ਜੰਮੂ: ਅੱਜ ਦੀਆਂ ਮੁਟਿਆਰਾਂ ਅਤੇ ਔਰਤਾਂ ਆਪਣੀ ਲੁੱਕ ਨੂੰ ਸਟਾਈਲਿਸ਼ ਬਣਾਉਣ ਲਈ ਡਿਜ਼ਾਈਨਰ ਡਰੈੱਸ, ਨਵੇਂ ਹੇਅਰ ਸਟਾਈਲ, ਮੇਕਅੱਪ ਅਤੇ ਫੁਟਵੀਅਰ ਨਾਲ ਖੂਬ ਐਕਸਪੈਰੀਮੈਂਟ ਕਰਦੀਆਂ ਹਨ, ਸਗੋਂ ਉਨ੍ਹਾਂ ਦੀ ਲੁੱਕ ਉਦੋਂ ਤੱਕ ਅਧੂਰੀ ਲੱਗਦੀ ਹੈ, ਜਦੋਂ ਤੱਕ ਉਸ ’ਚ ਸਹੀ ਜਿਊਲਰੀ ਨਾ ਹੋਵੇ। ਇਹੀ ਵਜ੍ਹਾ ਹੈ ਕਿ ਹੁਣ ਜਿਊਲਰੀ ਵੀ ਉਨ੍ਹਾਂ ਦੇ ਸਟਾਈਲ ਦਾ ਅਹਿਮ ਹਿੱਸਾ ਬਣ ਗਈ ਹੈ। ਭਾਵੇਂ ਕੈਜ਼ੂਅਲ ਕਾਲਜ ਲੁੱਕ ਹੋਵੇ ਜਾਂ ਫਿਰ ਵਿਆਹ ਦਾ ਫੰਕਸ਼ਨ, ਹਰ ਜਗ੍ਹਾ ਮੁਟਿਆਰਾਂ ਨੂੰ ਜਿਊਲਰੀ ਦੇ ਨਾਲ ਹੀ ਦੇਖਿਆ ਜਾ ਸਕਦਾ ਹੈ।
ਪਹਿਲਾਂ ਜਦੋਂ ਵੀ ਕਿਸੇ ਵਿਆਹ, ਤਿਉਹਾਰ ਜਾਂ ਖ਼ਾਸ ਮੌਕੇ ਦੀ ਗੱਲ ਹੁੰਦੀ ਸੀ ਤਾਂ ਹਰ ਔਰਤ ਅਤੇ ਮੁਟਿਆਰ ਦੀ ਪਹਿਲੀ ਪਸੰਦ ਸਿਰਫ਼ ਗੋਲਡ ਜਿਊਲਰੀ ਹੁੰਦੀ ਸੀ। ਭਾਰੀ-ਭਰਕਮ ਸੋਨੇ ਦੇ ਸੈੱਟ ਨੂੰ ਹੀ ਸਟੇਟਸ ਸਿੰਬਲ ਮੰਨਿਆ ਜਾਂਦਾ ਸੀ। ਘਰ ਦੀ ਅਲਮਾਰੀ ’ਚ ਸੋਨੇ ਦੇ ਹਾਰ, ਕੰਗਣ ਅਤੇ ਝੁਮਕੇ ਰੱਖਣਾ ਹਰ ਮਾਂ ਦੀ ਖ਼ੁਹਾਇਸ਼ ਸੀ ਪਰ ਹੁਣ ਸਮਾਂ ਬਦਲ ਗਿਆ ਹੈ। ਪਿਛਲੇ ਕੁਝ ਸਾਲਾਂ ’ਚ ਜਿਊਲਰੀ ਦੇ ਟ੍ਰੈਂਡ ’ਚ ਵੱਡਾ ਬਦਲਾਅ ਆਇਆ ਹੈ। ਜਿੱਥੇ ਕੁਝ ਮੁਟਿਆਰਾਂ ਅਜੇ ਵੀ ਮੋਤੀ ਤੇ ਕੁੰਦਨ ਦੀ ਟ੍ਰੈਡੀਸ਼ਨਲ ਜਿਊਲਰੀ ਨੂੰ ਪਸੰਦ ਕਰਦੀਆਂ ਹਨ, ਉੱਥੇ ਹੀ, ਕੁਝ ਨੂੰ ਡਾਇਮੰਡ ਜਿਊਲਰੀ ਵੀ ਖੂਬ ਪਸੰਦ ਆ ਰਹੀ ਹੈ, ਪਰ ਪਿਛਲੇ ਕੁਝ ਸਮੇਂ ਤੋਂ ਆਕਸੀਡਾਈਜ਼ਡ ਜਿਊਲਰੀ, ਹਰ ਉਮਰ ਦੀਆਂ ਔਰਤਾਂ ਦੀ ਫੇਵਰੇਟ ਬਣ ਗਈ ਹੈ। ਆਕਸੀਡਾਈਜ਼ਡ ਜਿਊਲਰੀ ਨੂੰ ‘ਅਫ਼ਗਾਨੀ’ ਜਾਂ ‘ਬੋਹੇਮੀਅਨ ਜਿਊਲਰੀ’ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ।
