ਨਵੀਂ ਦਿੱਲੀ- ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਸਰਕਾਰ 2029 ਦੀਆਂ ਚੋਣਾਂ ਨੂੰ ਲੋਕ ਸਭਾ ਦੀ ਇਕ-ਤਿਹਾਈ ਸੀਟਾਂ 'ਤੇ ਮਹਿਲਾ ਰਾਖਵਾਂਕਰਨ ਨਾਲ ਕਰਵਾਉਣ ਦੀ ਇਛੁੱਕ ਹੈ ਪਰ ਕਾਂਗਰਸ ਹੱਦਬੰਦੀ ਕਮਿਸ਼ਨ 'ਤੇ ਚਰਚਾ ਸਿਰਫ਼ ਮਈ 'ਚ ਕਰਨਾ ਚਾਹੁੰਦੀ ਹੈ। ਇਕ ਅਖ਼ਬਾਰ 'ਚ ਦਿੱਤੇ ਗਏ ਇੰਟਰਵਿਊ 'ਚ ਸ਼ਾਹ ਨੇ ਕਿਹਾ ਕਿ ਸਰਕਾਰ ਲਗਭਗ ਹਰ ਦਿਨ ਵਿਰੋਧੀ ਧਿਰ ਨਾਲ ਹੱਦਬੰਦੀ ਕਮਿਸ਼ਨ ਦੇ ਗਠਨ 'ਤੇ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਕੁਝ ਵਿਰੋਧੀ ਦਲਾਂ ਅਤੇ ਰਾਸ਼ਟਰੀ ਜਨਤਾਂਤਰਿਕ ਗਠਜੋੜ (ਰਾਜਗ) ਦੇ ਸਹਿਯੋਗੀਆਂ ਨੇ ਇਸ 'ਤੇ ਚਰਚਾ ਲਈ ਸਹਿਮਤੀ ਵੀ ਦੇ ਦਿੱਤੀ ਹੈ।
ਉਨ੍ਹਾਂ ਕਿਹਾ,''ਕੁਝ ਵਿਰੋਧੀ ਦਲ ਇਸ ਲਈ ਤਿਆਰ ਹਨ ਪਰ ਕਾਂਗਰਸ ਮਈ 'ਚ ਚਰਚਾ ਦੀ ਗੱਲ ਕਰ ਰਹੀ ਹੈ। ਇਸ ਦਾ ਕਾਰਨ ਸਮਝ ਨਹੀਂ ਆਉਂਦਾ। ਅਸੀਂ ਉਨ੍ਹਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਹੱਦਬੰਦੀ ਇਕ ਵੱਡੀ ਪ੍ਰਕਿਰਿਆ ਹੈ, ਜਿਸ 'ਚ ਸੂਬਿਆਂ ਨਾਲ ਗੱਲਬਾਤ ਅਤੇ ਹਰ ਸੰਸਦੀ ਖੇਤਰ 'ਚ ਸੁਣਵਾਈ ਕਰਨੀ ਹੁੰਦੀ ਹੈ।'' ਸ਼ਾਹ ਨੇ ਕਿਹਾ,''ਜੇਕਰ ਹੱਦਬੰਦੀ ਪੂਰਾ ਨਹੀਂ ਹੁੰਦਾ ਹੈ ਤਾਂ ਅਸੀਂ ਔਰਤਾਂ ਲਈ ਰਾਖਵਾਂਕਰਨ ਯਕੀਨੀ ਨਹੀਂ ਕਰ ਸਕਦੇ। ਵਿਰੋਧੀ ਧਿਰ ਕੀ ਸੋਚ ਰਿਹਾ ਹੈ, ਇਹ ਮੈਨੂੰ ਨਹੀਂ ਪਤਾ ਪਰ ਅਸੀਂ ਚਾਹੁੰਦੇ ਹਾਂ ਕਿ 2029 ਦੀਆਂ ਚੋਣਾਂ ਮਹਿਲਾ ਰਾਖਵਾਂਕਰਨ ਨਾਲ ਹੀ ਹੋਣ।'' ਉਨ੍ਹਾਂ ਨੇ ਰਾਜ ਸਭਾ 'ਚ ਕਾਂਗਰਸ ਨੇਤਾ ਮਲਿਕਾਰਜੁਨ ਖੜਗੇ ਅਤੇ ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੂੰ ਅਪੀਲ ਕੀਤੀ ਕਿ ਉਹ ਇਸ ਬਿੱਲ 'ਤੇ ਚਰਚਾ ਕਰ ਕੇ ਇਸ ਨੂੰ ਪਾਸ ਕਰਵਾਉਣ 'ਚ ਸਹਿਯੋਗ ਕਰਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਜੰਮੂ ਕਸ਼ਮੀਰ ਬੱਸ ਸਟੈਂਡ 'ਤੇ ਹੰਗਾਮਾ, 4 ਕਸ਼ਮੀਰੀ ਨੌਜਵਾਨ ਹੈਰੋਇਨ ਸਣੇ ਗ੍ਰਿਫ਼ਤਾਰ
NEXT STORY 
