ਜੰਮੂ (ਭਾਸ਼ਾ)- ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵਿਰੋਧ ਦਲਾਂ ਦੇ ਇਸ ਦੋਸ਼ ਨੂੰ ਮੰਗਲਵਾਰ ਨੂੰ ਖਾਰਜ ਕੀਤਾ ਹੈ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੂੰ ਕਸ਼ਮੀਰ ਦੇ ਲੋਕਾਂ ਦੀ ਭਲਾਈ ਤੋਂ ਵੱਧ ਰੁਚੀ ਉੱਥੋਂ ਦੀ ਜ਼ਮੀਨ 'ਚ ਹੈ। ਸ਼ਾਹ ਨੇ ਕਿਹਾ ਕਿ ਭਾਜਪਾ ਲੋਕਾਂ ਦਾ ਦਿਲ ਜਿੱਤਣ 'ਚ ਭਰੋਸਾ ਕਰਦੀ ਹੈ ਅਤੇ ਇਸ ਨਾਲ 'ਕਮਲ' ਪੂਰੀ ਘਾਟੀ 'ਚ ਖਿੜੇਗਾ। ਕਮਲ ਭਾਜਪਾ ਦਾ ਚੋਣ ਚਿੰਨ੍ਹ ਹੈ। ਸ਼ਾਹ ਨੇ ਕਸ਼ਮੀਰੀ ਨੌਜਵਾਨਾਂ ਤੱਕ ਪਹੁੰਚ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਕਾਂਗਰਸ, ਨੈਸ਼ਨਲ ਕਾਨਫਰੰਸ ਅਤੇ ਪੀਪਲਜ਼ ਡੈਮੋਕ੍ਰੇਟਿਕ ਪਾਰਟੀ (ਪੀ.ਡੀ.ਪੀ.) ਦੀ ਆਲੋਚਨਾ ਕੀਤੀ ਅਤੇ ਦੋਸ਼ ਲਗਾਇਆ ਕਿ ਇਹ ਪਾਰਟੀਆਂ ਘਾਟੀ 'ਚ ਫਰਜ਼ੀ ਮੁਕਾਬਲਿਆਂ ਅਤੇ ਨੌਜਵਾਨਾਂ 'ਤੇ ਗੋਲੀਬਾਰੀ ਦੀਆਂ ਘਟਨਾਵਾਂ ਲਈ ਜ਼ਿੰਮੇਵਾਰ ਹਨ। ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ 'ਚ ਭਾਜਪਾ ਨੇ ਧਾਰਾ 370 ਦੇ ਜ਼ਿਆਦਾਤਰ ਪ੍ਰਬੰਧ ਰੱਦ ਕਰਨ ਤੋਂ ਬਾਅਦ ਅੱਤਵਾਦ, ਪਥਰਾਅ ਅਤੇ ਪਾਕਿਸਤਾਨ ਵਲੋਂ ਸਪਾਂਸਰ ਹਮਲਿਆਂ ਨੂੰ ਖ਼ਤਮ ਕਰ ਕੇ ਸ਼ਾਂਤੀ ਬਹਾਲ ਕੀਤੀ ਅਤੇ ਵਿਕਾਸ ਯਕੀਨੀ ਕੀਤਾ। ਭਾਜਪਾ ਦੇ ਉਮੀਦਵਾਰਾਂ ਦਲਾਂ ਨੇ ਲੋਕਾਂ ਤੋਂ ਭਾਜਪਾ ਅਤੇ ਉਸ ਨਾਲ ਜੁੜੇ ਸੰਗਠਨਾਂ ਨੂੰ ਵੋਟ ਨਾ ਦੇਣ ਲਈ ਕਿਹਾ ਹੈ ਅਤੇ ਉਨ੍ਹਾਂ ਦਾ ਦਾਅਵਾ ਹੈ ਕਿ ਸੱਤਾਧਾਰੀ ਦਲ ਨੂੰ ਕਸ਼ਮੀਰ ਦੇ ਲੋਕਾਂ ਦੇ ਕਲਿਆਣ ਤੋਂ ਵੱਧ ਰੁਚੀ ਕਸ਼ਮੀਰ ਦੀ ਜ਼ਮੀਨ 'ਚ ਹੈ।
