ਜਲੰਧਰ (ਬਿਊਰੋ) - ਪੜ੍ਹਾਈ ਕਰਨ ਮਗਰੋਂ ਹਰ ਕੋਈ ਚੰਗੀ ਨੌਕਰੀ ਕਰਨਾ ਚਾਹੁੰਦਾ ਹੈ, ਜਿਸ ਦੀ ਉਸ ਨੂੰ ਬਹੁਤ ਭਾਲ ਕਰਨੀ ਪੈਦੀ ਹੈ। ਨੌਕਰੀ ਵੱਡੀ ਹੋਵੇ ਜਾਂ ਛੋਟੀ, ਉਸ ਲਈ ਰਜ਼ਿਊਮ ਮਤਲਬ ਬਾਇਓਡਾਟਾ ਹਰ ਥਾਂ ਭੇਜਣਾ ਪੈਂਦਾ ਹੈ, ਕਿਉਂਕਿ ਇਹ ਬਹੁਤ ਲਾਜ਼ਮੀ ਹੈ। ਇਸ ਦੇ ਬਿਨਾਂ ਤੁਹਾਨੂੰ ਕਿਸੇ ਵੀ ਥਾਂ ਅਤੇ ਕਿਤੇ ਵੀ ਨੌਕਰੀ ਨਹੀਂ ਮਿਲ ਸਕਦੀ। ਪ੍ਰੋਫੈਸ਼ਨਲ ਭਾਸ਼ਾ ਵਿੱਚ ਜੇਕਰ ਬਾਇਓਡਾਟਾ ਦੀ ਗੱਲ ਕਰੀਏ ਤਾਂ ਇਸ ਨੂੰ ਸੀ. ਵੀ. (ਕਰੀਕੁਲਮ ਵਿਟੇ) ਕਿਹਾ ਜਾਂਦਾ ਹੈ। ਕਈ ਵਾਰ ਚੰਗਾ ਸੀ. ਵੀ. ਨਾ ਹੋਣ ਜਾਂ ਸੀ. ਵੀ. ਵਿਚ ਤੁਹਾਡੇ ਬਾਰੇ ਚੰਗੀ ਤਰ੍ਹਾਂ ਨਾ ਦੱਸੇ ਹੋਣ ਕਰਕੇ ਤੁਹਾਨੂੰ ਨੌਕਰੀ ਨਹੀਂ ਮਿਲਦੀ ਹੈ। ਇਸ ਲਈ ਕੋਸ਼ਿਸ਼ ਕਰੋ ਕਿ ਤੁਹਾਡਾ ਸੀ.ਵੀ. ਵਧੀਆ ਹੋਣ ਦੇ ਨਾਲ-ਨਾਲ ਸਾਧਾਰਨ ਹੋਵੇ। ਇਸ ਨਾਲ ਸਾਹਮਣੇ ਵਾਲੇ ਨੂੰ ਤੁਹਾਡੇ ਬਾਰੇ ਸਾਰੀ ਜਾਣਕਾਰੀ ਹਾਸਿਲ ਕਰਨ ਵਿੱਚ ਸੌਖ ਹੋ ਜਾਵੇਗੀ।
ਪ੍ਰੋਫ਼ੈਸ਼ਨਲ ਬਾਇਓਡਾਟਾ ਬਣਾਉਣ ਲੱਗੇ ਯਾਦ ਰੱਖੋ ਇਹ ਗੱਲਾਂ
