ਨਵੀਂ ਦਿੱਲੀ- ਭਾਰਤੀ ਜਨਤਾ ਪਾਰਟੀ ਦੇ ਸੰਸਦ ਮੈਂਬਰ ਅਨੁਰਾਗ ਠਾਕੁਰ ਨੇ ਬੁੱਧਵਾਰ ਨੂੰ ਨਵੀਂ ਦਿੱਲੀ ਸਥਿਤ ਭਾਜਪਾ ਕੇਂਦਰੀ ਦਫ਼ਤਰ ਵਿਖੇ ਇਕ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਰਾਹੁਲ ਗਾਂਧੀ ਤੇ ਕਾਂਗਰਸ ’ਤੇ 90 ਚੋਣਾਂ ’ਚ ਹਾਰ ਤੋਂ ਬਾਅਦ ਵਾਰ-ਵਾਰ ਈ.ਵੀ.ਐੱਮ., ਚੋਣ ਕਮਿਸ਼ਨ ਅਤੇ ਸੰਵਿਧਾਨਕ ਸੰਸਥਾਵਾਂ ’ਤੇ ਝੂਠੇ ਦੋਸ਼ ਲਗਾਉਣ ਲਈ ਸਖ਼ਤ ਆਲੋਚਨਾ ਕੀਤੀ।
ਅਨੁਰਾਗ ਠਾਕੁਰ ਨੇ ਇਤਿਹਾਸਕ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ 1952 ਤੋਂ ਕਾਂਗਰਸ ਨੇ ਚੋਣ ਧਾਂਦਲੀ ਅਤੇ ਵੋਟਰ ਹੇਰਾਫੇਰੀ ਦੀ ਰਵਾਇਤ ਸ਼ੁਰੂ ਕੀਤੀ, ਜਿਸ ਵਿਚ ਡਾ. ਭੀਮ ਰਾਓ ਅੰਬੇਡਕਰ ਦੀ ਹਾਰ, ਬੂਥ ਕੈਪਚਰਿੰਗ, ਨਾਮਜ਼ਦਗੀਆਂ ਰੱਦ ਕਰਨਾ ਅਤੇ 1971 ਵਿਚ ਇੰਦਰਾ ਗਾਂਧੀ ਵੱਲੋਂ ਸਰਕਾਰੀ ਮਸ਼ੀਨਰੀ ਦੀ ਦੁਰਵਰਤੋਂ ਸ਼ਾਮਲ ਹੈ।
ਇਹ ਵੀ ਪੜ੍ਹੋ- ਉਮਰਕੈਦ ਤੇ 10 ਲੱਖ ਜੁਰਮਾਨਾ ! ਹੋਰ ਸਖ਼ਤ ਹੋਣਗੇ ਧਰਮ ਪਰਿਵਰਤਨ ਸਬੰਧੀ ਕਾਨੂੰਨ
ਭਾਜਪਾ ਸੰਸਦ ਮੈਂਬਰ ਨੇ ਵਾਇਨਾਡ, ਰਾਏਬਰੇਲੀ, ਡਾਇਮੰਡ ਹਾਰਬਰ, ਕੰਨੌਜ, ਮੈਨਪੁਰੀ ਅਤੇ ਕੋਲਾਥੁਰ ਵਿਚ ਲੱਖਾਂ ਸ਼ੱਕੀ ਵੋਟਰਾਂ, ਡੁਪਲੀਕੇਟ ਵੋਟਾਂ, ਜਾਅਲੀ ਪਤਿਆਂ, ਉਮਰ ਵਿਚ ਹੇਰਾਫੇਰੀ ਅਤੇ ਮਾਸ ਐਡੀਸ਼ਨ ਦੇ ਠੋਸ ਅੰਕੜੇ ਪੇਸ਼ ਕਰਦੇ ਹੋਏ ਦੋਸ਼ ਲਗਾਇਆ ਕਿ ਵਿਰੋਧੀ ਧਿਰ ਘੁਸਪੈਠੀਆਂ ਦੇ ਵੋਟ ਬੈਂਕ ਨੂੰ ਬਚਾਉਣ ਅਤੇ ਤੁਸ਼ਟੀਕਰਨ ਦੀ ਸਿਆਸਤ ਲਈ ਇਸ ਧੋਖਾਦੇਹੀ ਨੂੰ ਉਤਸ਼ਾਹਿਤ ਕਰਦੀ ਹੈ ਅਤੇ ਚੋਣ ਸੁਧਾਰਾਂ ਦਾ ਵਿਰੋਧ ਕਰਦੀ ਹੈ।
ਠਾਕੁਰ ਨੇ ਰਾਹੁਲ, ਪ੍ਰਿਅੰਕਾ, ਅਖਿਲੇਸ਼, ਅਭਿਸ਼ੇਕ ਅਤੇ ਸਟਾਲਿਨ ਤੋਂ ਅਸਤੀਫ਼ੇ ਦੀ ਮੰਗ ਕਰਦਿਆਂ ਕਿਹਾ ਕਿ ‘ਚੋਰ ਮਚਾਏ ਸ਼ੋਰ’ ਦੀ ਤਰਜ਼ ’ਤੇ ਵਿਰੋਧੀ ਧਿਰ ਲੋਕਤੰਤਰ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅਨੁਰਾਗ ਠਾਕੁਰ ਨੇ ਕਿਹਾ ਕਿ ਜੇਕਰ ਦੁਨੀਆ ਭਰ ਵਿਚ ਦੇਖਿਆ ਜਾਏ ਤਾਂ ਕਿਸੇ ਦੀ ਅਗਵਾਈ ਵਿਚ ਚੋਣ ਹਾਰ ਦਾ ਰਿਕਾਰਡ ਕਿਤੇ ਹੈ, ਤਾਂ ਉਹ ਰਾਹੁਲ ਗਾਂਧੀ ਦੀ ਲੀਡਰਸ਼ਿਪ ਵਿਚ ਹੈ। ਇਥੋਂ ਤੱਕ ਕਿ ਕਾਂਗਰਸ ਪਾਰਟੀ ਦੇ ਅੰਦਰ ਵੀ ਉਨ੍ਹਾਂ ਦੀ ਲੀਡਰਸ਼ਿਪ ’ਤੇ ਸਵਾਲ ਖੜ੍ਹੇ ਹੁੰਦੇ ਹਨ। ਜਦੋਂ-ਜਦੋਂ ਰਾਹੁਲ ਗਾਂਧੀ ਚੋਣ ਹਾਰਦੇ ਹਨ ਤਾਂ ਕਦੇ ਈ.ਵੀ.ਐੱਮ. ’ਤੇ ਸਵਾਲ ਉਠਾਉਂਦੇ ਹਨ, ਕਦੇ ਵੋਟਰਾਂ ’ਤੇ ਭਾਂਡਾ ਭੰਨਦੇ ਹਨ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
CM ਯੋਗੀ ਦੀ ਤਰੀਫ ਕਰਨੀ ਪਈ ਭਾਰੀ, ਅਖਿਲੇਸ਼ ਨੇ ਸਪਾ ਵਿਧਾਇਕ ਪਾਰਟੀ ਤੋਂ ਕੱਢਿਆ
NEXT STORY 
