ਬਟਾਲਾ (ਸਾਹਿਲ, ਯੋਗੀ)- ਥਾਣਾ ਘਣੀਏ ਕੇ ਬਾਂਗਰ ਦੀ ਪੁਲਸ ਨੂੰ ਕਤਲ ਕੇਸ ਹੱਲ ਕਰਨ ਵਿਚ ਵੱਡੀ ਸਫਲਤਾ ਪ੍ਰਾਪਤ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਇਸ ਸਬੰਧੀ ਪੱਤਕਾਰਾਂ ਨੂੰ ਜਾਣੰਦਿਆਂ ਡੀ.ਐੱਸ.ਪੀ ਫਤਿਹਗੜ੍ਹ ਚੂੜੀਆਂ ਵਿਪਨ ਕੁਮਾਰ ਅਤੇ ਐੱਸ.ਐੱਚ.ਓ ਘਣੀਏ ਕੇ ਬਾਂਗਰ ਲਖਵਿੰਦਰ ਸਿੰਘ ਨੇ ਸਾਂਝੇ ਤੌਰ ’ਤੇ ਦੱਸਿਆ ਕਿ ਬੀਤੀ 2 ਅਕਤੂਬਰ ਨੂੰ ਰਤਨ ਸਿੰਘ ਪੁੱਤਰ ਗੁਰਾ ਸਿੰਘ ਵਾਸੀ ਪਿੰਡ ਸਮਸੇਰਪੁਰ ਨੇ ਥਾਣਾ ਘਣੀਏ ਕੇ ਬਾਂਗਰ ਵਿਚ ਆਪਣੇ ਲੜਕੇ ਗੁਰਵਿੰਦਰ ਸਿੰਘ ਦੇ ਗੁੰਮ ਹੋਣ ਸਬੰਧੀ ਲਿਖਤੀ ਇਤਲਾਹ ਦਿੱਤੀ ਸੀ, ਜਿਸ ਸਬੰਧੀ ਥਾਣੇ ਵਿਚ ਗੁੰਮਸੁਦਗੀ ਦੀ ਰਪਟ ਦਰਜ ਕੀਤੀ ਗਈ ਸੀ , ਜਿਸ ਦੇ ਬਾਅਦ ਬੀਤੀ 19 ਅਕਤੂਬਰ ਨੂੰ ਸ਼ਿਕਾਇਤਕਰਤਾ ਰਤਨ ਸਿੰਘ ਨੇ ਪੁਲਸ ਨੂੰ ਬਿਆਨ ਦਰਜ ਕਰਵਾਇਆ ਕਿ ਉਸਦੇ ਪੁੱਤਰ ਗੁਰਵਿੰਦਰ ਸਿੰਘ ਨੂੰ ਪ੍ਰਭਜੋਤ ਸਿੰਘ ਪੁੱਤਰ ਲੇਟ ਜਗਤਾਰ ਸਿੰਘ ਵਾਸੀ ਬਾਂਗੋਵਾਣੀ ਅਤੇ ਕੁਲਦੀਪ ਸਿੰਘ ਪੁੱਤਰ ਮਨਜੀਤ ਸਿੰਘ ਵਾਸੀ ਧਾਰੜ ਨੇ ਮਾਰਨ ਦੀ ਨੀਅਤ ਨਾਲ ਅਗਵਾ ਕੀਤਾ ਹੈ, ਜਿਸ ’ਤੇ ਪੁਲਸ ਨੇ ਥਾਣਾ ਘਣੀਏ ਕੇ ਬਾਂਗਰ ਵਿਖੇ ਮੁਕੱਦਮਾ ਨੰ. 118 ਮਿਤੀ 19.10.2025 ਜੁਰਮ 127(6) ਤਹਿਤ ਮਾਮਲਾ ਦਰਜ ਕਰ ਦਿੱਤਾ।
