ਵੈੱਬ ਡੈਸਕ - ਅੱਜ-ਕੱਲ੍ਹ ਵਾਲਾਂ ਦਾ ਝੜਨਾ ਇਕ ਬਹੁਤ ਹੀ ਆਮ ਸਮੱਸਿਆ ਬਣ ਗਈ ਹੈ। ਲੋਕ ਇਸ ਤੋਂ ਛੁਟਕਾਰਾ ਪਾਉਣ ਲਈ ਕਈ ਤਰ੍ਹਾਂ ਦੇ ਮਹਿੰਗੇ ਸ਼ੈਂਪੂ, ਤੇਲ ਅਤੇ ਹੇਅਰ ਮਾਸਕ ਦੀ ਵਰਤੋਂ ਕਰਦੇ ਹਨ ਪਰ ਅਕਸਰ ਕੋਈ ਖਾਸ ਨਤੀਜਾ ਨਹੀਂ ਮਿਲਦਾ। ਮਾਹਿਰਾਂ ਅਨੁਸਾਰ ਇਸ ਦਾ ਇਕ ਵੱਡਾ ਕਾਰਨ ਵਾਲ ਧੋਣ ਦਾ ਗਲਤ ਤਰੀਕਾ ਹੋ ਸਕਦਾ ਹੈ। ਜੇਕਰ ਵਾਲ ਸਹੀ ਤਰੀਕੇ ਨਾਲ ਨਾ ਧੋਤੇ ਜਾਣ ਤਾਂ ਉਹ ਕਮਜ਼ੋਰ, ਰੁੱਖੇ ਅਤੇ ਬੇਜਾਨ ਹੋ ਕੇ ਝੜਨ ਲੱਗਦੇ ਹਨ।
ਵਾਲਾਂ ਨੂੰ ਮਜ਼ਬੂਤ ਅਤੇ ਸਿਹਤਮੰਦ ਬਣਾਉਣ ਲਈ ਹੇਠਾਂ ਦਿੱਤੇ ਵਾਲ ਧੋਣ ਦੇ ਸਹੀ ਤਰੀਕਿਆਂ ਨੂੰ ਅਪਣਾਉਣਾ ਚਾਹੀਦਾ ਹੈ :-
ਧੋਣ ਤੋਂ ਪਹਿਲਾਂ ਤੇਲ ਲਗਾਓ
- ਵਾਲ ਧੋਣ ਤੋਂ ਪਹਿਲਾਂ ਹਲਕਾ ਤੇਲ ਲਗਾਉਣਾ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇਸ ਨਾਲ ਸਿਰ ਦੀ ਚਮੜੀ (Scalp) ਨੂੰ ਪੋਸ਼ਣ ਮਿਲਦਾ ਹੈ ਅਤੇ ਵਾਲ ਧੋਣ ਸਮੇਂ ਘੱਟ ਟੁੱਟਦੇ ਹਨ।
ਵਾਲ ਸੁਲਝਾ ਕੇ ਹੀ ਧੋਵੋ
- ਕਦੇ ਵੀ ਉਲਝੇ ਹੋਏ ਵਾਲਾਂ ਨੂੰ ਸਿੱਧਾ ਨਹੀਂ ਧੋਣਾ ਚਾਹੀਦਾ। ਵਾਲ ਧੋਣ ਤੋਂ ਪਹਿਲਾਂ ਹਮੇਸ਼ਾ ਕੰਘੀ ਕਰਕੇ ਉਨ੍ਹਾਂ ਨੂੰ ਸੁਲਝਾ ਲੈਣਾ ਚਾਹੀਦਾ ਹੈ ਤਾਂ ਜੋ ਉਹ ਘੱਟ ਟੁੱਟਣ।
ਸ਼ੈਂਪੂ ਦੀ ਸਹੀ ਮਾਤਰਾ
