ਬੈਂਗਲੁਰੂ- ਬੈਂਗਲੁਰੂ 'ਚ ਇਕ 40 ਸਾਲਾ ਸਮਾਜਿਕ ਕਾਰਕੁਨ ਔਰਤ ਨੇ ਭਾਰਤੀ ਜਨਤਾ ਪਾਰਟੀ ਦੇ ਮੌਜੂਦਾ ਵਿਧਾਇਕ ਅਤੇ ਉਸ ਦੇ ਤਿੰਨ ਸਾਥੀਆਂ ਖ਼ਿਲਾਫ਼ ਜਬਰ ਜ਼ਿਨਾਹ ਦੇ ਗੰਭੀਰ ਦੋਸ਼ ਲਗਾਏ ਹਨ। ਔਰਤ ਨੇ ਦਾਅਵਾ ਕੀਤਾ ਹੈ ਕਿ ਇਹ ਘਟਨਾ ਜੂਨ 2023 ਵਿਚ ਵਾਪਰੀ। ਔਰਤ ਨੇ ਪੁਲਸ ਨੂੰ ਹੁਣ ਸ਼ਿਕਾਇਤ ਦਰਜ ਕਰਵਾਈ ਹੈ। ਕਰਨਾਟਕ ਪੁਲਸ ਨੇ ਬੈਂਗਲੁਰੂ ਦੇ ਆਰ.ਆਰ. ਨਗਰ ਵਿਧਾਨ ਸਭਾ ਹਲਕੇ ਦੀ ਨੁਮਾਇੰਦਗੀ ਕਰਨ ਵਾਲੇ ਭਾਜਪਾ ਵਿਧਾਇਕ ਐਨ. ਮੁਨੀਰਤਨਾ ਵਿਰੁੱਧ FIR ਦਰਜ ਕਰ ਲਈ ਹੈ। ਜਾਂਚ ਜਾਰੀ ਹੈ।
ਵਿਧਾਇਕ ਮੁਨੀਰਤਨ ਤੋਂ ਇਲਾਵਾ FIR ਵਿਚ ਉਸ ਦੇ ਸਾਥੀਆਂ ਵਸੰਤ, ਚੰਨਕੇਸ਼ਵ, ਕਮਲ ਅਤੇ ਇਕ ਅਣਪਛਾਤੇ ਵਿਅਕਤੀ ਨੂੰ ਮਾਮਲੇ ਵਿਚ ਸਹਿ-ਮੁਲਜ਼ਮ ਵਜੋਂ ਨਾਮਜ਼ਦ ਕੀਤਾ ਗਿਆ ਹੈ। ਦਰਜ ਕੀਤੀ ਗਈ FIR ਮੁਤਾਬਕ ਪੁਲਸ ਨੇ ਬੈਂਗਲੁਰੂ ਦੇ ਹਸਪਤਾਲ ਵਿਚ ਪੀੜਤਾ ਦਾ ਬਿਆਨ ਦਰਜ ਕੀਤਾ, ਜਿੱਥੇ ਉਹ ਇਸ ਸਮੇਂ ਇਲਾਜ ਅਧੀਨ ਹੈ। ਇਸ ਹਫ਼ਤੇ ਦਰਜ ਕੀਤੀ ਗਈ ਸ਼ਿਕਾਇਤ ਵਿਚ ਆਰ.ਆਰ. ਨਗਰ ਦੇ ਵਿਧਾਇਕ ਮੁਨੀਰਤਨਾ ਨਾਇਡੂ ਅਤੇ ਉਨ੍ਹਾਂ ਦੇ ਤਿੰਨ ਸਾਥੀਆਂ ਨੂੰ ਦੋਸ਼ੀ ਬਣਾਇਆ ਗਿਆ ਹੈ। ਔਰਤ ਨੇ ਦੋਸ਼ ਲਾਇਆ ਕਿ ਉਸ ਸਮੂਹ ਨੇ ਉਸ ਦੇ ਮੋਢੇ 'ਤੇ ਇੰਜੈਕਸ਼ਨ ਲਾਉਣ ਮਗਰੋਂ ਜਬਰ ਜ਼ਿਨਾਹ ਕੀਤਾ। ਉਸ ਨੇ ਅੱਗੇ ਦਾਅਵਾ ਕੀਤਾ ਕਿ ਕਥਿਤ ਘਟਨਾ ਤੋਂ ਬਾਅਦ ਉਹ ਸਿਹਤ ਸੰਬੰਧੀ ਸਮੱਸਿਆ ਤੋਂ ਪੀੜਤ ਹੈ।