ਸਾਰੇ ਲੋਕ ਇਹ ਗੱਲ ਯਾਦ ਰੱਖਣ ਕਿ ਚੰਗਾ ਰਜ਼ਿਊਮ ਬਣਾਉਣ ਲਈ ਕਦੇ ਵੀ ਰੰਗੀਨ ਜਾਂ ਜ਼ਿਆਦਾ ਸਜਾਵਟੀ ਅੱਖਰਾਂ ਦਾ ਇਸਤੇਮਾਲ ਨਾ ਕਰੋ। ਰਜ਼ਿਊਮ ਬਣਾਉਂਦੇ ਸਮੇਂ ਹਰੇਕ ਪੁਆਇੰਟ ਸਹੀ ਲਿਖੋ। ਪੁਆਇੰਟ ਲਿੱਖਣ ਤੋਂ ਬਾਅਦ ਤੁਸੀਂ ਨੇਵੀ ਬਲਿਊ ਰੰਗ ਦੀ ਲਾਈਨ ਨਾਲ ਉਸ ਨੂੰ ਹਾਈਲਾਈਟ ਵੀ ਕਰ ਸਕਦੇ ਹੋ। ਇਸ ਨਾਲ ਸਾਹਮਣੇ ਵਾਲੇ ਨੂੰ ਪੜ੍ਹਨ ਵੇਲੇ ਤੁਹਾਡੀ ਹਰ ਗੱਲ ਚੰਗੀ ਤਰ੍ਹਾਂ ਸਮਝ ਆ ਜਾਵੇਗੀ।
ਚੰਗੇ ਸ਼ਬਦਾਂ ਦੀ ਕਰੋ ਵਰਤੋਂ
ਸੀ. ਵੀ. ਬਣਾਉਣ ਲੱਗੇ ਧਿਆਨ ਰੱਖੋ ਕਿ ਇਸ ਵਿੱਚ ਵਰਤੇ ਗਏ ਸ਼ਬਦ ਸਾਧਾਰਨ ਹੋਣ ਤਾਂ ਕਿ ਸਾਹਮਣੇ ਵਾਲਾ ਇਸ ਨੂੰ ਸੌਖੇ ਤਰੀਕੇ ਨਾਲ ਸਮਝ ਸਕੇ। ਜੇਕਰ ਤੁਸੀਂ ਕਾਰਪੋਰੇਟ ਦੁਨੀਆ ਵਿੱਚ ਕੰਮ ਦੀ ਸ਼ੁਰੂਆਤ ਕਰਨਾ ਚਾਹੁੰਦੇ ਹੋ ਤਾਂ ਜ਼ਰੂਰੀ ਹੈ ਕਿ ਸੀ.ਵੀ. ਵਿੱਚ ਕਾਰਪੋਰੇਟ ਦੁਨੀਆ ਦੇ ਸ਼ਬਦ ਜ਼ਰੂਰ ਸ਼ਾਮਲ ਕੀਤੇ ਜਾਣ। ਇਸ ਨਾਲ ਤੁਹਾਡਾ ਸੀ.ਵੀ. ਬਹੁਤ ਵਧੀਆ ਨਜ਼ਰ ਆਵੇਗਾ। ਆਪਣੀ ਗੱਲ ਨੂੰ ਇਕ ਜਾਂ ਘੱਟ ਸ਼ਬਦਾਂ ਵਿਚ ਪੂਰੀ ਕਰੋ, ਜਿਵੇਂ ਓਬਜੈਕਟਿਵ, ਐਜੂਕੇਸ਼ਨਲ, ਕੁਆਲੀਫਿਕੇਸ਼ਨ, ਪਰਸਨਲ ਡਿਟੇਲ, ਕੰਮ ਦਾ ਤਜਰਬਾ ਆਦਿ।
ਸਹੀ ਫਾਰਮੇਟ ਦੀ ਕਰੋ ਚੋਣ
ਬਾਇਓਡਾਟਾ ਬਣਾਉਣ ਲਈ ਕਈ ਤਰ੍ਹਾਂ ਦੇ ਫਾਰਮੇਟ ਆਨਲਾਈਨ ਮਿਲ ਜਾਂਦੇ ਹਨ ਪਰ ਸੀ. ਵੀ. ਬਾਇਓਡਾਟਾ ਲਈ ਇਹੋ ਜਿਹਾ ਫਾਰਮੇਟ ਲੈਣਾ ਚਾਹੀਦਾ ਹੈ, ਜੋ ਪੜ੍ਹਨ ਵਿਚ ਸੌਖਾ ਹੋਵੇ ਅਤੇ ਦੇਖਣ ਵਾਲੇ ਨੂੰ ਪਸੰਦ ਆ ਜਾਵੇ। ਧਿਆਨ ਰੱਖੋ ਕਿ ਸੀ.ਵੀ. ਵਿਚ ਸਾਰੇ ਸ਼ਬਦ ਚੰਗੀ ਤਰ੍ਹਾਂ ਸਮਝ ਆਉਣ। ਮੁੱਖ ਪੁਆਇੰਟ ਨੂੰ ਚੰਗੀ ਤਰ੍ਹਾਂ ਹਾਈਲਾਈਟ ਕਰੋ।
