ਆਧੁਨਿਕ ਤਕਨਾਲੋਜੀ ਨੇ ਸਾਡੀ ਜ਼ਿੰਦਗੀ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਆਸਾਨ ਬਣਾ ਦਿੱਤਾ ਹੈ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਨੇ ਇਸ 'ਚ ਵੱਡਾ ਬਦਲਾਅ ਲਿਆਂਦਾ ਹੈ। ਹੁਣ ਇਹ ਤਕਨਾਲੋਜੀ ਇੰਟੀਰੀਅਰ ਡਿਜ਼ਾਈਨ ਵਰਗੇ ਰਚਨਾਤਮਕ ਖੇਤਰਾਂ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾ ਰਹੀ ਹੈ। ਜਿੱਥੇ ਪਹਿਲਾਂ ਘਰ ਦੀ ਸਜਾਵਟ ਲਈ ਪੇਸ਼ੇਵਰ ਡਿਜ਼ਾਈਨਰਾਂ ਦੀ ਮਦਦ ਲੈਣੀ ਪੈਂਦੀ ਸੀ, ਉਥੇ ਹੀ ਹੁਣ AI ਨੇ ਇਸਨੂੰ ਹਰ ਕਿਸੇ ਲਈ ਆਸਾਨ ਬਣਾ ਦਿੱਤਾ ਹੈ। ਭਾਵੇਂ ਤੁਸੀਂ ਇੰਟੀਰੀਅਰ ਡਿਜ਼ਾਈਨ ਬਾਰੇ ਕੁਝ ਨਹੀਂ ਜਾਣਦੇ ਹੋ ਤਾਂ ਵੀ ਤੁਸੀਂ ਮੁਫ਼ਤ AI-ਅਧਾਰਿਤ ਐਪਸ ਅਤੇ ਟੂਲਸ ਦੀ ਮਦਦ ਨਾਲ ਆਪਣੇ ਸੁਪਨਿਆਂ ਦੇ ਘਰ ਨੂੰ ਡਿਜ਼ਾਈਨ ਕਰ ਸਕਦੇ ਹੋ। ਇਹ ਤਕਨੀਕ ਤੁਹਾਡੀਆਂ ਤਰਜੀਹਾਂ ਅਤੇ ਲੋੜਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਰਚਨਾਤਮਕ ਅਤੇ ਆਕਰਸ਼ਕ ਸੁਝਾਅ ਦਿੰਦੀ ਹੈ।
AI ਕੀ ਹੈ ਅਤੇ ਇਹ ਇੰਟੀਰੀਅਰ ਡਿਜ਼ਾਈਨ 'ਚ ਕਿਵੇਂ ਮਦਦ ਕਰਦਾ ਹੈ?
AI (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਇਕ ਅਜਿਹੀ ਤਕਨੀਕ ਹੈ ਜੋ ਤੁਹਾਡੇ ਦੁਆਰਾ ਦਿੱਤੇ ਗਏ ਡਾਟਾ ਅਤੇ ਪਸੰਦ ਨੂੰ ਸਮਝ ਕੇ ਡਿਜ਼ਾਈਨਿੰਗ 'ਚ ਤੁਹਾਡੀ ਮਦਦ ਕਰਦੀ ਹੈ। ਇਹ ਰੰਗਾਂ ਦੀ ਚੋਣ, ਫਰਨੀਚਰ ਦੀ ਜ੍ਹਗਾ ਤੈਅ ਕਰਨ ਅਤੇ ਕਮਰੇ ਨੂੰ ਵਿਵਸਥਿਤ ਕਰਨ 'ਚ ਸੁਝਾਅ ਦਿੰਦਾ ਹੈ। ਏ.ਆਈ. ਦੀ ਮਦਦ ਨਾਲ ਤੁਸੀਂ ਬਿਨਾਂ ਕਿਸੇ ਵਿਸ਼ੇਸ਼ ਗਿਆਨ ਦੇ ਆਪਣੇ ਘਰ ਨੂੰ ਡਿਜ਼ਾਈਨ ਕਰ ਸਕਦੇ ਹੋ।
