ਮੰਡੀ/ਪੰਡੋਹ (ਵਿਸ਼ਾਲ): ਮੰਡੀ ਜ਼ਿਲ੍ਹੇ 'ਚ ਸ਼ੁੱਕਰਵਾਰ ਨੂੰ ਇੱਕ ਦਰਦਨਾਕ ਸੜਕ ਹਾਦਸਾ ਵਾਪਰਿਆ। ਇਸ ਹਾਦਸੇ 'ਚ 5 ਲੋਕਾਂ ਦੀ ਮੌਤ ਹੋਣ ਦੀ ਖ਼ਬਰ ਹੈ। ਹਾਦਸੇ 'ਚ ਜਾਨ ਗਵਾਉਣ ਵਾਲਿਆਂ 'ਚ ਇੱਕ 8 ਮਹੀਨੇ ਦੀ ਬੱਚੀ ਵੀ ਸ਼ਾਮਲ ਹੈ। ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਪੰਡੋਹ ਡੈਮ ਦੇ ਨੇੜੇ ਬਖਲੀ ਰੋਡ 'ਤੇ ਵਾਪਰਿਆ। ਇੱਥੇ ਕਾਰ ਸੜਕ ਤੋਂ ਡਿੱਗ ਕੇ ਪੁਰਾਣੀ ਸੜਕ 'ਤੇ ਡਿੱਗ ਗਈ। ਇਸ ਕਾਰਨ ਕਾਰ 'ਚ ਸਵਾਰ ਸਾਰੇ ਪੰਜ ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਹਾਦਸੇ 'ਚ ਮਾਰੇ ਗਏ ਲੋਕਾਂ ਦੀ ਪਛਾਣ ਦੁਨੀਚੰਦ (35) ਪੁੱਤਰ ਰਮੇਸ਼ ਚੰਦ ਵਾਸੀ ਪਿੰਡ ਤਰੌਰ ਅਤੇ ਤਹਿਸੀਲ ਚਾਚਿਓਟ, ਕਾਂਤਾ ਦੇਵੀ (30) ਪਤਨੀ ਦੁਨੀਚੰਦ ਵਾਸੀ ਪਿੰਡ ਤਰੌਰ, ਉਨ੍ਹਾਂ ਦੀ ਧੀ ਕਾਜਲ (8 ਮਹੀਨੇ), ਦਹਲੂ ਰਾਮ ਪੁੱਤਰ ਥਲੀਆ ਰਾਮ ਵਾਸੀ ਪਿੰਡ ਨੌਨ ਤੇ ਤਹਿਸੀਲ ਚਾਚਿਓਟ ਅਤੇ ਮੀਨਾ ਕੁਮਾਰੀ ਵਾਸੀ ਲਾਹੌਲ ਵਜੋਂ ਹੋਈ ਹੈ।
ਮੁੱਢਲੀ ਜਾਣਕਾਰੀ ਅਨੁਸਾਰ ਇਹ ਦੁਨੀਚੰਦ ਦੇ ਛੋਟੇ ਭਰਾ ਦਾ ਵਿਆਹ ਸੀ ਤੇ ਉਹ ਆਪਣੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨਾਲ ਕਾਰ 'ਚ ਵਿਆਹ ਦੀ ਬਰਾਤ ਤੋਂ ਵਾਪਸ ਆ ਰਿਹਾ ਸੀ। ਇਸ ਦੌਰਾਨ ਬਖਲੀ ਰੋਡ 'ਤੇ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਚੌਕੀ ਪੰਡੋਹ ਦੀ ਇੱਕ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਲੋਕਾਂ ਦੀ ਮਦਦ ਨਾਲ ਲਾਸ਼ਾਂ ਨੂੰ ਖੱਡ ਵਿੱਚੋਂ ਕੱਢ ਕੇ ਹਿਰਾਸਤ 'ਚ ਲੈ ਲਿਆ। ਪੁਲਿਸ ਨੇ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਐੱਸਪੀ ਮੰਡੀ ਸਾਕਸ਼ੀ ਵਰਮਾ ਨੇ ਹਾਦਸੇ ਦੀ ਪੁਸ਼ਟੀ ਕੀਤੀ ਹੈ।
ਹਰਿਆਣਾ ਦੇ ਇਸ ਜ਼ਿਲ੍ਹੇ ਤੋਂ ਸ਼ੁਰੂ ਹੋਈ ਅੰਮ੍ਰਿਤਸਰ ਸਾਹਿਬ ਲਈ ਬੱਸ ਸੇਵਾ, ਜਾਣੋ ਕਿਰਾਇਆ ਤੇ ਸਮਾਂ ਕਿੰਨਾ ਹੋਵੇਗਾ
NEXT STORY 
