ਨੈਸ਼ਨਲ ਡੈਸਕ : ਦੀਵਾਲੀ ਦੀਆਂ ਖੁਸ਼ੀਆਂ ਦੌਰਾਨ ਭੋਪਾਲ 'ਚ ਇੱਕ ਸਸਤੀ ਪਰ ਘਾਤਕ 'ਖੇਡਣ ਵਾਲੀ ਚੀਜ਼' ਨੇ ਕਈ ਪਰਿਵਾਰਾਂ ਦੀਆਂ ਰਾਤਾਂ ਦੀ ਨੀਂਦ ਖੋਹ ਲਈ ਹੈ। ਸਿਰਫ਼ 150 ਤੋਂ 200 ਰੁਪਏ ਦੀ ਕੀਮਤ ਵਾਲੀ ਕੈਲਸ਼ੀਅਮ ਕਾਰਬਾਈਡ ਗਨ (Calcium Carbide Gun) ਨੇ ਇਸ ਵਾਰ ਬੱਚਿਆਂ ਅਤੇ ਨੌਜਵਾਨਾਂ ਦੀਆਂ ਅੱਖਾਂ ਦੀ ਰੋਸ਼ਨੀ ਨੂੰ ਖ਼ਤਰੇ 'ਚ ਪਾ ਦਿੱਤਾ ਹੈ। ਹਸਪਤਾਲਾਂ ਦੇ ਅੰਕੜਿਆਂ ਅਨੁਸਾਰ ਇਸ ਵਿਸਫੋਟਕ ਜੁਗਾੜ ਦੀ ਲਪੇਟ ਵਿੱਚ ਹੁਣ ਤੱਕ 125 ਤੋਂ ਵੱਧ ਲੋਕ ਆ ਚੁੱਕੇ ਹਨ। ਪ੍ਰਭਾਵਿਤ ਹੋਣ ਵਾਲਿਆਂ ਵਿੱਚੋਂ ਜ਼ਿਆਦਾਤਰ ਮਰੀਜ਼ 8 ਤੋਂ 14 ਸਾਲ ਦੀ ਉਮਰ ਦੇ ਬੱਚੇ ਹਨ, ਹਾਲਾਂਕਿ 7 ਸਾਲ ਤੋਂ ਲੈ ਕੇ 35 ਸਾਲ ਤੱਕ ਦੇ ਬਾਲਗ ਵੀ ਇਸ ਦੀ ਮਾਰ ਹੇਠ ਆਏ ਹਨ।
ਇਹ ਵੀ ਪੜ੍ਹੋ...ਵੱਡੀ ਖ਼ਬਰ : ਚੋਣਾਂ ਨੂੰ ਲੈ ਕੇ ਕਾਂਗਰਸ ਨੇ ਖੋਲ੍ਹੇ ਪੱਤੇ, CM ਚਿਹਰੇ ਦਾ ਕੀਤਾ ਐਲਾਨ
ਕੀ ਹੈ ਇਹ ਦੇਸੀ ਬੰਦੂਕ?
