ਮੈਸੂਰ: ਕਰਨਾਟਕ ਦੇ ਮੈਸੂਰ ਵਿੱਚ ਵੀਰਵਾਰ ਰਾਤ ਇੱਕ ਦਰਦਨਾਕ ਹਾਦਸਾ ਵਾਪਰਿਆ, ਜਿਸ ਨੇ ਪੂਰੇ ਇਲਾਕੇ ਵਿੱਚ ਦਹਿਸ਼ਤ ਫੈਲਾ ਦਿੱਤੀ। ਮਸ਼ਹੂਰ ਮੈਸੂਰ ਪੈਲੇਸ ਦੇ ਜੈ ਮਾਰਤੰਡ ਗੇਟ ਨੇੜੇ ਗੁਬਾਰਿਆਂ ਵਿੱਚ ਗੈਸ ਭਰਨ ਵਾਲਾ ਇੱਕ ਛੋਟਾ ਸਿਲੰਡਰ ਅਚਾਨਕ ਫਟ ਗਿਆ। ਇਸ ਜ਼ਬਰਦਸਤ ਧਮਾਕੇ ਕਾਰਨ ਗੁਬਾਰੇ ਵੇਚਣ ਵਾਲੇ ਵਿਅਕਤੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਚਾਰ ਹੋਰ ਲੋਕ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਏ।
ਸਾਈਕਲ 'ਤੇ ਗੁਬਾਰੇ ਵੇਚ ਰਿਹਾ ਸੀ ਮ੍ਰਿਤਕ
ਮੈਸੂਰ ਦੀ ਪੁਲਸ ਕਮਿਸ਼ਨਰ ਸੀਮਾ ਲਾਟਕਰ ਨੇ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਹ ਹਾਦਸਾ ਰਾਤ ਕਰੀਬ 8:30 ਵਜੇ ਵਾਪਰਿਆ। ਇੱਕ ਵਿਅਕਤੀ ਸਾਈਕਲ 'ਤੇ ਹੀਲੀਅਮ ਗੈਸ ਵਾਲੇ ਗੁਬਾਰੇ ਵੇਚ ਰਿਹਾ ਸੀ, ਜਿਸ ਦੌਰਾਨ ਸਿਲੰਡਰ ਬਲਾਸਟ ਹੋ ਗਿਆ। ਮ੍ਰਿਤਕ ਦੀ ਉਮਰ ਲਗਭਗ 40 ਸਾਲ ਦੱਸੀ ਜਾ ਰਹੀ ਹੈ ਅਤੇ ਉਹ ਸਥਾਨਕ ਨਿਵਾਸੀ ਸੀ।
ਸੈਲਾਨੀ ਵੀ ਆਏ ਚਪੇਟ ਵਿੱਚ
ਧਮਾਕਾ ਇੰਨਾ ਭਿਆਨਕ ਸੀ ਕਿ ਉੱਥੋਂ ਗੁਜ਼ਰ ਰਹੇ ਲੋਕ ਵੀ ਇਸ ਦੀ ਲਪੇਟ ਵਿੱਚ ਆ ਗਏ। ਜ਼ਖ਼ਮੀਆਂ ਵਿੱਚ ਬੈਂਗਲੁਰੂ ਦੀ ਮੰਜੁਲਾ ਲਕਸ਼ਮੀ (ਜੋ ਇੱਕ ਸੈਲਾਨੀ ਦੱਸੀ ਜਾ ਰਹੀ ਹੈ), ਨੰਜਨਗੁੜ ਦੀ ਮੰਜੁਲਾ, ਰਾਣੇਬੰਨੂਰ ਦੀ ਕੋਤਰੇਸ਼ੀ ਅਤੇ ਕੋਲਕਾਤਾ ਦੀ ਸ਼ਾਹੀਨਾ ਸ਼ਾਮਲ ਹਨ। ਜ਼ਖ਼ਮੀਆਂ ਨੂੰ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਇੱਕ ਮਹਿਲਾ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਪੁਲਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ।
ਕੇ-4 ਬੈਲਿਸਟਿਕ ਮਿਜ਼ਾਈਲ ਦਾ ਸਫਲ ਪ੍ਰੀਖਣ; 3500 ਕਿਮੀ ਦੀ ਰੇਂਜ, 2 ਟਨ ਨਿਊਕਲੀਅਰ ਪੇਲੋਡ ਲਿਜਾਣ 'ਚ ਸਮਰੱਥ
NEXT STORY 