AI ਆਧਾਰਿਤ ਪ੍ਰਮੁੱਖ ਐਪਸ ਅਤੇ ਟੂਲਸ
ਘਰ ਦੀ ਸਜਾਵਟ ਲਈ ਕੁਝ ਮੁਫ਼ਤ ਅਤੇ ਉਪਯੋਗੀ ਟੂਲਸ ਹਨ, ਜੋ ਹਰ ਕਿਸੇ ਲਈ ਉਪਲੱਬਧ ਹਨ:
Planner 5D
ਇਹ ਐਪ ਤੁਹਾਨੂੰ 2D ਅਤੇ 3D 'ਚ ਫਲੋਰ ਪਲਾਨ ਬਣਾਉਣ ਦੀ ਸਹੂਲਤ ਦਿੰਦਾ ਹੈ। ਇਸ ਵਿਚ ਤੁਸੀਂ ਕਮਰੇ ਦਾ ਲੇਆਊਟ, ਰੰਗ ਅਤੇ ਸਜਾਵਟ ਦਾ ਵਰਚੁਅਲ ਰੂਪ ਨਾਲ ਪੂਰਵਦਰਸ਼ਨ ਕਰ ਸਕਦੇ ਹੋ।
RoomGPT
ਇਹ ਇੱਕ ਮੁਫ਼ਤ ਟੂਲ ਹੈ ਜਿਸ ਵਿੱਚ ਤੁਸੀਂ ਆਪਣੇ ਕਮਰੇ ਦੀ ਇੱਕ ਫੋਟੋ ਅਪਲੋਡ ਕਰ ਸਕਦੇ ਹੋ ਅਤੇ ਇਹ ਤੁਹਾਨੂੰ ਤੁਰੰਤ ਸਜਾਵਟ ਦੇ ਵੱਖ-ਵੱਖ ਸੁਝਾਅ ਦਿੰਦਾ ਹੈ।
MagicPlan
ਇਹ ਐਪ ਤੁਹਾਡੇ ਕਮਰੇ ਲਈ ਫਲੋਰ ਪਲਾਨ ਬਣਾਉਂਦਾ ਹੈ ਅਤੇ ਤੁਹਾਨੂੰ ਸਜਾਵਟ ਲਈ ਕਈ ਵੱਖ-ਵੱਖ ਵਿਕਲਪ ਦਿੰਦਾ ਹੈ। ਸ਼ੁਰੂਆਤ ਕਰਨ ਵਾਲਿਆਂ ਲਈ ਇਹ ਇੱਕ ਵਧੀਆ ਵਿਕਲਪ ਹੈ।
Houzz
ਇਸ ਐਪ ਵਿੱਚ ਹਜ਼ਾਰਾਂ ਅੰਦਰੂਨੀ ਡਿਜ਼ਾਈਨ ਅਤੇ ਘਰ ਦੀ ਸਜਾਵਟ ਦੇ ਆਈਡੀਆ ਉਪਲੱਬਧ ਹਨ। ਇਹ ਤੁਹਾਡੀ ਪਸੰਦ ਦੇ ਆਧਾਰ 'ਤੇ ਸੁਝਾਅ ਦਿੰਦਾ ਹੈ।
IKEA Place
ਇਹ ਐਪ ਏ.ਆਰ. (ਆਗੁਮੈਂਟਿਡ ਰਿਐਲਿਟੀ) ਤਕਨੀਕ ਦੀ ਵਰਤੋਂ ਕਰਦਾ ਹੈ, ਜਿਸ ਨਾਲ ਤੁਸੀਂ ਦੇਖ ਸਕਦੇ ਹੋ ਕਿ ਕਿਹੜਾ ਫਰਨੀਚਰ ਤੁਹਾਡੇ ਕਮਰੇ 'ਚ ਕਿਹੋ ਜਿਹਾ ਦਿਸੇਗਾ।
AI ਦਾ ਇਸਤੇਮਾਲ ਕਿਵੇਂ ਕਰੋ?
