ਵੈੱਬ ਡੈਸਕ- ਭਾਰਤੀ ਰਵਾਇਤੀ ਪਹਿਰਾਵਿਆਂ ’ਚ ਲਹਿੰਗਾ-ਚੋਲੀ ਸਦੀਆਂ ਤੋਂ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਆਧੁਨਿਕ ਡਿਜ਼ਾਈਨਰ ਡਰੈੱਸਾਂ ਦੇ ਬਾਵਜੂਦ ਲਹਿੰਗਾ-ਚੋਲੀ ਦਾ ਫੈਸ਼ਨ ਕਦੇ ਪੁਰਾਣਾ ਨਹੀਂ ਪੈਂਦਾ। ਸਮੇਂ ਦੇ ਨਾਲ ਇਸ ’ਚ ਨਵੇਂ-ਨਵੇਂ ਡਿਜ਼ਾਈਨ, ਕੱਟ ਅਤੇ ਵਰਕ ਆਉਂਦੇ ਰਹੇ ਹਨ। ਇੰਨੀਂ ਦਿਨੀਂ ਮੁਟਿਆਰਾਂ ’ਚ ਗੋਲਡਨ ਵਰਕ ਵਾਲੇ ਲਹਿੰਗਾ-ਚੋਲੀ ਦਾ ਕ੍ਰੇਜ਼ ਸਭ ਤੋਂ ਜ਼ਿਆਦਾ ਦੇਖਿਆ ਜਾ ਰਿਹਾ ਹੈ। ਇਹ ਮੁਟਿਆਰਾਂ ਨੂੰ ਟ੍ਰੈਡੀਸ਼ਨਲ ਅਤੇ ਰਾਇਲ ਲੁੱਕ ਦਿੰਦੇ ਹਨ। ਵਿਆਹ, ਮਹਿੰਦੀ, ਸੰਗੀਤ, ਹਲਦੀ, ਪੂਜਾ-ਪਾਠ, ਪਾਰਟੀ ਜਾਂ ਕਿਸੇ ਵੀ ਫੰਕਸ਼ਨ ’ਚ ਗੋਲਡਨ ਵਰਕ ਵਾਲੇ ਲਹਿੰਗਾ-ਚੋਲੀ ਦੀ ਚੋਣ ਮੁਟਿਆਰਾਂ ਵੱਡੀ ਪਸੰਦ ਨਾਲ ਕਰਦੀਆਂ ਹਨ।
ਗੋਲਡਨ ਵਰਕ ਵਾਲੇ ਲਹਿੰਗਾ-ਚੋਲੀ ’ਚ ਮੁੱਖ ਵਜੋਂ ਗੋਲਡਨ ਥਰਿੱਡ, ਜ਼ਰੀ, ਸਟੋਨ, ਸੀਕੁਐਂਸ ਅਤੇ ਮਿਰਰ ਵਰਕ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਹ ਵਰਕ ਲਹਿੰਗੇ ਨੂੰ ਬੇਹੱਦ ਆਕਰਸ਼ਕ ਅਤੇ ਚਮਕਦਾਰ ਬਣਾਉਂਦਾ ਹੈ। ਆਮ ਤੌਰ ’ਤੇ ਲਹਿੰਗਾ-ਚੋਲੀ ਤਿੰਨ ਪੀਸ ਸੈੱਟ ’ਚ ਆਉਂਦਾ ਹੈ—ਲਹਿੰਗਾ, ਚੋਲੀ ਅਤੇ ਦੁਪੱਟਾ। ਜ਼ਿਆਦਾਤਰ ਡਿਜ਼ਾਈਨਾਂ ’ਚ ਲਹਿੰਗੇ ’ਤੇ ਫੁੱਲ ਵਰਕ ਕੀਤਾ ਜਾਂਦਾ ਹੈ, ਜਦਕਿ ਚੋਲੀ ’ਚ ਮੁੱਖ ਵਜੋਂ ਨੈੱਕਲਾਈਨ ਅਤੇ ਸਲੀਵਜ਼ ’ਤੇ ਵਰਕ ਦੇਖਣ ਨੂੰ ਮਿਲਦਾ ਹੈ। ਕੁਝ ਪ੍ਰੀਮੀਅਮ ਡਿਜ਼ਾਈਨਾਂ ’ਚ ਚੋਲੀ, ਲਹਿੰਗੇ ਅਤੇ ਦੁਪੱਟੇ ਤਿੰਨਾਂ ’ਤੇ ਹੀ ਹੈਵੀ ਗੋਲਡਨ ਵਰਕ ਹੁੰਦਾ ਹੈ, ਜੋ ਪੂਰੇ ਆਊਟਫਿੱਟ ਨੂੰ ਬੇਹੱਦ ਲਗਜ਼ਰੀ ਲੁੱਕ ਦਿੰਦਾ ਹੈ।
