ਐਂਟਰਟੇਨਮੈਂਟ ਡੈਸਕ (ਬਿਊਰੋ) : ਸੋਸ਼ਲ ਮੀਡੀਆ 'ਤੇ ਇਕ ਪ੍ਰਸਿੱਧ ਸੂਫ਼ੀ ਗਾਇਕ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਪ੍ਰਸ਼ੰਸਕਾਂ ਵਿਚਾਲੇ ਹਲਚਲ ਮਚਾ ਦਿੱਤੀ ਹੈ। ਦਰਅਸਲ, ਸੂਫ਼ੀ ਗਾਇਕ ਸਮਰਜੀਤ ਸਿੰਘ ਰੰਧਾਵਾ ਨਾਲ ਇੱਕ ਅਜਿਹੀ ਘਟਨਾ ਵਾਪਰੀ, ਜਿਸ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ। ਰੰਧਾਵਾ ਦੀ ਕਾਰ 'ਚ ਗੁਨਾ ਜ਼ਿਲ੍ਹੇ ਦੇ ਇੱਕ ਪੈਟਰੋਲ ਪੰਪ 'ਤੇ ਪਾਣੀ ਨਾਲ ਭਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਰੰਧਾਵਾ ਦੀ ਕਾਰ ਖ਼ਰਾਬ ਹੋ ਗਈ, ਉਨ੍ਹਾਂ ਨੂੰ ਅੱਧੀ ਰਾਤ ਨੂੰ ਸੁੰਨਸਾਨ ਇਲਾਕੇ 'ਚ ਪੁਲਸ ਦੀ ਮਦਦ ਲੈਣੀ ਪਈ ਅਤੇ ਕਰੀਬ 24 ਘੰਟਿਆਂ ਤੱਕ ਗੁਨਾ ਜ਼ਿਲ੍ਹੇ 'ਚ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।
ਇਹ ਖ਼ਬਰ ਵੀ ਪੜ੍ਹੋ - ਅਮਿਤਾਭ ਬੱਚਨ ਤੋਂ ਹੋ ਗਈ ਇਹ ਵੱਡੀ ਗ਼ਲਤੀ, ਹੱਥ ਜੋੜ ਮੰਗੀ ਸਾਰਿਆਂ ਤੋਂ ਮੁਆਫ਼ੀ
ਪੈਟਰੋਲ ਦੀ ਬਜਾਏ ਕਾਰ 'ਚ ਭਰਿਆ ਪਾਣੀ
ਦੱਸ ਦੇਈਏ ਕਿ ਕਾਨਪੁਰ ਦੇ ਰਹਿਣ ਵਾਲੇ ਸਮਰਜੀਤ ਸਿੰਘ ਰੰਧਾਵਾ ਇਨ੍ਹੀਂ ਦਿਨੀਂ ਮੁੰਬਈ 'ਚ ਰਹਿ ਰਹੀ ਹੈ। ਉਹ 27 ਜੁਲਾਈ ਨੂੰ ਕਾਰ ਰਾਹੀਂ ਮੁੰਬਈ ਤੋਂ ਕਾਨਪੁਰ ਜਾ ਰਹੀ ਸੀ। ਰਾਤ ਕਰੀਬ 11.30 ਵਜੇ ਉਸ ਨੇ ਗੁਨਾ ਜ਼ਿਲ੍ਹੇ ਦੇ ਚੰਚੌੜਾ ਇਲਾਕੇ 'ਚ ਸਥਿਤ ਰਾਧੇਸ਼ਿਆਮ ਫਿਲਿੰਗ ਸਟੇਸ਼ਨ ਤੋਂ ਪੈਟਰੋਲ ਭਰਵਾਇਆ। ਕੁਝ ਸਮੇਂ ਬਾਅਦ ਕਾਰ ਨੈਸ਼ਨਲ ਹਾਈਵੇਅ ਨੰਬਰ 46 'ਤੇ ਰੁਕ ਗਈ ਅਤੇ ਡਰਾਈਵਰ ਨੇ ਕਾਰ ਬਣਾਉਣ ਵਾਲੀ ਕੰਪਨੀ ਨਾਲ ਸੰਪਰਕ ਕੀਤਾ। ਜਦੋਂ ਕੰਪਨੀ ਦੇ ਪ੍ਰਤੀਨਿਧੀ ਨੇ ਕਾਰ ਦੀ ਆਨਲਾਈਨ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਕਾਰ 'ਚ ਪੈਟਰੋਲ ਦੀ ਬਜਾਏ ਪਾਣੀ ਭਰਿਆ ਹੋਇਆ ਸੀ।
