ਫ਼ਤਹਿਗੜ੍ਹ ਸਹਿਬ,(ਬਿਪਨ): ਭਾਖੜਾ ਨਹਿਰ ਦੀ ਗੰਢਾ ਖੇੜੀ ਪੁਲੀ ਕੋਲ ਅਠਖੇਲੀਆਂ ਕਰਦੇ ਦੇਸ਼ ਭਗਤ ਕਾਲਜ ਦੇ 3 ਵਿਦਿਆਰਥੀ ਨਹਿਰ 'ਚ ਡਿੱਗ ਗਏ, ਜਿਨ੍ਹਾਂ 'ਚੋਂ 1 ਨੌਜਵਾਨ ਤਾਂ ਬੱਚ ਨਿਕਲਿਆ ਪਰ 2 ਨੌਜਵਾਨ ਹਾਲੇ ਤੱਕ ਲਾਪਤਾ ਹਨ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਗੌਤਾਖੋਰਾਂ ਦੀ ਮਦਦ ਨਾਲ ਲਾਪਤਾ ਨੌਜਵਾਨਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਪ੍ਰਾਪਤ ਵੇਰਵਿਆਂ ਅਨੁਸਾਰ ਦੇਸ਼ ਭਗਤ ਕਾਲਜ ਵਿਖੇ ਬੀ. ਏ. ਐਮ. ਐਸ. ਭਾਗ ਤੀਜਾ ਦੇ ਵਿਦਿਆਰਥੀ ਫਰੀਦ ਹਸਨ ਅੰਸਾਰੀ ਪੁੱਤਰ ਰੁਸਤਮ ਅਲੀ ਅੰਸਾਰੀ ਵਾਸੀ ਦੇਹਰਾਦੂਨ (ਉਤਰਾਖੰਡ), ਹਨੀ ਤਿਆਗੀ ਪੁੱਤਰ ਰਾਜਿੰਦਰ ਤਿਆਗੀ ਮੁਜ਼ੱਫਰਨਗਰ (ਯੂ.ਪੀ.) ਅਤੇ ਪ੍ਰਣਵ ਵਾਸੀ ਪਠਾਨਕੋਟ ਤਿਨੋਂ ਗੰਢਾ ਖੇੜੀ ਦੀ ਭਾਖੜਾ ਨਹਿਰ ਕੋਲ ਸੀ, ਇਨ੍ਹਾਂ 'ਚੋਂ ਇਕ ਨੇ ਜਦੋਂ ਹੱਥ ਥੋਣ ਲਈ ਪੌੜੀਆਂ ਹੇਠਾਂ ਉਤਰ ਕੇ ਪਾਣੀ ਨੂੰ ਹੱਥ ਪਾਇਆ ਤਾਂ ਉਹ ਨਹਿਰ 'ਚ ਹੀ ਰੁੜ ਗਿਆ, ਜਿਸ ਨੂੰ ਬਚਾਉਣ ਲਈ ਬਾਕੀ ਦੇ ਦੋਵੇਂ ਨੌਜਵਾਨ ਵੀ ਕ੍ਰਮਵਾਰ ਉਸ ਨੂੰ ਬਚਾਉਣ ਲਈ ਨਹਿਰ 'ਚ ਕੁੱਦ ਗਏ, ਜਿਨ੍ਹਾਂ 'ਚੋਂ ਪ੍ਰਣਵ ਤਾਂ ਬੱਚ ਨਿਕਲਿਆ ਪਰ ਬਾਕੀ ਦੇ ਦੋ ਵਿਦਿਆਰਥੀ ਲਾਪਤਾ ਦੱਸੇ ਜਾ ਰਹੇ ਹਨ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਰਹਿੰਦ ਦੇ ਮੁਖੀ ਇੰਸਪੈਕਟਰ ਰਜਨੀਸ਼ ਸੂਦ ਨੇ ਦੱਸਿਆ ਕਿ ਤਿਨੋਂ ਨੌਜਵਾਨਾਂ 'ਚੋਂ ਇਕ ਨੌਜਵਾਨ ਸਹੀ ਸਲਾਮਤ ਹੈ ਪਰ ਬਾਕੀ ਦੇ 2 ਨੌਜਵਾਨਾਂ ਦੀ ਭਾਲ ਸਰਗਰਮੀਂ ਨਾਲ ਜਾਰੀ ਹੈ।
ਜ਼ਿਲਾ ਚੋਣ ਅਫ਼ਸਰ ਵਲੋਂ ਈ.ਵੀ.ਐੱਮ. ਅਤੇ ਵੀ.ਵੀ.ਪੈਟ ਮਸ਼ੀਨਾਂ ਦੀ ਪਹਿਲੀ ਰੈਂਡੇਮਾਈਜ਼ੇਸ਼ਨ
NEXT STORY 