ਕਲਰ ਪੈਲੇਟ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਇੰਨੀਂ ਦਿਨੀਂ ਰੈੱਡ, ਮੈਰੂਨ, ਬਲੂ, ਪਿੰਕ, ਬਲੈਕ, ਗ੍ਰੀਨ, ਵ੍ਹਾਈਟ ਅਤੇ ਗੋਲਡਨ ਕਲਰ ਦੇ ਗੋਲਡਨ ਵਰਕ ਲਹਿੰਗੇ-ਚੋਲੀ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕਰ ਰਹੀਆਂ ਹਨ। ਹਰ ਮੁਟਿਆਰ ਆਪਣੀ ਪਸੰਦ ਨਾਲ ਕਲਰ ਅਤੇ ਡਿਜ਼ਾਈਨ ਚੁਣ ਰਹੀ ਹੈ। ਇਨ੍ਹਾਂ ਲਹਿੰਗਾ-ਚੋਲੀ ਨੂੰ ਸਟਾਈਲ ਕਰਨ ਲਈ ਮੁਟਿਆਰਾਂ ਮੈਚਿੰਗ ਗੋਲਡਨ ਜਿਊਲਰੀ ਨੂੰ ਤਰਜੀਹ ਦਿੰਦੀਆਂ ਹਨ। ਗੋਲਡਨ ਨੈੱਕਲੇਸ, ਝੁਮਕੇ ਅਤੇ ਕੰਗਣ ਦੇ ਨਾਲ ਪੂਰਾ ਲੁੱਕ ਬਹੁਤ ਰਾਇਲ ਅਤੇ ਪਰਫੈਕਟ ਲੱਗਦਾ ਹੈ। ਫੁੱਟਵੀਅਰ ’ਚ ਗੋਲਡਨ ਹੀਲਸ ਜਾਂ ਗੋਲਡਨ ਬੈਲੀ ਸੈਂਡਲਸ ਦਾ ਇਸਤੇਮਾਲ ਕਰ ਕੇ ਉਹ ਆਪਣਾ ਲੁੱਕ ਹੋਰ ਵੀ ਆਕਰਸ਼ਕ ਬਣਾ ਲੈਂਦੀਆਂ ਹਨ।
ਹੇਅਰ ਸਟਾਈਲ ਦੀ ਗੱਲ ਕਰੀਏ ਤਾਂ ਓਪਨ ਹੇਅਰ, ਸਾਈਡ ਪਾਰਟਿਡ ਹੇਅਰ, ਵੱਖ-ਵੱਖ ਕਿਸਮਾਂ ਦੇ ਜੂੜੇ, ਲੰਬੀ ਪਰਾਂਦਾ ਗੁੱਤ ਨਾਲ ਗੋਲਡਨ ਹੇਅਰ ਐਕਸੈਸਰੀਜ਼ ਅਤੇ ਫਲਾਵਰ ਕਲਿੱਪਸ ਲਗਾ ਕੇ ਮੁਟਿਆਰਾਂ ਆਪਣਾ ਲੁੱਕ ਹੋਰ ਵੀ ਖੂਬਸੂਰਤ, ਟ੍ਰੈਂਡੀ ਅਤੇ ਟ੍ਰੈਡੀਸ਼ਨਲ ਬਣਾ ਰਹੀਆਂ ਹਨ। ਬਾਲੀਵੁੱਡ ਐਕਟਰੈਸਿਸ ਅਤੇ ਮਾਡਲਸ ਨੂੰ ਵੀ ਹਾਲ ਹੀ ਦੇ ਕਈ ਫੰਕਸ਼ਨਾਂ ’ਚ ਗੋਲਡਨ ਵਰਕ ਵਾਲੇ ਲਹਿੰਗੇ-ਚੋਲੀ ’ਚ ਦੇਖਿਆ ਜਾ ਚੁੱਕਾ ਹੈ, ਜਿਸ ਨਾਲ ਇਸ ਟ੍ਰੈਂਡ ਨੂੰ ਹੋਰ ਹੁਲਾਰਾ ਮਿਲਿਆ ਹੈ। ਗੋਲਡਨ ਵਰਕ ਲਹਿੰਗਾ-ਚੋਲੀ ਨਾ ਸਿਰਫ ਮੁਟਿਆਰਾਂ ਨੂੰ ਆਕਰਸ਼ਕ ਬਣਾਉਂਦਾ ਹੈ ਸਗੋਂ ਉਨ੍ਹਾਂ ਨੂੰ ਇਕ ਕਲਾਸਿਕ ਅਤੇ ਐਲੀਗੈਂਟ ਲੁੱਕ ਵੀ ਦਿੰਦਾ ਹੈ। ਇਹੋ ਕਾਰਨ ਹੈ ਕਿ ਅੱਜਕਲ ਹਰ ਵੱਡੇ ਫੰਕਸ਼ਨ ’ਚ ਗੋਲਡਨ ਵਰਕ ਵਾਲੇ ਲਹਿੰਗੇ-ਚੋਲੀ ਦੀ ਡਿਮਾਂਡ ਸਭ ਤੋਂ ਜ਼ਿਆਦਾ ਹੈ। ਭਾਰਤੀ ਸੱਭਿਆਚਾਰ ਦੀ ਇਸ ਖੂਬਸੂਰਤ ਪ੍ਰੰਪਰਾ ਨੂੰ ਨੌਜਵਾਨ ਪੀੜ੍ਹੀ ਨਵੇਂ ਅੰਦਾਜ਼ ’ਚ ਅੱਗੇ ਵਧਾ ਰਹੀ ਹੈ ਅਤੇ ਗੋਲਡਨ ਵਰਕ ਲਹਿੰਗਾ-ਚੋਲੀ ਇਸੇ ਦੀ ਬਿਹਤਰੀਨ ਉਦਾਹਰਣ ਹੈ।
ਸੰਜੀਵਨੀ ਤੋਂ ਘੱਟ ਨਹੀਂ ਲਸਨ ਦੀ ਇਕ ਛੋਟੀ ਜਿਹੀ ਕਲੀ! ਜਾਣੋਂ ਫਾਇਦੇ ਤੇ ਖਾਣ ਦਾ ਸਹੀ ਤਰੀਕਾ
NEXT STORY 