ਇਸ ਦੀ ਐਂਟੀਕ ਸਿਲਵਰ ਲੁੱਕ ਅਤੇ ਬਾਰੀਕ ਕਾਰੀਗਰੀ ਮੁਟਿਆਰਾਂ ਨੂੰ ਸਭ ਤੋਂ ਜ਼ਿਆਦਾ ਆਕਰਸ਼ਿਤ ਕਰਦੀ ਹੈ। ਵੱਡੇ-ਵੱਡੇ ਪੈਂਡੈਂਟ ਵਾਲੇ ਹਾਰ, ਚਾਂਦਬਾਲੀ ਝੁਮਕੇ, ਝਾਲੇ ਵਾਲੇ ਈਅਰਰਿੰਗਸ ਅਤੇ ਸਟੇਟਮੈਂਟ ਰਿੰਗਸ ਇਸ ਜਿਊਲਰੀ ਦੀ ਪਛਾਣ ਹਨ। ਸਭ ਤੋਂ ਖ਼ਾਸ ਗੱਲ ਇਹ ਹੈ ਕਿ ਇਹ ਜਿਊਲਰੀ ਗੋਲਡ ਦੇ ਮੁਕਾਬਲੇ ਕਾਫ਼ੀ ਹਲਕੀ ਅਤੇ ਸਸਤੀ ਹੁੰਦੀ ਹੈ ਪਰ ਲੁੱਕ ਨੂੰ ਕੰਪਲੀਟ ਕਰਨ ਦੇ ਨਾਲ-ਨਾਲ ਸਟਾਈਲਿਸ਼ ਅਤੇ ਯੂਨੀਕ ਵੀ ਬਣਾਉਂਦੀ ਹੈ। ਅੱਜਕੱਲ੍ਹ ਸਾੜ੍ਹੀ, ਗਾਊਨ, ਇੰਡੋ-ਵੈਸਟਰਨ ਡਰੈੱਸ ਤੋਂ ਲੈ ਕੇ ਕਸ਼ਮੀਰੀ ਸੂਟ ਤੱਕ ਹਰ ਆਊਟਫਿੱਟ ਦੇ ਨਾਲ ਆਕਸੀਡਾਈਜ਼ਡ ਸੈੱਟ ਸਟਾਈਲ ਕੀਤੇ ਜਾ ਰਹੇ ਹਨ।
ਇੰਸਟਾਗ੍ਰਾਮ ਤੇ ਰੀਲਜ਼ ਦੇ ਜ਼ਮਾਨੇ ’ਚ ਫੋਟੋਸ਼ੂਟ ਲਈ ਵੀ ਇਹ ਜਿਊਲਰੀ ਸਭ ਤੋਂ ਜ਼ਿਆਦਾ ਡਿਮਾਂਡ ’ਚ ਹੈ। ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਕੰਮਕਾਜੀ ਔਰਤਾਂ ਤੱਕ, ਸਾਰੇ ਇਸ ਨੂੰ ਆਪਣੇ ਰੋਜ਼ਮੱਰਾ ਦੇ ਅਤੇ ਖ਼ਾਸ ਮੌਕਿਆਂ ਦੀ ਲੁੱਕ ’ਚ ਸ਼ਾਮਲ ਕਰ ਰਹੇ ਹਨ। ਹੁਣ ਔਰਤਾਂ ਸਿਰਫ਼ ਇਕ ਹੀ ਤਰ੍ਹਾਂ ਦੀ ਜਿਊਲਰੀ ਤੱਕ ਸੀਮਤ ਨਹੀਂ ਹਨ। ਉਹ ਮੌਕੇ ਦੇ ਹਿਸਾਬ ਨਾਲ ਕੁੰਦਨ, ਮੋਤੀ, ਡਾਇਮੰਡ ਅਤੇ ਆਕਸੀਡਾਈਜ਼ਡ ’ਚੋਂ ਚੋਣ ਕਰਦੀਆਂ ਹਨ। ਕੁੱਲ ਮਿਲਾ ਕੇ ਕਿਹਾ ਜਾਵੇ ਤਾਂ ਜਿਊਲਰੀ ਦਾ ਟ੍ਰੈਂਡ ਹੁਣ ਸਿਰਫ਼ ‘ਭਾਰੀ ਅਤੇ ਮਹਿੰਗਾ’ ਤੋਂ ਹਟ ਕੇ ‘ਸਟਾਈਲਿਸ਼ ਤੇ ਵੱਖਰਾ’ ਹੋ ਗਿਆ ਹੈ ਅਤੇ ਇਸੇ ਬਦਲਾਅ ’ਚ ਆਕਸੀਡਾਈਜ਼ਡ ਜਿਊਲਰੀ ਨੇ ਮੁਟਿਆਰਾਂ ਦੇ ਦਿਲ ’ਚ ਖ਼ਾਸ ਜਗ੍ਹਾ ਬਣਾ ਲਈ ਹੈ।
ਹੁਣ ਰਾਤ ਨੂੰ ਵੀ ਨਹੀਂ ਹੋਇਆ ਕਰੇਗਾ ਹਨੇਰਾ ! Space 'ਚ ਅਨੋਖਾ ਸੈਟੇਲਾਈਟ ਲਾਂਚ ਕਰਨ ਦੀ ਮਿਲੀ ਇਜਾਜ਼ਤ
NEXT STORY 
