਰ 'ਚ ਹੀ ਕੁਦਰਤੀ ਚੀਜ਼ਾਂ ਨਾਲ ਬਣਿਆ ਸੀਰਮ ਵਰਤ ਸਕਦੇ ਹੋ ਜੋ ਚਮੜੀ ਨੂੰ ਐਕਸਫੋਲੀਏਟ ਕਰਕੇ ਡਾਰਕ ਸਪਾਟ ਅਤੇ ਟੈਨਿੰਗ ਨੂੰ ਹਟਾਉਣ 'ਚ ਮਦਦ ਕਰਦਾ ਹੈ।
ਸੀਰਮ ਬਣਾਉਣ ਲਈ ਲੋੜੀਂਦੀ ਸਮੱਗਰੀ :-
1 ਚਮਚ ਖੀਰੇ ਦਾ ਰਸ
1/2 ਚਮਚ ਐਲੋਵੇਰਾ ਜੈੱਲ
1 ਚਮਚ ਬਦਾਮ ਦਾ ਤੇਲ
1 ਚਮਚ ਗੁਲਾਬ ਜਲ
ਸਮੱਗਰੀ ਦੇ ਫਾਇਦੇ :
ਖੀਰਾ
- ਇਹ ਚਮੜੀ ਨੂੰ ਤਾਜ਼ਗੀ ਅਤੇ ਠੰਢਕ ਪ੍ਰਦਾਨ ਕਰਦਾ ਹੈ।
ਐਲੋਵੇਰਾ
- ਇਹ ਚਮੜੀ ਨੂੰ ਸੂਰਜ ਦੀਆਂ ਹਾਨੀਕਾਰਕ ਕਿਰਨਾਂ ਅਤੇ ਪ੍ਰਦੂਸ਼ਣ ਤੋਂ ਬਚਾਉਂਦਾ ਹੈ ਅਤੇ ਚਮੜੀ 'ਚ ਨਮੀ ਬਰਕਰਾਰ ਰੱਖਦਾ ਹੈ।
ਗੁਲਾਬ ਜਲ
- ਇਹ ਇਕ ਕੁਦਰਤੀ ਕਲੀਨਜ਼ਰ ਵਜੋਂ ਕੰਮ ਕਰਦਾ ਹੈ ਅਤੇ ਚਿਹਰੇ ਦੇ ਵਾਧੂ ਤੇਲ ਨੂੰ ਬਾਹਰ ਕੱਢਦਾ ਹੈ।
ਬਦਾਮ ਦਾ ਤੇਲ
- ਇਹ ਚਿਹਰੇ ਦੇ ਕਾਲੇ ਧੱਬਿਆਂ ਨੂੰ ਦੂਰ ਕਰਨ 'ਚ ਸਹਾਇਕ ਹੁੰਦਾ ਹੈ।
ਬਣਾਉਣ ਦੀ ਵਿਧੀ :-
ਸਭ ਤੋਂ ਪਹਿਲਾਂ ਖੀਰੇ ਨੂੰ ਕੱਦੂਕਸ ਕਰਕੇ ਉਸ ਦਾ ਜੂਸ ਕੱਢ ਲਓ। ਫਿਰ ਇਸ 'ਚ ਗੁਲਾਬ ਜਲ, ਐਲੋਵੇਰਾ ਜੈੱਲ ਅਤੇ ਬਦਾਮ ਦਾ ਤੇਲ ਬਰਾਬਰ ਮਾਤਰਾ 'ਚ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ। ਤੁਹਾਡਾ ਹੋਮਮੇਡ ਗਲੋਇੰਗ ਸੀਰਮ ਤਿਆਰ ਹੈ।
ਵਰਤੋਂ ਦਾ ਤਰੀਕਾ :-
ਤੁਸੀਂ ਇਸ ਸੀਰਮ ਨੂੰ ਆਪਣੇ ਚਿਹਰੇ, ਗਰਦਨ ਅਤੇ ਹੱਥਾਂ 'ਤੇ ਲਗਾ ਸਕਦੇ ਹੋ। ਗਰਮੀਆਂ 'ਚ ਰੋਜ਼ਾਨਾ ਇਸ ਦੀ ਵਰਤੋਂ ਕਰਨ ਨਾਲ ਚਮੜੀ 'ਚ ਕੁਦਰਤੀ ਨਿਖਾਰ ਆਉਂਦਾ ਹੈ। ਹਾਲਾਂਕਿ ਇਸ ਦੀ ਵਰਤੋਂ ਦਿਨ ਵੇਲੇ ਵੀ ਕੀਤੀ ਜਾ ਸਕਦੀ ਹੈ, ਪਰ ਜੇਕਰ ਤੁਸੀਂ ਇਸ ਨੂੰ ਰਾਤ ਨੂੰ ਸੌਣ ਵੇਲੇ ਲਗਾਉਂਦੇ ਹੋ, ਤਾਂ ਇਸ ਦਾ ਜ਼ਿਆਦਾ ਫਾਇਦਾ ਮਿਲੇਗਾ।
ਚੁਕੰਦਰ ਦੀਆਂ ਇਹ 5 ਡਿਸ਼ਿਜ਼ ਸਰੀਰ 'ਚ ਭਰ ਦੇਣਗੀਆਂ ਖੂਨ, ਜਾਣੋ ਬਣਾਉਣ ਦਾ ਤਰੀਕਾ ਤੇ ਫਾਇਦੇ
NEXT STORY 
