ਬਟਾਲਾ (ਸਾਹਿਲ)-ਪਿੰਡ ਬਸੰਤਕੋਟ ਵਿਖੇ ਕਰੰਟ ਲੱਗਣ ਨਾਲ ਵਿਅਕਤੀ ਦੀ ਹੋਈ ਮੌਤ ਦੇ ਮਾਮਲੇ ਵਿਚ ਥਾਣਾ ਕੋਟਲੀ ਸੂਰਤ ਮੱਲ੍ਹੀ ਦੀ ਪੁਲਸ ਨੇ ਜੇ.ਈ ਵਿਰੁੱਧ ਕੇਸ ਦਰਜ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਏ.ਐੱਸ.ਆਈ ਅਮਰੀਕ ਸਿੰਘ ਨੇ ਦੱਸਿਆ ਕਿ ਪੁਲਸ ਨੂੰ ਦਰਜ ਕਰਵਾਏ ਬਿਆਨ ਵਿਚ ਰਣਜੀਤ ਕੌਰ ਪਤਨੀ ਹਰਪ੍ਰੀਤ ਸਿੰਘ ਵਾਸੀ ਪਿੰਡ ਮੰਮਣ ਨੇ ਲਿਖਵਾਇਆ ਹੈ ਕਿ ਉਸਦਾ ਪਤੀ ਹਰਪ੍ਰੀਤ ਸਿੰਘ ਬਿਜਲੀ ਬੋਰਡ ਦਫਤਰ ਕੋਟਲੀ ਸੂਰਤ ਮੱਲੀ ਵਿਖੇ ਪ੍ਰਾਈਵੇਟ ਤੌਰ ’ਤੇ ਉਥੇ ਲੱਗੇ ਜੇ.ਈ ਰਣਜੀਤ ਸਿੰਘ ਨਾਲ ਕੰਮ ਕਰਦਾ ਸੀ।
ਇਹ ਵੀ ਪੜ੍ਹੋ- ਪੰਜਾਬ ਦੇ ਇਤਿਹਾਸਿਕ ਗੁਰਦੁਆਰਾ ਸ੍ਰੀ ਕੰਧ ਸਾਹਿਬ 'ਚ ਵੱਡਾ ਹਾਦਸਾ
ਬੀਤੇ ਕੱਲ੍ਹ ਉਕਤ ਜੇ.ਈ ਨੇ ਫੋਨ ਕਰਕੇ ਆਖਿਆ ਕਿ ਪਿੰਡ ਬਸੰਤਕੋਟ ਵਿਖੇ ਅਜੈਪਾਲ ਸਿੰਘ ਦੀ ਮੋਟਰ ’ਤੇ ਲੱਗਾ ਟਰਾਂਸਫਾਰਮਰ ਖ਼ਰਾਬ ਹੈ ਅਤੇ ਮੈਂ ਪਰਮਿਟ ਲਿਆ ਹੈ ਤੇ ਬਿਜਲੀ ਬੰਦ ਹੈ, ਉਥੇ ਜਾ ਕੇ ਟਰਾਂਸਫਾਰਮਰ ਠੀਕ ਕੀਤਾ ਜਾਵੇ, ਜੋ ਜਸਵਿੰਦਰ ਸਿੰਘ ਵਾਸੀ ਮੰਮਣ ਨੂੰ ਨਾਲ ਲੈ ਕੇ ਜੇ.ਈ. ਰਣਜੀਤ ਸਿੰਘ ਦੀ ਦੱਸੀ ਮੋਟਰ ’ਤੇ ਉਹ ਬਿਜਲੀ ਠੀਕ ਕਰਨ ਲਈ ਗਏ।ਇਸ ਤੋਂ ਬਾਅਦ 1 ਵਜੇ ਜਸਵਿੰਦਰ ਸਿੰਘ ਦਾ ਫੋਨ ਆਇਆ ਕਿ ਹਰਪ੍ਰੀਤ ਸਿੰਘ ਮੇਨ ਲਾਈਨ ਦੇ ਜੈਂਪਰ ਠੀਕ ਕਰਨ ਲਈ ਟਰਾਂਸਫਾਰਮਰ ’ਤੇ ਚੜ੍ਹਿਆ ਸੀ ਤਾਂ ਇਸ ਨੂੰ ਕਰੰਟ ਲੱਗ ਗਿਆ ਹੈ, ਜਿਸ ’ਤੇ ਆਪਣੇ ਪਤੀ ਹਰਪ੍ਰੀਤ ਸਿੰਘ ਦੀ ਤਬੀਅਤ ਜ਼ਿਆਦਾ ਖਰਾਬ ਹੋ ਗਈ ਤੇ ਇਸ ਨੂੰ ਸਿਵਲ ਹਸਪਤਾਲ ਵਿਖੇ ਦਾਖਲ ਕਰਵਾਇਆ, ਜਿਥੇ ਇਸ ਦੀ ਮੌਤ ਹੋ ਗਈ। ਬਿਆਨਕਰਤਾਰ ਰਣਜੀਤ ਕੌਰ ਮੁਤਾਬਕ ਉਸਦੇ ਪਤੀ ਦੀ ਮੌਤ ਜੇ.ਈ ਰਣਜੀਤ ਸਿੰਘ ਦੀ ਕਥਿਤ ਅਣਗਹਿਲੀ ਨਾਲ ਬਿਜਲੀ ਦਾ ਕਰੰਟ ਲੱਗਣ ਕਰਕੇ ਹੋਈ ਹੈ।
ਇਹ ਵੀ ਪੜ੍ਹੋ- ਸਰਪੰਚ ਨੇ ਹੋਟਲ 'ਚ ਕਿਸੇ ਹੋਰ ਨਾਲ ਰੰਗੇ-ਹੱਥੀਂ ਫੜ ਲਈ ਸਰਪੰਚਣੀ, ਤੇ ਫਿਰ...
ਏ.ਐੱਸ.ਆਈ ਨੇ ਅੱਗੇ ਦੱਸਿਆ ਕਿ ਉਕਤ ਮਾਮਲੇ ਸਬੰਧੀ ਕਾਰਵਾਈ ਕਰਦਿਆਂ ਮ੍ਰਿਤਕ ਦੀ ਪਤਨੀ ਦੇ ਬਿਆਨ ’ਤੇ ਜੇ.ਈ ਰਣਜੀਤ ਸਿੰਘ ਵਿਰੁੱਧ ਬਣਦੀਆਂ ਧਾਰਾਵਾਂ ਹੇਠ ਥਾਣਾ ਕੋਟਲੀ ਸੂਰਤ ਮੱਲ੍ਹੀ ਵਿਖੇ ਕੇਸ ਦਰਜ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ- ਪੰਜਾਬ 'ਚ ਵੱਡਾ ਐਨਕਾਊਂਟਰ, ਪੁਲਸ ਤੇ ਬਦਮਾਸ਼ਾਂ ਵਿਚਾਲੇ ਚੱਲੀਆਂ ਤਾੜ-ਤਾੜ ਗੋਲੀਆਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੋਟਰਸਾਈਕਲ ’ਤੇ ਜਾ ਰਹੇ ਵਿਅਕਤੀ ਨਾਲ ਕੀਤੀ ਲੁੱਟ-ਖੋਹ, ਮਾਮਲਾ ਦਰਜ
NEXT STORY 
