ਵੈੱਬ ਡੈਸਕ- ਅੱਜ ਦੀਆਂ ਮੁਟਿਆਰਾਂ ਫੈਸ਼ਨ ਦੀ ਦੁਨੀਆ ’ਚ ਇਕ ਨਵਾਂ ਅਤੇ ਪ੍ਰਭਾਵਸ਼ਾਲੀ ਟ੍ਰੈਂਡ ‘ਮੋਨੋਕ੍ਰੋਮ ਲੁਕ’ ਅਪਣਾ ਰਹੀਆਂ ਹਨ। ਇਹ ਸਟਾਈਲ ਉਦੋਂ ਹੁੰਦਾ ਹੈ ਜਦੋਂ ਪੂਰਾ ਆਊਟਫਿੱਟ ਇਕ ਹੀ ਰੰਗ ਜਾਂ ਉਸ ਦੇ ਵੱਖ-ਵੱਖ ਸ਼ੇਡਸ ’ਚ ਤਿਆਰ ਕੀਤਾ ਜਾਂਦਾ ਹੈ। ਭਾਵੇਂ ਉਹ ਕਲਾਸਿਕ ਬਲੈਕ ਹੋਵੇ, ਪਿਓਰ ਵ੍ਹਾਈਟ, ਨਿਊਟਰਲ ਬੇਜ, ਗ੍ਰੇਅ, ਚਾਕਲੇਟ ਬ੍ਰਾਊਨ ਜਾਂ ਫਿਰ ਬੋਲਡ ਰੈੱਡ ਅਤੇ ਬਲਿਊ ਆਦਿ। ਸਭ ਕੁਝ ਇਕ ਹੀ ਕਲਰ ਫੈਮਿਲੀ ’ਚ ਰਹਿੰਦਾ ਹੈ। ਕੱਪੜੇ, ਜੁੱਤੇ, ਬੈਗ, ਜਿਊਲਰੀ ਅਤੇ ਇੱਥੋਂ ਤੱਕ ਕਿ ਮੇਕਅੱਪ ਵੀ ਉਸੇ ਟੋਨ ’ਚ ਮੈਚ ਕੀਤੇ ਜਾਂਦੇ ਹਨ। ਇਹ ਲੁਕ ਬੇਹੱਦ ਸਿੰਪਲ, ਐਲੀਗੈਂਟ ਅਤੇ ਸਾਫਿਸਟੀਕੇਟਿਡ ਲੱਗਦੀ ਹੈ, ਜਿਸ ਨਾਲ ਪਹਿਨਣ ਵਾਲੀ ਮੁਟਿਆਰ ਖੁਦ ਨੂੰ ਜ਼ਿਆਦਾ ਕਾਨਫੀਡੈਂਟ ਮਹਿਸੂਸ ਕਰਦੀ ਹੈ।
2025-2026 ਦੇ ਫੈਸ਼ਨ ਸੀਜ਼ਨ ’ਚ ਮੋਨੋਕ੍ਰੋਮ ਨੇ ਖਾਸ ਜਗ੍ਹਾ ਬਣਾਈ ਹੈ। ਨਿਊਯਾਰਕ, ਪੈਰਿਸ ਅਤੇ ਮੁੰਬਈ ਦੇ ਫੈਸ਼ਨ ਵੀਕ ’ਚ ਇਹ ਲੁਕ ਹਰ ਜਗ੍ਹਾ ਛਾਈ ਰਹੀ। ਸਕੂਲ ਅਤੇ ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਆਫਿਸ ਜਾਣ ਵਾਲੀਆਂ ਮੁਟਿਆਰਾਂ ਵੀ ਇਸ ਨੂੰ ਅਪਣਾ ਰਹੀਆਂ ਹਨ। ਭਾਰਤ ’ਚ ਇਹ ਟ੍ਰੈਂਡ ਹੋਰ ਵੀ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਪਹਿਲਾਂ ਬ੍ਰਾਈਟ ਕਲਰਸ, ਟ੍ਰੈਡੀਸ਼ਨਲ ਪ੍ਰਿੰਟਸ ਅਤੇ ਹੈਵੀ ਕਢਾਈ ਦਾ ਦੌਰ ਸੀ ਪਰ ਹੁਣ ਮੁਟਿਆਰਾਂ ਮੋਨੋਕ੍ਰੋਮ ’ਚ ਖਾਦੀ, ਲਿਨਨ, ਕਾਟਨ ਜਾਂ ਸਿਲਕ ਦੇ ਸਾਲਿਡ ਟੋਨ ਵਾਲੇ ਐਥਨਿਕ ਅਤੇ ਵੈਸਟਰਨ ਆਊਟਫਿੱਟਸ ਚੁਣ ਰਹੀਆਂ ਹਨ, ਜਿਵੇਂ ਪੂਰੀ ਆਫ-ਵ੍ਹਾਈਟ ਜਾਂ ਆਈਵਰੀ ਸਾੜ੍ਹੀ, ਬਲੈਕ ਹੈੱਡ-ਟੂ-ਟੋ ਕੁੜਤਾ-ਪਜਾਮਾ ਸੈੱਟ ਜਾਂ ਬੇਜ ’ਚ ਪ੍ਰੀ-ਡ੍ਰੇਪਡ ਸਾੜ੍ਹੀ।
ਬਾਲੀਵੁੱਡ ਅਦਾਕਾਰਾਂ ਅਤੇ ਮਾਡਲਾਂ ਨੇ ਵੀ ਮੋਨੋਕ੍ਰੋਮ ਨੂੰ ਅਪਣਾਇਆ ਹੈ, ਖਾਸ ਕਰ ਕੇ ਆਲ-ਬਲੈਕ, ਆਲ-ਵ੍ਹਾਈਟ ਜਾਂ ਨਿਊਟਰਲ ਟੋਨਸ ’ਚ। ਜਿਸ ਕਾਰਨ ਮੁਟਿਆਰਾਂ ਇਨ੍ਹਾਂ ਤੋਂ ਹੋਰ ਜ਼ਿਆਦਾ ਪ੍ਰਭਾਵਿਤ ਹੋ ਕੇ ਇਨ੍ਹਾਂ ਨੂੰ ਟਰਾਈ ਕਰ ਰਹੀਆਂ ਹਨ। ਮੋਨੋਕ੍ਰੋਮ ਲੁਕ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਹ ਬਾਡੀ ਨੂੰ ਲੰਬਾ ਅਤੇ ਸਲਿਮ ਦਿਖਾਉਂਦੀ ਹੈ। ਸਵੇਰੇ ਜਲਦਬਾਜ਼ੀ ’ਚ ਵੀ ਬੱਸ ਇਕ ਰੰਗ ਚੁਣ ਕੇ ਸ਼ੇਡਸ ਮਿਲਾਏ ਜਾ ਸਕਦੇ ਹਨ। ਇਹ ਵਰਸੇਟਾਈਲ ਹੈ, ਆਫਿਸ, ਪਾਰਟੀ, ਕੈਜ਼ੁਅਲ ਆਊਟਿੰਗ ਜਾਂ ਤਿਉਹਾਰਾਂ ਸਭ ’ਚ ਸੂਟ ਕਰਦਾ ਹੈ।
ਇਸ ’ਚ ਟੈਕਸਚਰ ਦੀ ਖੇਡ ਕਰ ਕੇ ਲੁਕ ਨੂੰ ਦਿਲਚਸਪ ਬਣਾਇਆ ਜਾ ਸਕਦਾ ਹੈ, ਜਿਵੇਂ ਗ੍ਰੇਅ ’ਚ ਵੂਲ ਕੋਟ ਦੇ ਨਾਲ ਸਿਲਕ ਟਾਪ ਅਤੇ ਲੈਦਰ ਪੈਂਟਸ। ਇਸ ਨਾਲ ਲੁਕ ਫਲੈਟ ਨਹੀਂ ਲੱਗਦੀ ਸਗੋਂ ਲਗਜ਼ਰੀਅਸ ਅਤੇ ਕ੍ਰੀਏਟਿਵ ਦਿਸਦੀ ਹੈ। ਮੁਟਿਆਰਾਂ ਇਸ ਦੀਆਂ ਦੀਵਾਨੀਆਂ ਇਸ ਲਈ ਹੋ ਰਹੀਆਂ ਹਨ ਕਿਉਂਕਿ ਅੱਜ ਦੀ ਬਿਜ਼ੀ ਲਾਈਫ ’ਚ ਮੈਚਿੰਗ ਦੀ ਟੈਂਸ਼ਨ ਨਹੀਂ ਚਾਹੀਦੀ। ਮੋਨੋਕ੍ਰੋਮ ‘ਓਵਰਥਿੰਕਿੰਗ’ ਖਤਮ ਕਰਦਾ ਹੈ ਅਤੇ ਇੰਸਟੈਂਟ ਪਾਲਿਸ਼ਡ ਲੁਕ ਦਿੰਦਾ ਹੈ। ਨਾਲ ਹੀ, ਇਹ ਸਸਟੇਨੇਬਲ ਹੈ। ਘੱਟ ਕੱਪੜੇ, ਵਧੇਰੇ ਵਰਤੋਂ। ਇਨ੍ਹੀਂ ਦਿਨੀਂ ਚਾਕਲੇਟ ਬ੍ਰਾਊਨ, ਮੋਚਾ ਮੂਸ ਜਾਂ ਵਾਈਬ੍ਰੈਂਟ ਰੈੱਡ ਵਰਗੇ ਬੋਲਡ ਮੋਨੋਕ੍ਰੋਮ ਵੀ ਪਾਪੂਲਰ ਹੋ ਰਹੇ ਹਨ।
ਜ਼ਿਆਦਾਤਰ ਮੁਟਿਆਰਾਂ ਇਸ ਨੂੰ ਬਲੈਕ ਜਾਂ ਵ੍ਹਾਈਟ ਤੋਂ ਸ਼ੁਰੂ ਕਰ ਰਹੀਆਂ ਹਨ, ਫਿਰ ਬੇਜ, ਗ੍ਰੇਅ ਜਾਂ ਪੇਸਟਲਸ ਟਰਾਈ ਕਰ ਰਹੀਆਂ ਹਨ। ਇਸ ’ਚ ਮੁਟਿਆਰਾਂ ਅਸੈਸਰੀਜ਼ ਵੀ ਉਸੇ ਰੰਗ ’ਚ ਰੱਖਣਾ ਪਸੰਦ ਕਰਦੀਆਂ ਹਨ ਪਰ ਕੁਝ ਨੂੰ ਗੋਲਡ ਜਾਂ ਸਿਲਵਰ ਐਡ ਕਰਦੇ ਦੇਖਿਆ ਜਾ ਸਕਦਾ ਹੈ। ਕੁੱਲ ਮਿਲਾ ਕੇ, ਮੋਨੋਕ੍ਰੋਮ ਹੁਣ ਸਿਰਫ਼ ਟ੍ਰੈਂਡ ਨਹੀਂ, ਸਗੋਂ ਮੁਟਿਆਰਾਂ ਦਾ ਪਰਸਨਲ ਸਟੇਟਮੈਂਟ ਬਣ ਚੁੱਕਾ ਹੈ। ਇਹ ਸਾਦਗੀ, ਖ਼ੂਬਸੂਰਤੀ ਅਤੇ ਆਤਮ-ਵਿਸ਼ਵਾਸ ਦਾ ਬਿਹਤਰੀਨ ਮਿਸ਼ਰਣ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮਹਿੰਗੇ ਫੇਸ਼ੀਅਲ ਦੀ ਛੁੱਟੀ! ਰਸੋਈ 'ਚ ਮੌਜੂਦ ਇਹ ਚੀਜ਼ਾਂ ਚਿਹਰੇ 'ਤੇ ਲਿਆਉਣਗੀਆਂ ਪਾਰਲਰ ਵਰਗਾ ਗਲੋਅ
NEXT STORY 
