ਮਾਨਸਾ, (ਜੱਸਲ)- ਜ਼ਿਲਾ ਪੁਲਸ ਵਲੋਂ ਨਸ਼ਿਆਂ ਵਿਰੁੱਧ ਵਿੱਢੀ ਮੁਹਿੰਮ ਤਹਿਤ ਪੁਲਸ ਨੇ ਵੱਖ-ਵੱਖ ਥਾਵਾਂ ਤੋਂ 14 ਵਿਅਕਤੀਆਂ ਨੂੰ ਕਾਬੂ ਕਰ ਕੇ ਉਨ੍ਹਾਂ ਕੋਲੋਂ 1175 ਲੀਟਰ ਲਾਹਣ, 1 ਚਾਲੂ ਭੱਠੀ ਅਤੇ 91 ਬੋਤਲਾਂ ਸ਼ਰਾਬ ਦੀ ਬਰਾਮਦਗੀ ਕੀਤੀ ਹੈ। ਜਦੋਂ ਕਿ 2 ਵਿਅਕਤੀਆਂ ਦੀ ਗ੍ਰਿਫਤਾਰੀ ਅਜੇ ਬਾਕੀ ਹੈ। ਜ਼ਿਲਾ ਪੁਲਸ ਮੁਖੀ ਡਾ. ਨਰਿੰਦਰ ਭਾਰਗਵ ਨੇ ਦੱਸਿਆ ਕਿ ਜੋਗਾ ਪੁਲਸ ਨੇ ਸੁਰਜੀਤ ਸਿੰਘ ਵਾਸੀ ਬੁਰਜ ਝੱਬਰ ਨੂੰ ਗ੍ਰਿਫਤਾਰ ਕਰ ਕੇ 400 ਲੀਟਰ ਲਾਹਣ, ਬਰੇਟਾ ਪੁਲਸ ਪਾਰਟੀ ਵੱਲੋਂ ਰਾਜੂ ਸਿੰਘ ਅਤੇ ਰਾਜ ਸਿੰਘ ਵਾਸੀਆਨ ਕੁਲਰੀਆ ਤੋਂ 1 ਚਾਲੂ ਭੱਠੀ, 65 ਲੀਟਰ ਲਾਹਣ ਅਤੇ 10 ਬੋਤਲਾਂ ਸ਼ਰਾਬ ਨਾਜਾਇਜ਼, ਸਦਰ ਪੁਲਸ ਵੱਲੋਂ ਸੈਂਟੀ ਸਿੰਘ ਵਾਸੀ ਡੇਲੂਆਣਾ 50 ਲੀਟਰ ਲਾਹਣ, ਬੋਹਾ ਪੁਲਸ ਵੱਲੋਂ ਸਰਬਜੀਤ ਸਿੰਘ 50 ਲੀਟਰ ਲਾਹਣ, ਸਿਟੀ ਬੁਢਲਾਡਾ ਪੁਲਸ ਵੱਲੋਂ ਸਤਨਾਮ ਸਿੰਘ ਵਾਸੀ ਬੁਢਲਾਡਾ 40 ਲੀਟਰ ਲਾਹਣ, ਥਾਣਾ ਸਿਟੀ-2 ਮਾਨਸਾ ਦੀ ਪੁਲਸ ਵੱਲੋਂ ਜਸਪਾਲ ਸਿੰਗਲਾ ਵਾਸੀ ਮਾਨਸਾ 12 ਬੋਤਲਾਂ ਸ਼ਰਾਬ ਠੇਕਾ, ਥਾਣਾ ਸਿਟੀ-1 ਮਾਨਸਾ ਪੁਲਸ ਵੱਲੋਂ ਗੁਰਦੀਪ ਕੌਰ ਵਾਸੀ ਜਵਾਹਰਕੇ 9 ਬੋਤਲਾਂ ਸ਼ਰਾਬ ਨਾਜਾਇਜ਼, ਥਾਣਾ ਸਦਰ ਮਾਨਸਾ ਪੁਲਸ ਵੱਲੋਂ ਬਲਵੀਰ ਸਿੰਘ ਵਾਸੀ ਮਾਨਸਾ 9 