ਸੱਤਾਧਾਰੀ ਆਗੂ
ਹੋਰਾਂ ਨੂੰ ਸਮਝਾਉਣ ਤੁਰੇ ਸੀ,
ਆਪਣਿਆਂ ਨੂੰ ਸਮਝਾ ਨਾ ਹੋਇਆ.
ਦੂਜਿਆਂ ਦੇ ਘਰ ਸੰਨ੍ਹ ਲਾਉਣਾ ਸੀ,
ਆਪਣਾ ਘਰ ਬਚਾਅ ਨਾ ਹੋਇਆ .
ਕਹਿੰਦੇ ਸੀ ਪਿੰਡ ਪਿੰਡ ਜਾਵਾਂਗੇ ,
ਹਰ ਇੱਕ ਦੇ ਘਰ ਤੱਕ ਪਹੁੰਚਾਂਗੇ ,
ਆਪਣੇ ਘਰਾਂ 'ਚ ਕੈਦ ਹੋ ਗਏ ,
ਗੇਟ ਤੋਂ ਬਾਹਰੇ ਆ ਨਾ ਹੋਇਆ .
ਅਸੀਂ ਜਦੋਂ ਆਈ 'ਤੇ ਆਏ
ਤੇਰਾ ਹਾਕਮਾਂ ਵੇ ਘਰੋਂ ਬਾਹਰ
ਜਾਣ ਨਹੀਓਂ ਹੋਣਾਂ .
ਐਨਾਂ ਪੀਹਾਂਗੇ ਬਾਰੀਕ
ਤੈਥੋਂ ਛਾਣ ਨਹੀਂਓਂ ਹੋਣਾਂ.
ਤੇਰੇ ਘਰਦਿਆਂ ਤੇ ਦੁਨੀਆਂ ਦੀ
ਗੱਲ ਬੜੀ ਦੂਰ ,
ਤੈਥੋਂ ਸ਼ੀਸ਼ੇ ਵਿੱਚ ਚਿਹਰਾ
ਪਹਿਚਾਣ ਨਹੀਂਓਂ ਹੋਣਾਂ .
ਅਸਲੀ ਆਜ਼ਾਦੀ
ਇੱਕ ਆਜ਼ਾਦੀ ਲਈ ਬਜ਼ੁਰਗਾਂ ,
ਦੂਜੀ ਆਪਾਂ ਨੇ ਲੈਣੀ ਏਂ .
ਰੁਲਦੂ ਦੀ ਗੱਲ ਪੱਲੇ ਬੰਨ੍ਹ ਲੋ ,
ਹੋਰ ਘੂਰ ਨੀਂ ਸਹਿਣੀ ਏਂ .
ਘਰ-ਘਰ ਤੱਕ ਪੁਚਾਉਣਾਂ ਪੈਣਾਂ,
ਲੋਕ-ਰਾਜ ਦੇ ਅਰਥਾਂ ਨੂੰ ,
ਹੱਕਾਂ ਵਾਲ਼ੇ ਹੱਕ ਲੈਣਗੇ ,
ਕੋਈ ਕਮੀ ਨਾ ਰਹਿਣੀਂ ਏਂ .
ਉੱਠੋ ਦੱਬੇ ਕੁਚਲ਼ੇ ਲੋਕੋ
ਮਸਲਾ 'ਕੱਲੀ ਕਿਸਾਨੀ’ ਦਾ ਨੀਂ ,
ਮਸਲੇ ਹੋਰ ਵਥੇਰੇ .
ਸਭ ਨੂੰ ਸ਼ਾਮਲ ਹੋਣਾ ਪਊਗਾ ,
ਪਾਉਣੇਂ ਪੈਣਗੇ ਘੇਰੇ .
'ਕੱਲੇ 'ਕੱਲੇ ਕਲ-ਪੁਰਜੇ ਦੀ ,
ਪਊ ਸਫ਼ਾਈ ਕਰਨੀ ,
ਕਾਲ਼ੀ ਰਾਤ ਦਾ ਫਸਤਾ ਵੱਢ ਕੇ,
ਲਿਆਉਣੇ ਸੁਰਖ਼ ਸਵੇਰੇ।
ਮੂਲ ਚੰਦ ਸ਼ਰਮਾ ਪ੍ਰਧਾਨ
ਸਾਹਿਤ ਸਭਾ ਧੂਰੀ (ਸੰਗਰੂਰ)
ਸੰਪਰਕ-9478408898
ਜਗਬਾਣੀ ਸੈਰ-ਸਪਾਟਾ ਵਿਸ਼ੇਸ਼-10 : ਸਾਡੇ ਨਾਲ ਮਾਣੋ ਅਜੰਤਾ ਇਲੋਰਾ ਦੀਆਂ ਗੁਫ਼ਾਵਾਂ ਦੇ ਨਜ਼ਾਰੇ (ਤਸਵੀਰਾਂ)
NEXT STORY