ਇਹ ਘਰੇਲੂ ਬੰਦੂਕ ਇੱਕ ਸਧਾਰਨ ਤਰੀਕੇ ਨਾਲ ਬਣਾਈ ਜਾਂਦੀ ਹੈ, ਜਿਸ ਵਿੱਚ ਗੈਸ ਲਾਈਟਰ, ਪਲਾਸਟਿਕ ਪਾਈਪ, ਅਤੇ ਆਸਾਨੀ ਨਾਲ ਉਪਲਬਧ ਕੈਲਸ਼ੀਅਮ ਕਾਰਬਾਈਡ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜਦੋਂ ਪਾਈਪ ਵਿੱਚ ਭਰਿਆ ਕੈਲਸ਼ੀਅਮ ਕਾਰਬਾਈਡ ਪਾਣੀ ਨਾਲ ਮਿਲਦਾ ਹੈ, ਤਾਂ ਐਸੀਟਿਲੀਨ ਗੈਸ ਪੈਦਾ ਹੁੰਦੀ ਹੈ। ਇੱਕ ਛੋਟੀ ਜਿਹੀ ਚੰਗਿਆੜੀ ਮਿਲਣ 'ਤੇ ਤੇਜ਼ ਧਮਾਕਾ ਹੁੰਦਾ ਹੈ।
ਧਮਾਕੇ ਦੌਰਾਨ ਪਾਈਪ ਟੁੱਟਣ 'ਤੇ ਨਿਕਲਣ ਵਾਲੇ ਪਲਾਸਟਿਕ ਦੇ ਛੋਟੇ-ਛੋਟੇ ਟੁਕੜੇ (ਜਿਵੇਂ ਕਿ ਛੱਰ੍ਹੇ) ਸਿੱਧੇ ਅੱਖਾਂ ਸਮੇਤ ਸਰੀਰ ਵਿੱਚ ਦਾਖਲ ਹੋ ਕੇ ਗੰਭੀਰ ਸੱਟਾਂ ਮਾਰਦੇ ਹਨ। ਅਕਸਰ ਬੱਚੇ ਇਸ ਨੂੰ ਚਲਾਉਣ ਦੀ ਜਗਿਆਸਾ ਵਿੱਚ ਇਸ ਦੇ ਅੰਦਰ ਝਾਕਦੇ ਹਨ ਅਤੇ ਉਸੇ ਸਮੇਂ ਧਮਾਕਾ ਹੋ ਜਾਂਦਾ ਹੈ, ਜਿਸ ਨਾਲ ਚਿਹਰੇ, ਅੱਖਾਂ ਅਤੇ ਕੌਰਨੀਆ ਨੂੰ ਵੱਡਾ ਨੁਕਸਾਨ ਪਹੁੰਚਦਾ ਹੈ।
ਇਹ ਵੀ ਪੜ੍ਹੋ..."ਹਰ ਹਰ ਮਹਾਦੇਵ"... ਕੇਦਾਰਨਾਥ ਮੰਦਰ ਦੇ ਕਿਵਾੜ ਛੇ ਮਹੀਨਿਆਂ ਲਈ ਬੰਦ
ਜ਼ਖ਼ਮ ਅਤੇ ਕੈਮੀਕਲ ਬਰਨ
ਭੋਪਾਲ ਦੇ ਹਸਪਤਾਲਾਂ ਦੀ ਰਿਪੋਰਟ ਦੱਸਦੀ ਹੈ ਕਿ ਸੈਂਕੜੇ ਮਾਮਲਿਆਂ ਵਿੱਚੋਂ 20 ਤੋਂ 30 ਪ੍ਰਤੀਸ਼ਤ ਵਿੱਚ ਗੰਭੀਰ ਨੁਕਸਾਨ ਦੇਖਿਆ ਗਿਆ ਹੈ। ਗੰਭੀਰ ਜ਼ਖ਼ਮੀਆਂ ਨੂੰ ਤੁਰੰਤ ਆਪ੍ਰੇਸ਼ਨ ਦੀ ਲੋੜ ਪਈ, ਅਤੇ ਕੁਝ ਮਾਮਲਿਆਂ ਵਿੱਚ ਤਾਂ ਕਾਰਨੀਆ ਟ੍ਰਾਂਸਪਲਾਂਟ (Cornea Transplant) ਤੱਕ ਕਰਨਾ ਪਿਆ ਹੈ।