ਚੰਗੇ ਹੈੱਡਰ ਬਣਾਓ
ਕਿਸੇ ਵੀ ਕੰਪਨੀ ਵਿਚ ਕੰਮ ਕਰਨ ਲਈ ਸੀ. ਵੀ. ਇਸ ਲਈ ਦਿੱਤਾ ਜਾਂਦਾ ਹੈ ਕਿ ਮੈਨੇਜਮੈਂਟ ਨੂੰ ਤੁਹਾਡੇ ਬਾਰੇ ਪੂਰੀ ਜਾਣਕਾਰੀ ਮਿਲ ਸਕੇ। ਇਸ ਲਈ ਰਜ਼ਿਊਮ ਵਿਚ ਹੈੱਡਰ ਦਾ ਪੂਰਾ ਧਿਆਨ ਰੱਖੋ। ਹੈੱਡਰ ਸਾਫ ਅਤੇ ਚੰਗੀ ਤਰ੍ਹਾਂ ਪੜ੍ਹਿਆ ਜਾ ਸਕੇ। ਕਈ ਲੋਕ ਸੀ. ਵੀ. ਨਾਲ ਆਪਣੀ ਫੋਟੋ ਲਾ ਕੇ ਦਿੰਦੇ ਹਨ ਪਰ ਜੇਕਰ ਤੁਸੀਂ ਕਿਤੇ ਨੌਕਰੀ ਲਈ ਅਪਲਾਈ ਕਰ ਰਹੇ ਹੋ ਤਾਂ ਸੀ. ਵੀ. ਨਾਲ ਆਪਣੀ ਫੋਟੋ ਲਗਾ ਕੇ ਨਾ ਦਿਓ, ਕਿਉਂਕਿ ਫੋਟੋ ਦਾ ਗਲਤ ਇਸਤੇਮਾਲ ਹੋ ਸਕਦਾ ਹੈ।
ਨੈਗੇਟਿਵ ਗੱਲਾਂ ਕਦੇ ਨਾ ਲਿਖੋ
ਸੀ. ਵੀ. ਬਣਾਉਂਦੇ ਸਮੇਂ ਇਸ ਵਿਚ ਹਮੇਸ਼ਾ ਆਪਣੇ ਭਵਿੱਖ ਨਾਲ ਜੁੜੀਆਂ ਗੱਲਾਂ ਹੀ ਲਿਖੋ। ਕਦੇ ਵੀ ਪੁਰਾਣੀ ਕੰਪਨੀ ਜਾਂ ਬੌਸ ਬਾਰੇ ਬੁਰੀ ਗੱਲ ਨਾ ਲਿਖੋ। ਉਸ ਵਿਚ ਆਪਣੇ ਬਾਰੇ ਕੁਝ ਵਧਾ-ਚੜ੍ਹਾ ਕੇ ਨਾ ਲਿਖੋ ਅਤੇ ਨਾ ਹੀ ਇੰਟਰਵਿਊ ਵੇਲੇ ਦੱਸੋ।
Beauty Tips: ਚਿਹਰੇ ਦੇ ਦਾਗ ਧੱਬਿਆਂ ਤੋਂ ਛੁਟਕਾਰਾ ਦਿਵਾਉਂਦੈ ਸੰਤਰੇ ਦੇ ਛਿਲਕਿਆਂ ਦਾ ਪੈਕ
NEXT STORY 