ਬੋਤਲਾਂ ਸ਼ਰਾਬ ਨਾਜਾਇਜ਼, ਬਲਵਿੰਦਰ ਸਿੰਘ ਵਾਸੀ ਪੇਰੋ 9 ਬੋਤਲਾਂ ਸ਼ਰਾਬ ਨਾਜਾਇਜ਼, ਸੁਖਦੀਪ ਸਿੰਘ ਵਾਸੀ ਚਕੇਰੀਆ 7 ਬੋਤਲਾਂ ਸ਼ਰਾਬ ਨਾਜਾਇਜ਼, ਜੌੜਕੀਆਂ ਪੁਲਸ ਪਾਰਟੀ ਵੱਲੋਂ ਮਹਿੰਦਰ ਸਿੰਘ ਵਾਸੀ ਰਾਏਪੁਰ 9 ਬੋਤਲਾਂ ਸ਼ਰਾਬ ਨਾਜਾਇਜ਼, ਝੁਨੀਰ ਪੁਲਸ ਵੱਲੋਂ ਚਰਨਾ ਸਿੰਘ ਵਾਸੀ ਚੈਨੇਵਾਲਾ 8 ਬੋਤਲਾਂ ਸ਼ਰਾਬ ਨਾਜਾਇਜ਼, ਥਾਣਾ ਸਦਰ ਬੁਢਲਾਡਾ ਪੁਲਸ ਵੱਲੋਂ ਬਲਵੀਰ ਸਿੰਘ ਵਾਸੀ ਬੀਰੋਕੇ ਕਲਾਂ 8 ਬੋਤਲਾਂ ਸ਼ਰਾਬ ਨਾਜਾਇਜ਼ ਬਰਾਮਦ ਕਰ ਕੇ ਸਾਰੇ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਸ ਤੋਂ ਇਲਾਵਾ ਬੋਹਾ ਪੁਲਸ ਨੇ ਵਿਰਸਾ ਸਿੰਘ ਵਾਸੀ ਟਾਹਲੀਆ ਤੋਂ 200 ਲੀਟਰ ਲਾਹਣ, ਸਰਦੂਲਗੜ੍ਹ ਪੁਲਸ ਵੱਲੋਂ ਕੁਲਵੰਤ ਸਿੰਘ ਵਾਸੀ ਲੋਹਗੜ੍ਹ ਤੋਂ 200 ਲੀਟਰ ਲਾਹਣ ,ਫੌਜਾ ਸਿੰਘ ਵਾਸੀ ਲੋਹਗੜ੍ਹ 150 ਲੀਟਰ ਲਾਹਣ, ਗੋਰਾ ਸਿੰਘ ਵਾਸੀ ਚੋਟੀਆਂ 10 ਬੋਤਲਾਂ ਸ਼ਰਾਬ ਨਾਜਾਇਜ਼, ਝੁਨੀਰ ਪੁਲਸ ਪਾਰਟੀ ਵੱਲੋਂ ਆਤਮਾ ਸਿੰਘ ਵਾਸੀ ਲਖਮੀਰਵਾਲਾ 20 ਲੀਟਰ ਲਾਹਣ ਬਰਾਮਦ ਕੀਤੀ ਹੈ। ਪਰ ਉਕਤ 5 ਵਿਅਕਤੀਆਂ ਦੀ ਗ੍ਰਿਫਤਾਰੀ ਅਜੇ ਬਾਕੀ ਹੈ। ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਮੋਹਾਲੀ ਹਵਾਈ ਅੱਡੇ 'ਤੇ ਮੁੜ ਸ਼ੁਰੂ ਹੋਈਆਂ ਉਡਾਨਾਂ
NEXT STORY 
