ਵੈੱਬ ਡੈਸਕ - ਨਰਾਤਿਆਂ 'ਚ ਮਾਂ ਦੁਰਗਾ ਦੇ 9 ਰੂਪਾਂ ਨੂੰ ਪੂਜਿਆ ਜਾਂਦਾ ਹੈ ਅਤੇ ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ 9 ਤਰਾਂ ਦਾ ਭੋਗ ਵੀ ਲਾਇਆ ਜਾਂਦਾ ਹੈ। ਇਸ ਲਈ ਨਰਾਤੇ ਦੇ ਪੰਜਵੇਂ ਦਿਨ ਮਾਂ ਸਕੰਦਮਾਤਾ ਨੂੰ ਕੇਲੇ ਦਾ ਭੋਗ ਚੜ੍ਹਾਇਆ ਜਾਂਦਾ ਹੈ। ਕੁਝ ਲੋਕ ਤਾਂ ਇਸ ਦਿਨ ਖੀਰ ਦਾ ਭੋਗ ਵੀ ਚੜ੍ਹਾਉਂਦੇ ਹਨ। ਇਸ ਦੌਰਾਨ ਜੇਕਰ ਤੁਸੀਂ ਕੋਈ ਕੇਲੇ ਦੇ ਨਾਲ ਚੀਜ਼ ਬਣਾ ਕੇ ਉਸ ਦਾ ਭੋਗ ਲਗਾਉਣਾ ਚਾਹੁੰਦੇ ਹੋ ਤਾਂ ਇਸ ਮਾਮਲੇ 'ਚ ਤੁਹਾਡੇ ਲਈ ਕੇਲੇ ਦਾ ਰਾਇਤਾ ਵਧੀਆ ਬਦਲ ਸਾਬਤ ਹੋ ਸਕਦਾ ਹੈ। ਇਹ ਰਾਇਤਾ ਬਣਾਉਣ 'ਚ ਬਹੁਤ ਹੀ ਸੌਖਾ ਹੈ। ਆਓ ਇਸ ਬਾਰੇ ਪੂਰੀ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰਦੇ ਹਾਂ ਕਿ ਇਹ ਬਣਦਾ ਕਿਵੇਂ ਹੈ।
ਸਮੱਗਰੀ :-
1 ਕਟੋਰੀ ਤਾਜ਼ਾ ਦਹੀਂ
2-3 ਅੱਧ-ਪੱਕੇ ਕੇਲੇ
4 ਚਮਚ ਖੰਡ
2 ਚਮਚ ਪੀਸਿਆ ਹੋਇਆ ਸੁੱਕਾ ਨਾਰੀਅਲ
1 ਚਮਚ ਚਿਰੋਂਜੀ
1 ਕੱਪ ਭੁੰਨਿਆ ਹੋਇਆ ਮਖਾਨਾ
1 ਚਮਚ ਘਿਓ
ਬਣਾਉਣ ਦੀ ਵਿਧੀ :-
ਸਭ ਤੋਂ ਪਹਿਲਾਂ ਦਹੀਂ ਨੂੰ ਚੰਗੀ ਤਰਾਂ ਫੇਂਟ ਲਓ ਤੇ ਇਸ 'ਚ ਖੰਡ ਮਿਲਾ ਕੇ ਮਿਕਸ ਕਰ ਲਓ। ਫਿਰ ਕੇਲੇ ਨੂੰ ਛਿਲ ਕੇ ਕੱਟ ਕੇ ਇਸ 'ਚ ਮਿਕਸ ਕਰ ਲਓ। ਤੜਕਾ ਲਗਾਉਣ ਲਈ ਪੈਨ 'ਚ 1 ਚਮਚ ਘਿਓ ਪਾਓ ਤੇ ਉਸ 'ਚ ਚਿਰੌਂਜੀ ਪਾ ਕੇ ਹਲਕਾ ਭੁੰਨ ਲਓ। ਚਿਰੌਂਜੀ ਜਦੋਂ ਹਲਕੀ ਬ੍ਰਾਊਨ ਹੋ ਜਾਵੇ ਤਾਂ ਘਿਓ 'ਚ ਪੀਸਿਆ ਹੋਇਆ ਸੁੱਕਾ ਨਾਰੀਅਰ ਪਾਓ। ਹੁਣ ਇਸ ਤੜਕੇ ਨੂੰ ਦਹੀ ਤੇ ਕੇਲੇ ਦੇ ਜਾਰ 'ਚ ਮਿਕਸ ਕਰ ਦਿਓ।
ਇਸ ਤੋਂ ਬਾਅਦ ਦਹੀਂ 'ਚ ਥੋੜੀ ਜਿਹੀ ਪੀਸੀ ਹੋਈ ਇਲਾਇਚੀ ਪਾਓ ਤਾਂ ਕਿ ਉਸ ਦਾ ਸਵਾਦ ਹੋਰ ਵਧ ਜਾਵੇਗਾ। ਫਿਰ ਇਕ ਪੈਨ 'ਚ ਘਿਓ ਪਾ ਕੇ ਮਖਾਣੇ ਨੂੰ ਭੁੰਨ ਲਓ ਕੇ ਰਾਇਤੇ ਵਿਚ ਮਿਕਸ ਕਰ ਲਓ। ਫਿਰ ਇਸ ਰਾਇਤੇ ਵਿਚ ਇਕ ਚਮਚ ਸੇਂਧਾ ਨਮਕ ਪਾਓ ਤੇ ਇਕ ਚੁੰਡੀ ਕਾਲੀ ਮਿਰਚ ਦਾ ਪਾਊਡਰ ਪਾ ਦਿਓ। ਰਾਇਤੇ ਨੂੰ ਸਜਾਉਣ ਲਈ ਉਸ ਉਪਰ ਥੋੜੀ ਸੋਗੀ ਤੇ ਕਾਜੂ ਕੱਟ ਕੇ ਪਾਓ।
ਬਦਲਦੇ ਮੌਸਮ 'ਚ ਡੈਂਡਰੱਫ ਤੋਂ ਹੋ ਗਏ ਹੋ ਪ੍ਰੇਸ਼ਾਨ ਤਾਂ ਅਪਣਾਓ ਇਹ ਤਰੀਕੇ
NEXT STORY 