- ਬਹੁਤ ਜ਼ਿਆਦਾ ਸ਼ੈਂਪੂ ਦੀ ਵਰਤੋਂ ਵਾਲਾਂ ਦੇ ਕੁਦਰਤੀ ਤੇਲ ਨੂੰ ਖਤਮ ਕਰ ਸਕਦੀ ਹੈ। ਇਕ ਸਿੱਕੇ ਦੇ ਆਕਾਰ ਜਿੰਨਾ ਸ਼ੈਂਪੂ ਵਾਲਾਂ ਲਈ ਕਾਫੀ ਹੁੰਦਾ ਹੈ।
ਹਲਕੇ ਹੱਥਾਂ ਨਾਲ ਮਸਾਜ
- ਸ਼ੈਂਪੂ ਲਗਾਉਂਦੇ ਸਮੇਂ ਸਿਰ ਦੀ ਚਮੜੀ ਨੂੰ ਜ਼ੋਰ ਨਾਲ ਰਗੜਨ ਦੀ ਬਜਾਏ ਹਲਕੇ ਹੱਥਾਂ ਨਾਲ ਮਸਾਜ ਕਰਨੀ ਚਾਹੀਦੀ ਹੈ।
ਕੰਡੀਸ਼ਨਰ ਦਾ ਸਹੀ ਇਸਤੇਮਾਲ
- ਕੰਡੀਸ਼ਨਰ ਨੂੰ ਕਦੇ ਵੀ ਵਾਲਾਂ ਦੀਆਂ ਜੜ੍ਹਾਂ 'ਚ ਨਹੀਂ ਲਗਾਉਣਾ ਚਾਹੀਦਾ। ਇਸ ਨੂੰ ਸਿਰਫ ਵਾਲਾਂ ਦੇ ਸਿਰਿਆਂ 'ਤੇ ਲਗਾ ਕੇ 4-5 ਮਿੰਟ ਬਾਅਦ ਧੋ ਲੈਣਾ ਚਾਹੀਦਾ ਹੈ।
ਪਾਣੀ ਦਾ ਤਾਪਮਾਨ
- ਵਾਲਾਂ ਲਈ ਬਹੁਤ ਗਰਮ ਪਾਣੀ ਨੁਕਸਾਨਦੇਹ ਹੁੰਦਾ ਹੈ। ਹਮੇਸ਼ਾ ਕੋਸੇ ਜਾਂ ਠੰਡੇ ਪਾਣੀ ਨਾਲ ਹੀ ਵਾਲ ਧੋਣੇ ਚਾਹੀਦੇ ਹਨ।
ਇਨ੍ਹਾਂ ਗਲਤੀਆਂ ਤੋਂ ਬਚੋ:-
ਵਾਲਾਂ ਦੀ ਸਿਹਤ ਨੂੰ ਬਰਕਰਾਰ ਰੱਖਣ ਲਈ ਰੋਜ਼ਾਨਾ ਵਾਲ ਧੋਣ, ਗਿੱਲੇ ਵਾਲਾਂ 'ਚ ਕੰਘੀ ਕਰਨ, ਵਾਰ-ਵਾਰ ਸ਼ੈਂਪੂ ਬਦਲਣ ਅਤੇ ਗੰਦੇ ਤੌਲੀਏ ਦੀ ਵਰਤੋਂ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਮਹਿੰਗੇ ਉਤਪਾਦਾਂ ਨਾਲੋਂ ਸਹੀ ਆਦਤਾਂ ਅਪਣਾ ਕੇ ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਚਮਕਦਾਰ ਅਤੇ ਮਜ਼ਬੂਤ ਬਣਾਇਆ ਜਾ ਸਕਦਾ ਹੈ।
Aloe vera gel ਦੀ ਕਰ ਰਹੇ ਹੋ ਵਰਤੋਂ ਤਾਂ ਹੋ ਜਾਓ ਸਾਵਧਾਨ! ਇਨ੍ਹਾਂ ਲੋਕਾਂ ਲਈ ਹੋ ਸਕਦਾ ਹੈ ਖ਼ਤਰਨਾਕ
NEXT STORY 