ਪੰਪ ਵਾਲਿਆਂ ਨੇ ਦਿੱਤੀ ਅਜਿਹੀ ਦਲੀਲ
ਇਸ ਤੋਂ ਬਾਅਦ ਗਾਇਕਾ ਸਮਰਜੀਤ ਸਿੰਘ ਰੰਧਾਵਾ ਨੇ ਤੁਰੰਤ 100 ਨੰਬਰ 'ਤੇ ਕਾਲ ਕੀਤੀ। ਪੁਲਸ ਨੇ ਰੰਧਾਵਾ ਅਤੇ ਉਸ ਦੇ ਡਰਾਈਵਰ ਸਮੇਤ ਪੈਟਰੋਲ ਪੰਪ ’ਤੇ ਪਹੁੰਚ ਕੇ ਜਾਂਚ ਕੀਤੀ ਤਾਂ ਦੇਖਿਆ ਕਿ ਗੱਡੀ 'ਚ ਪੈਟਰੋਲ ਦੀ ਥਾਂ ਪਾਣੀ ਭਰਿਆ ਹੋਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਓਪਰੇਟਰ ਸੰਤੋਸ਼ ਮੀਨਾ ਪੰਪ 'ਤੇ ਪਹੁੰਚਿਆ, ਜਿਸ ਨੇ ਮੁਆਫੀ ਮੰਗੀ ਅਤੇ ਦਲੀਲ ਦਿੱਤੀ ਕਿ ਸ਼ਾਇਦ ਮੀਂਹ ਕਾਰਨ ਪਾਣੀ ਟੈਂਕੀ 'ਚ ਆ ਗਿਆ ਹੈ ਅਤੇ ਗੱਡੀ 'ਚ ਚਲਾ ਗਿਆ।
ਇਹ ਖ਼ਬਰ ਵੀ ਪੜ੍ਹੋ - ਅਦਾਕਾਰਾ ਕੰਗਨਾ ਰਣੌਤ ਨੇ ਛੇੜਿਆ ਨਵਾਂ ਮੁੱਦਾ, ਜਿਸ ਨੇ ਹਰ ਪਾਸੇ ਮਚਾਈ ਤੜਥੱਲੀ
ਦਰਜ ਕਰਵਾਈ FIR
ਦੱਸਿਆ ਜਾ ਰਿਹਾ ਹੈ ਕਿ ਉਹ ਪੁਲਸ ਦੀ ਮਦਦ ਨਾਲ ਰਾਤ ਨੂੰ ਗੁੰਨਾ ਆ ਗਏ ਅਤੇ ਅਗਲੇ ਦਿਨ ਐਤਵਾਰ ਸ਼ਾਮ 4 ਵਜੇ ਫਿਰ ਉਹ ਚੰਚੌਦਾ ਸਥਿਤ ਪੈਟਰੋਲ ਪੰਪ 'ਤੇ ਪਹੁੰਚ ਗਏ, ਜਿੱਥੇ ਮੈਨੇਜਰ ਅਤੇ ਆਪ੍ਰੇਟਰ ਨੇ ਨੁਕਸ ਠੀਕ ਕਰਨ ਲਈ ਖਰਚੀ ਗਈ ਰਕਮ ਵਾਪਸ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਫਿਰ ਸਮਰਜੀਤ ਰੰਧਾਵਾ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਚਚੌਦਾ 'ਚ ਕੀਤੀ ਹੈ ਅਤੇ FIR ਦਰਜ ਕਰਨ ਦੀ ਮੰਗ ਕੀਤੀ ਹੈ। ਹਾਲਾਂਕਿ ਅਜੇ ਤੱਕ ਪੈਟਰੋਲ ਪੰਪ ਦੇ ਸੰਚਾਲਕ ਅਤੇ ਉਸ ਦੇ ਪੰਪ ਖ਼ਿਲਾਫ਼ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਹਿਜ਼ਬੁਲ ਮੁਜਾਹੀਦੀਨ ਅੱਤਵਾਦੀ ਪਿਸਤੌਲ ਅਤੇ ਗੋਲਾ-ਬਾਰੂਦ ਨਾਲ ਗ੍ਰਿਫ਼ਤਾਰ
NEXT STORY 