ਨੇਤਰ ਰੋਗ ਮਾਹਿਰ ਡਾ. ਅਦਿਤੀ ਦੂਬੇ ਅਨੁਸਾਰ, ਇਸ ਦੀਵਾਲੀ 'ਤੇ ਕਾਰਬਾਈਡ ਬੰਬਾਂ ਕਾਰਨ ਇੱਕ ਵਿਸ਼ੇਸ਼ ਕਿਸਮ ਦੀ ਸੱਟ ਦੇਖੀ ਗਈ, ਜਿਸ ਵਿੱਚ ਕੈਮੀਕਲ ਦੀ ਵਰਤੋਂ ਕਾਰਨ ਅੱਖਾਂ ਵਿੱਚ 'ਕੈਮੀਕਲ ਬਰਨ' ਹੋਇਆ ਹੈ। ਡਾਕਟਰ ਦਾ ਸਪੱਸ਼ਟ ਬਿਆਨ ਹੈ ਕਿ ਸਿਰਫ਼ ਬਾਹਰੀ ਸੱਟਾਂ ਹੀ ਨਹੀਂ, ਬਲਕਿ ਕੈਮੀਕਲ ਬਰਨ ਕਾਰਨ ਅੱਖ ਦੀ ਅੰਦਰੂਨੀ ਬਣਤਰ ਵੀ ਪ੍ਰਭਾਵਿਤ ਹੋਈ ਹੈ, ਜੋ ਅੱਖਾਂ ਦੀ ਰੋਸ਼ਨੀ ਨੂੰ ਹਮੇਸ਼ਾ ਲਈ ਖਤਮ ਕਰਨ ਦਾ ਕਾਰਨ ਬਣ ਸਕਦੀ ਹੈ। ਭਵਿੱਖ ਵਿੱਚ ਆਪ੍ਰੇਸ਼ਨਾਂ ਦੇ ਨਤੀਜਿਆਂ ਤੋਂ ਹੀ ਪਤਾ ਚੱਲੇਗਾ ਕਿ ਮਰੀਜ਼ਾਂ ਨੂੰ ਕਿੰਨਾ ਲਾਭ ਹੋਵੇਗਾ।
ਇਹ ਵੀ ਪੜ੍ਹੋ...ਰੇਲਵੇ ਟਰੈਕ 'ਤੇ ਹੋ ਗਿਆ ਜ਼ਬਰਦਸਤ ਧਮਾਕਾ ! ਕਈ ਰੇਲ ਗੱਡੀਆਂ ਰੱਦ... IED ਧਮਾਕੇ ਦਾ ਸ਼ੱਕ
ਜਾਗਰੂਕਤਾ ਮੁਹਿੰਮ ਦੀ ਲੋੜ
ਮਾਪਿਆਂ ਵਿੱਚ ਡੂੰਘੀ ਚਿੰਤਾ ਹੈ, ਜਿਨ੍ਹਾਂ ਦਾ ਕਹਿਣਾ ਹੈ ਕਿ ਸਸਤੀ ਕੀਮਤ ਅਤੇ ਆਸਾਨੀ ਨਾਲ ਉਪਲਬਧ ਸਮੱਗਰੀ ਨੇ ਇਸ ਘਾਤਕ ਜੁਗਾੜ ਨੂੰ ਬੜ੍ਹਾਵਾ ਦਿੱਤਾ ਹੈ। ਮਾਹਿਰਾਂ ਦਾ ਸੁਝਾਅ ਹੈ ਕਿ ਸਰਕਾਰ ਨੂੰ ਕੈਲਸ਼ੀਅਮ ਕਾਰਬਾਈਡ ਅਤੇ ਅਜਿਹੇ ਹਿੱਸਿਆਂ ਦੀ ਮਾਰਕੀਟ ਵਿੱਚ ਉਪਲਬਧਤਾ 'ਤੇ ਨਿਯੰਤਰਣ ਕਰਨਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ, ਲੋਕਾਂ ਵਿੱਚ ਜਾਗਰੂਕਤਾ ਮੁਹਿੰਮ ਚਲਾਉਣਾ, ਸਕੂਲਾਂ ਵਿੱਚ ਬੱਚਿਆਂ ਨੂੰ ਇਸਦੇ ਜੋਖਮਾਂ ਬਾਰੇ ਸਿੱਖਿਅਤ ਕਰਨਾ, ਅਤੇ ਤਿਉਹਾਰਾਂ ਦੇ ਸਮੇਂ ਪ੍ਰਸ਼ਾਸਨ ਦੁਆਰਾ ਵਿਕਰੀ 'ਤੇ ਰੋਕ ਲਗਾਉਣਾ ਅਤੇ ਹੋਲਸੇਲ ਸਪਲਾਇਰਾਂ ਖਿਲਾਫ਼ ਸਖ਼ਤ ਕਾਰਵਾਈ ਕਰਨਾ ਜ਼ਰੂਰੀ ਹੈ।
13,000 ਕਰੋੜ ਦੀ ਧੋਖਾਦੇਹੀ ਮਾਮਲੇ 'ਚ ਮੇਹੁਲ ਚੌਕਸੀ ਨੂੰ ਕਰਾਰਾ ਝਟਕਾ ! ਭਾਰਤ ਵਾਪਸੀ ਦਾ ਰਾਹ ਹੋਇਆ ਪੱਧਰਾ
NEXT STORY 