ਕਮਰੇ ਦੀ ਫੋਟੋ ਲਓ : ਆਪਣੇ ਕਮਰੇ ਦੀ ਸਾਫ ਫੋਟੋ ਕਲਿੱਕ ਕਰੋ।
ਐਪਲੀਕੇਸ਼ਨ ਦਾ ਇਸਤੇਮਾਲ ਕਰੋ : ਫੋਟੋ ਨੂੰ RoomGPT ਜਾਂ Planner 5D ਵਰਗੇ ਐਪਸ 'ਚ ਅਪਲੋਡ ਕਰੋ।
ਤੁਰੰਤ ਸੁਝਾਅ ਪਾਓ : ਇਹ ਐਪਸ ਤੁਹਾਡੀ ਤਸਵੀਰ ਦਾ ਵਿਸ਼ਲੇਸ਼ਣ ਕਰਕੇ ਡਿਜ਼ਾਈਨ, ਰੰਗਾਂ ਅਤੇ ਫਰਨੀਚਰ ਦੇ ਸੁਝਾਅ ਦੇਣਗੇ।
ਵਰਚੁਅਲ ਪ੍ਰੀਵਿਊ ਦੇਖੋ : IKEA Place ਵਰਗੇ ਐਪਸ ਰਾਹੀਂ ਫਰਨੀਚਰ ਨੂੰ ਵਰੁਅਲ ਰੂਪ ਨਾਲ ਸੈੱਟ ਕਰਕੇ ਦੇਖੋ।
AI ਨਾਲ ਘਰ ਦੀ ਸਜਾਵਟ ਦੇ ਫਾਇਦੇ
ਕਿਫਾਇਤੀ ਹੱਲ : ਮਹਿੰਗੇ ਡਿਜ਼ਾਈਨਰਾਂ ਦੀ ਲੋੜ ਨਹੀਂ।
ਤੇਜ਼ ਪ੍ਰਤੀਕਿਰਿਆ : ਮਿੰਟਾਂ 'ਚ ਡਿਜ਼ਾਈਨ ਤਿਆਰ
ਅਨੁਕੂਲ ਸੁਝਾਅ : ਤੁਹਾਡੀ ਪਸੰਦ ਅਤੇ ਬਜਟ ਦੇ ਅਨੁਸਾਰ ਹੱਲ।
ਰਚਨਾਤਮਕਤਾ ਨੂੰ ਉਤਸ਼ਾਹ : AI ਤੁਹਾਨੂੰ ਨਵੇਂ ਆਈਡੀਆ ਸੋਚਣ ਅਤੇ ਉਨ੍ਹਾਂ ਨੂੰ ਲਾਗੂ ਕਰਨ ਦਾ ਮੌਕਾ ਦਿੰਦਾ ਹੈ।
AI ਨਾਲ ਬਣੇ ਡਿਜ਼ਾਈਨ : ਇਕ ਝਲਕ
ਇਕ ਮਾਡਰਨ ਲਿਵਿੰਗ ਰੂਪ ਜਿਸ ਨੂੰ ਪਲੈਨਰ 5D ਦੀ ਮਦਦ ਨਾਲ ਡਿਜ਼ਾਈਨ ਕੀਤਾ ਗਿਆ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨੇ ਘਰ ਦੀ ਸਜਾਵਟ ਨੂੰ ਹਰ ਕਿਸੇ ਲਈ ਆਸਾਨ ਅਤੇ ਮਜ਼ੇਦਾਰ ਬਣਾ ਦਿੱਤਾ ਹੈ। ਤੁਹਾਨੂੰ ਹੁਣ ਮਹਿੰਗੇ ਡਿਜ਼ਾਈਨਰਾਂ 'ਤੇ ਨਿਰਭਰ ਰਹਿਣ ਦੀ ਲੋੜ ਨਹੀਂ ਹੈ। ਤੁਸੀਂ ਇਹਨਾਂ ਮੁਫ਼ਤ AI ਟੂਲਸ ਦੀ ਵਰਤੋਂ ਕਰਕੇ ਆਪਣੇ ਘਰ ਨੂੰ ਇੱਕ ਨਵਾਂ ਰੂਪ ਦੇ ਸਕਦੇ ਹੋ।
ਤਾਂ ਫਿਰ ਤੁਸੀਂ ਕਿਸ ਦੀ ਉਡੀਕ ਕਰ ਰਹੇ ਹੋ? ਅੱਜ ਹੀ ਇਹਨਾਂ AI ਟੂਲਸ ਦੀ ਵਰਤੋਂ ਕਰੋ ਅਤੇ ਆਪਣੇ ਸੁਪਨਿਆਂ ਦੇ ਅਨੁਸਾਰ ਆਪਣੇ ਘਰ ਨੂੰ ਸਜਾਓ। ਤਕਨਾਲੋਜੀ ਅਤੇ ਰਚਨਾਤਮਕਤਾ ਦੇ ਇਸ ਸੰਗਮ ਨਾਲ ਤੁਹਾਡਾ ਘਰ ਨਾ ਸਿਰਫ਼ ਖੂਬਸੂਰਤ ਹੋਵੇਗਾ, ਸਗੋਂ ਤੁਹਾਡੀ ਸ਼ੈਲੀ ਨੂੰ ਵੀ ਪੂਰੀ ਤਰ੍ਹਾਂ ਨਾਲ ਦਰਸਾਏਗਾ।
- ਰਕਸ਼ਾ ਸੇਠੀ (ਇੰਟੀਰੀਅਰ ਡਿਜ਼ਾਈਨਰ, ਇੰਦੌਰ) Raksha Sethi (Interior Designer, Indore)
ਚੋਰ ਪਿੱਛੇ ਘੋੜੀ ਤੋਂ ਉੱਤਰ ਭੱਜਾ 'ਸਪਾਈਡਰਮੈਨ' ਲਾੜਾ ਤੇ ਫਿਰ ਸੜਕ ਵਿਚਾਲੇ ਹੋ ਗਿਆ ਖੜਕਾ-ਦੜਕਾ (ਵੀਡੀਓ)
NEXT STORY 