ਉਕਤ ਪੁਲਸ ਅਧਿਕਾਰੀਆਂ ਨੇ ਅੱਗੇ ਦੱਸਿਆ ਕਿ ਹਾਲਾਤ ਦੀ ਗੰਭੀਰਤਾ ਨੂੰ ਦੇਖਦਿਆਂ ਵਿਸ਼ੇਸ਼ ਟੀਮਾਂ ਦਾ ਗਠਨ ਕਰਨ ਉਪਰੰਤ ਮਾਮਲੇ ਦੀ ਤਫਤੀਸ਼ ਅਮਲ ਵਿਚ ਲਿਆਂਦੀ, ਜਿਸ ਦੌਰਾਨ ਬੀਤੀ 23 ਅਕਤੂਬਰ ਨੂੰ ਥਾਣਾ ਫਤਿਹਗੜ੍ਹ ਚੂੜੀਆਂ ਅਧੀਨ ਆਉਂਦੇ ਪਿੰਡ ਡਾਲੇਚੱਕ ਵਿਖੇ ਸਥਿਤ ਇਕ ਝੋਨੇ ਦੇ ਖੇਤ ਵਿਚੋਂ ਗਲੀ-ਸੜੀ ਲਾਸ਼ ਮਿਲਣ ’ਤੇ ਬਿਆਨਕਰਤਾ ਵਲੋਂ ਲਾਸ਼ ਦੀ ਸ਼ਨਾਖਤ ਨਾ ਹੋਣ ’ਤੇ ਇਸੇ ਡੀ.ਐੱਨ.ਏ ਦੇ ਨਮੂਨਿਆਂ ਨੂੰ ਮਿਲਾਉਣ ‘ਤੇ ਲਾਸ਼ ਰਤਨ ਸਿੰਘ ਤੇ ਲੜਕੇ ਗੁਰਵਿੰਦਰ ਸਿੰਘ ਦੀ ਪੁਸ਼ਟੀ ਹੋਈ।
ਡੀ.ਅੱੈਸ.ਪੀ ਤੇ ਐੱਸ.ਐੱਚ.ਓ ਨੇ ਅੱਗੇ ਦੱਸਿਆ ਕਿ ਬੀਤੀ 26 ਅਕਤੂਬਰ ਨੂੰ ਬਿਆਨਕਰਤਾ ਰਤਨ ਸਿੰਘ ਨੇ ਪੁਲਸ ਨੂੰ ਦੁਬਾਰਾ ਬਿਆਨ ਦਰਜ ਕਰਵਾਇਆ ਕਿ ਉਸਦੇ ਲੜਕੇ ਗੁਰਵਿੰਦਰ ਸਿੰਘ ਨੂੰ ਮਾਰ ਦੇਣ ਦੀ ਨੀਅਤ ਨਾਲ ਪ੍ਰਭਜੋਤ ਸਿੰਘ ਅਤੇ ਕੁਲਦੀਪ ਸਿੰਘ ਨੇ ਸਤਵੰਤ ਕੌਰ ਪਤਨੀ ਜਗਤਾਰ ਸਿੰਘ ਵਾਸੀ ਬਾਂਗੋਵਾਣੀ ਅਤੇ ਪਲਵਿੰਦਰ ਕੌਰ ਉਰਫ ਨੀਤੂ ਪਤਨੀ ਕੁਲਦੀਪ ਸਿੰਘ ਵਾਸੀ ਧਾਰੜ ਸਮੇਤ 2-3 ਅਣਪਛਾਤੇ ਵਿਅਕਤੀਆਂ ਨੇ ਅਗਵਾ ਕੀਤਾ ਹੈ, ਜਿਸਤੇ ਮੁਕੱਦਮਾ ਵਿਚ ਵਾਧਾ ਜੁਰਮ 140(1), 61(2) ਦਾ ਕੀਤਾ ਗਿਆ।
ਉਕਤ ਆਲਾ ਪੁਲਸ ਅਫਸਰਾਂ ਨੇ ਹੋਰ ਜਾਣਕਾਰੀ ਦਿੰਦਿਆਂ ਅੱਗੇ ਦੱਸਿਆ ਕਿ ਮਾਮਲੇ ਦੀ ਤਫਤੀਸ਼ ਡੂੰਘਾਈ ਨਾਲ ਕਰਨ ’ਤੇ ਇਹ ਗੱਲ ਸਾਹਮਣੇ ਆਈ ਕਿ ਮ੍ਰਿਤਕ ਗੁਰਵਿੰਦਰ ਸਿੰਘ, ਪ੍ਰਭਜੋਤ ਦਾ ਸਾਲਾ ਹੈ ਅਤੇ ਇਸਦੇ ਪ੍ਰਭਜੋਤ ਸਿੰਘ ਦੀ ਭੈਣ ਪਲਵਿੰਦਰ ਕੌਰ ਉਰਫ ਨੀਤੂ, ਜੋ ਕੁਲਦੀਪ ਸਿੰਘ (ਫੌਜ ਵਿਚ ਨੌਕਰੀ ਕਰਦਾ ਹੈ) ਨਾਲ ਵਿਆਹੀ ਹੋਈ ਸੀ, ਦੇ ਮ੍ਰਿਤਕ ਗੁਰਵਿੰਦਰ ਸਿੰਘ ਨਾਲ ਨਾਜਾਇਜ਼ ਸਬੰਧ ਸਨ ਅਤੇ ਮ੍ਰਿਤਕ ਨੇ ਪਲਵਿੰਦਰ ਕੌਰ ਦੀਆਂ ਅਸ਼ਲੀਲ ਫੋਟੋਆਂ ਉਸਦੇ ਪਤੀ ਕੁਲਦੀਪ ਸਿੰਘ ਨੂੰ ਪਾਈਆਂ ਸਨ। ਜੋ ਇਸ ਕਰਕੇ ਕੁਲਦੀਪ ਸਿੰਘ ਨੇ ਸਮੇਤ ਆਪਣੇ ਸਾਲੇ ਪ੍ਰਭਜੋਤ ਸਿੰਘ ਵਾਸੀ ਇਕ ਸਲਾਹ ਹੋ ਕੇ ਮਿਤੀ 16.10.2025 ਨੂੰ ਗੁਰਵਿੰਦਰ ਸਿੰਘ ਨੂੰ ਧੋਖੇ ਨਾਲ ਪਿੰਡ ਦੋਸਤਪੁਰ ਬੁਲਾਇਆ ਅਤੇ ਹੋਰ ਸਾਥੀਆਂ ਨਾਲ ਮਿਲ ਕੇ ਉਸਦੀ ਕੁੱਟਮਾਰ ਕਰ ਕੇ ਆਪਣੇ ਸਾਲੇ ਪ੍ਰਭਜੋਤ ਸਿੰਘ ਅਤੇ ਹੋਰ ਅਣਪਛਾਤੇ ਵਿਅਕਤੀ ਦੀ ਮਦਦ ਨਾਲ ਅਧਮੋਈ ਅਤੇ ਬੇਹੋਸ਼ੀ ਦੀ ਹਾਲਤ ਵਿਚ ਪਿੰਡ ਡਾਲੇਚੱਕ ਵਿਖੇ ਝੋਨੇ ਦੇ ਖੇਤ ਵਿਚ ਸੁੱਟ ਕੇ ਚਲੇ ਗਏ ਅਤੇ ਕੁਲਦੀਪ ਸਿੰਘ ਇਸ ਘਟਨਾ ਨੂੰ ਅੰਜਾਮ ਦੇਣ ਉਪਰੰਤ ਆਪਣੀ ਯੂਨਿਟ ਵਿਚ ਚਲਾ ਗਿਆ।
ਉਕਤ ਪੁਲਸ ਅਧਿਕਾਰੀਆਂ ਨੇ ਅੱਗੇ ਦੱਸਿਆ ਕਿ ਮਕੱਦਮਾ ਵਿਚ ਪਲਵਿੰਦਰ ਕੌਰ ਉਰਫ ਨੀਤੂ, ਕੁਲਦੀਪ ਸਿੰਘ ਫੌਜੀ ਅਤੇ ਪ੍ਰਭਜੋਤ ਸਿੰਘ ਉਕਤਾਨ ਨੂੰ ਗ੍ਰਿਫਤਾਰ ਕਰ ਕੇ ਮੁਕੱਦਮਾ ਵਿਚ ਵਾਧਾ ਜੁਰਮ 103,3(5) ਦਾ ਵਾਧਾ ਕੀਤਾ ਗਿਆ ਹੈ ਅਤੇ ਉਕਤ ਮਾਮਲੇ ਵਿਚ ਮਹਿਲਾ ਮੁਲਜ਼ਮ ਸਤਵੰਤ ਕੌਰ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਜਾਰੀ ਹੈ।
ਸਿਵਲ ਹਸਪਤਾਲ ’ਚ ਲਿਫਟਾਂ ਬੰਦ ਹੋਣ ਕਾਰਨ ਗਰਭਵਤੀ ਔਰਤਾਂ ਤੇ ਬਜ਼ੁਰਗ ਪ੍ਰੇਸ਼ਾਨ
NEXT STORY 