ਔਰਤ ਨੇ ਲਾਏ ਗੰਭੀਰ ਦੋਸ਼
ਔਰਤ ਦੀ ਸ਼ਿਕਾਇਤ ਮੁਤਾਬਕ ਹਮਲੇ ਦੌਰਾਨ ਦੋਸ਼ੀਆਂ ਨੇ ਉਸ ਦੇ ਚਿਹਰੇ 'ਤੇ ਪਿਸ਼ਾਬ ਕੀਤਾ ਅਤੇ ਧਮਕੀ ਦਿੱਤੀ ਕਿ ਜੇਕਰ ਉਸ ਨੇ ਆਵਾਜ਼ ਚੁੱਕੀ ਜਾਂ ਵਿਰੋਧ ਕੀਤਾ ਤਾਂ ਉਸ ਦੇ ਪੁੱਤਰ ਦਾ ਕਤਲ ਕਰ ਦੇਣਗੇ। ਬਸ ਇੰਨਾ ਹੀ ਨਹੀਂ ਦੋਸ਼ੀਆਂ ਨੇ ਧਮਕੀ ਦਿੱਤੀ ਕਿ ਉਸ ਦੇ ਪਰਿਵਾਰ ਨੂੰ ਵੀ ਨੁਕਸਾਨ ਪਹੁੰਚਾਉਣਗੇ। ਹਾਲਾਂਕਿ ਅਜੇ ਤੱਕ ਕਿਸੇ ਵੀ ਦੋਸ਼ੀ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ। ਇਸ ਮਾਮਲੇ ਨੇ ਨਾਂ ਸਿਰਫ ਕਾਨੂੰਨੀ ਮੰਚਾਂ ਉੱਤੇ, ਸਗੋਂ ਸਿਆਸੀ ਹਲਕਿਆਂ ਵਿਚ ਵੀ ਚਰਚਾ ਛੇੜ ਦਿੱਤੀ ਹੈ। ਮਾਮਲੇ ਦੀ ਨਿਰਪੱਖ ਜਾਂਚ ਅਤੇ ਨਿਆਂ ਦੀ ਮੰਗ ਤੇਜ਼ੀ ਨਾਲ ਉੱਠ ਰਹੀ ਹੈ।
ਕੀ ਪੂਰਾ ਮਾਮਲਾ
ਪੀੜਤ ਨੇ ਦੋਸ਼ ਲਗਾਇਆ ਕਿ 2013 ਵਿਚ ਮੁਨੀਰਤਨਾ ਨੇ ਉਸ 'ਤੇ ਵੇਸਵਾਪੁਣੇ ਦਾ ਦੋਸ਼ ਲਗਾਇਆ ਅਤੇ ਨਿੱਜੀ ਬਦਲਾ ਲੈਣ ਲਈ ਉਸ ਨੂੰ ਜੇਲ੍ਹ ਭੇਜ ਦਿੱਤਾ। ਰਿਹਾਅ ਹੋਣ 'ਤੇ ਉਸ ਨੇ ਦਾਅਵਾ ਕੀਤਾ ਕਿ ਵਿਧਾਇਕ ਨੇ ਆਪਣੇ ਸਾਥੀਆਂ ਵਲੋਂ ਉਸ ਨੂੰ ਕਤਲ ਦੇ ਮਾਮਲੇ 'ਚ ਫਸਾਉਣ ਲਈ ਉਸ ਨੂੰ ਮੁੜ ਨਿਸ਼ਾਨਾ ਬਣਾਇਆ। ਜਿਸਦੇ ਨਤੀਜੇ ਵਜੋਂ ਇਕ ਹੋਰ ਕੈਦ ਹੋਈ। ਉਸ ਨੂੰ ਜ਼ਮਾਨਤ ਮਿਲ ਗਈ ਅਤੇ ਇਕ ਮਹੀਨੇ ਦੇ ਅੰਦਰ ਰਿਹਾਅ ਕਰ ਦਿੱਤਾ ਗਿਆ।
11 ਜੂਨ, 2023 ਨੂੰ, ਸ਼ਾਮ 7 ਵਜੇ ਦੇ ਕਰੀਬ, ਦੂਜਾ ਅਤੇ ਚੌਥਾ ਦੋਸ਼ੀ ਕਥਿਤ ਤੌਰ 'ਤੇ ਪੀੜਤਾ ਦੇ ਘਰ ਗਏ, ਇਹ ਵਾਅਦਾ ਕਰਦੇ ਹੋਏ ਕਿ ਜੇਕਰ ਉਹ ਉਨ੍ਹਾਂ ਦੇ ਨਾਲ ਮੁਨੀਰਤਨਾ ਦੇ ਦਫ਼ਤਰ ਜਾਂਦੀ ਹੈ ਤਾਂ ਉਸ ਦੇ ਵਿਰੁੱਧ ਬਕਾਇਆ ਕੇਸ ਵਾਪਸ ਲੈ ਲਏ ਜਾਣਗੇ। ਸ਼ਿਕਾਇਤਕਰਤਾ ਨੇ ਦੋਸ਼ ਲਗਾਇਆ ਕਿ ਮੁਨੀਰਤਨਾ ਦੇ ਦਫ਼ਤਰ ਵਿਚ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ ਗਿਆ। ਮੁਨੀਰਤਨਾ ਨੇ ਉਸ ਦੇ ਚਿਹਰੇ 'ਤੇ ਪਿਸ਼ਾਬ ਕੀਤਾ ਅਤੇ ਉਸ ਨੂੰ ਕਿਸੇ ਪਦਾਰਥ ਦਾ ਟੀਕਾ ਲਗਾਇਆ, ਉਸਨੂੰ ਕਿਹਾ ਕਿ ਉਹ ਆਪਣੀ ਬਾਕੀ ਦੀ ਜ਼ਿੰਦਗੀ ਦੁੱਖ ਝੱਲੇਗੀ। FIR ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਵਿਧਾਇਕ ਨੇ ਉਸ ਨੂੰ ਘਟਨਾ ਬਾਰੇ ਕਿਸੇ ਨੂੰ ਦੱਸਣ ਦੀ ਚਿਤਾਵਨੀ ਦਿੱਤੀ ਅਤੇ ਆਪਣੇ ਸਾਥੀਆਂ ਨੂੰ ਉਸ ਨੂੰ ਘਰ ਵਾਪਸ ਛੱਡਣ ਲਈ ਕਿਹਾ। FIR ਮੁਤਾਬਕ ਬਾਅਦ ਵਿਚ ਡਾਕਟਰੀ ਸਲਾਹ ਤੋਂ ਪਤਾ ਲੱਗਿਆ ਕਿ ਉਹ ਇਕ ਲਾਇਲਾਜ ਬੀਮਾਰੀ ਤੋਂ ਪੀੜਤ ਸੀ। ਦਰਦ ਸਹਿਣ ਨਾ ਕਰ ਸਕਣ ਕਰਕੇ ਪੀੜਤਾ ਨੇ 19 ਮਈ ਦੀ ਰਾਤ ਨੂੰ ਕਥਿਤ ਤੌਰ 'ਤੇ ਨੀਂਦ ਦੀਆਂ ਗੋਲੀਆਂ ਖਾ ਲਈਆਂ। ਇਕ ਗੁਆਂਢੀ ਨੇ ਉਸਨੂੰ ਲੱਭ ਲਿਆ ਅਤੇ ਉਸਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ।
ਸੜਕ ਹਾਦਸੇ 'ਚ ਨਵ-ਵਿਆਹੇ ਜੋੜੇ ਤੇ ਇਕ ਨਾਬਾਲਗ ਦੀ ਮੌਤ
NEXT STORY 