ਸ਼ਾਹ ਨੇ ਇਕ ਚੋਣ ਸਭਾ 'ਚ ਕਿਹਾ,''ਮੈਂ ਕਸ਼ਮੀਰੀ ਨੌਜਵਾਨਾਂ ਵਿਚਾਲੇ ਪੈਦਾ ਕੀਤੀ ਜਾ ਰਹੀ ਇਨ੍ਹਾਂ ਗਲਤਫਹਿਮੀਆਂ ਨੂੰ ਦੂਰ ਕਰਨਾ ਚਾਹੁੰਦਾ ਹੈ ਕਿ ਭਾਜਪਾ ਕਸ਼ਮੀਰ ਦੀ ਜ਼ਮੀਨ ਜ਼ਬਰਦਸਤੀ ਖੋਹਣਾ ਚਾਹੀਦਾ ਹੈ। ਭਾਜਪਾ ਉਨ੍ਹਾਂ ਲੋਕਾਂ 'ਚੋਂ ਨਹੀਂ ਹੈ, ਜੋ ਜ਼ਮੀਨ 'ਤੇ ਜ਼ਬਰਦਸਤੀ ਕਬਜ਼ਾ ਕਰਦੇ ਹਨ ਸਗੋਂ ਉਹ ਲੋਕਾਂ ਦਾ ਦਿਲ ਜਿੱਤਣ 'ਚ ਭਰੋਸਾ ਕਰਦੀ ਹੈ।'' ਸ਼ਾਹ ਇੱਥੇ ਜੁਗਲ ਕਿਸ਼ੋਰ ਦੇ ਸਮਰਥਨ 'ਚ ਆਯੋਜਿਤ ਇਕ ਰੈਲੀ ਨੂੰ ਸੰਬੋਧਨ ਕਰ ਰਹੇ ਸਨ, ਜੋ ਜੰਮੂ ਸੰਸਦੀ ਖੇਤਰ ਤੋਂ ਤੀਜੀ ਵਾਰ ਚੋਣ ਮੈਦਾਨ 'ਚ ਹਨ। ਸ਼ਾਹ ਨੇ ਕਿਹਾ ਕਿ ਭਾਜਪਾ ਨੂੰ ਕੋਈ ਜਲਦਬਾਜ਼ੀ ਨਹੀਂ, ਕਿਉਂਕਿ ਉਹ ਜਾਣਦੀ ਹੈ ਕਿ ਲਕਾਂ ਦੇ ਪਿਆਰ ਪਾਰਟੀ ਦਾ ਚਿੰਨ੍ਹ 'ਕਮਲ' ਘਾਟੀ 'ਚ ਆਪਣੇ ਆਪ ਖਿੜੇਗਾ। ਉਨ੍ਹਾਂ ਨੇ ਕਸ਼ਮੀਰ 'ਚ ਕਾਂਗਰਸ, ਨੈਸ਼ਨਲ ਕਾਨਫਰੰਸ ਅਤੇ ਪੀ.ਡੀ.ਪੀ. 'ਤੇ ਲੋਕਾਂ ਦਾ ਸ਼ੋਸ਼ਣ ਕਰਨ ਦਾ ਦੋਸ਼ ਲਗਾਇਆ ਅਤੇ ਲੋਕਾਂ ਨੂੰ ਇਨ੍ਹਾਂ ਦਲਾਂ ਨੂੰ ਵੋਟ ਨਹੀਂ ਦੇਣ ਲਈ ਕਿਹਾ। ਉਨ੍ਹਾਂ ਕਿਹਾ,''ਇਨ੍ਹਾਂ ਤਿੰਨ ਦਲਾਂ ਨੇ ਜੰਮੂ ਕਸ਼ਮੀਰ 'ਚ ਲੋਕਤੰਤਰ ਨੂੰ ਵਿਕਸਿਤ ਨਹੀਂ ਹੋਣ ਦਿੱਤਾ, ਸੁਰੱਖਿਆ ਦੇ ਬਹਾਨੇ ਸਾਡੇ ਕਸ਼ਮੀਰੀ ਨੌਜਵਾਨਾਂ ਦਾ ਸ਼ੋਸ਼ਣ ਕੀਤਾ ਗਿਆ। ਮੈਂ (ਨੈਸ਼ਨਲ ਕਾਨਫਰੰਸ ਚੇਅਰਮੈਨ) ਫਾਰੂਕ ਅਬਦੁੱਲਾ ਅਤੇ ਪੀ.ਡੀ.ਪੀ. ਤੋਂ ਪੁੱਛਣਾ ਚਾਹੁੰਦਾ ਹਾਂ ਕਿ ਕਿਸ ਦੇ ਸ਼ਾਸਨ 'ਚ ਸਭ ਤੋਂ ਵੱਧ ਫਰਜ਼ੀ ਮੁਕਾਬਲਾ ਹੋਇਆ? ਅਤੇ ਕਸ਼ਮੀਰ ਦੇ ਬੱਚਿਆਂ 'ਤੇ ਗੋਲੀ ਕਿਸ ਨੇ ਚਲਾਈ, ਉਨ੍ਹਾਂ ਦੇ ਹੱਥ 'ਚ ਬੰਦੂਕਾਂ ਕਿਸ ਨੇ ਫੜਾਈਆਂ।'' ਉਨ੍ਹਾਂ ਕਿਹਾ,''ਇਹ ਤਿੰਨ ਪਾਰਟੀਆਂ ਇਨ੍ਹਾਂ ਸਾਰਿਆਂ ਲਈ ਜ਼ਿੰਮੇਵਾਰ ਹਨ। ਨਰਿੰਦਰ ਮੋਦੀ ਨੇ ਜੰਮੂ ਕਸ਼ਮੀਰ 'ਚ ਸ਼ਾਂਤੀ ਬਹਾਲ ਕੀਤੀ ਅਤੇ ਖੇਤਰ ਦੇ ਵਿਕਾਸ ਦਾ ਮਾਰਗ ਪੱਕਾ ਕੀਤਾ। ਪਿਛਲੇ 70 ਸਾਲਾਂ ਤੋਂ ਅੱਤਵਾਦ ਅਤੇ ਅੰਦੋਲਨ ਕਾਰਨ ਜੰਮੂ ਕਸ਼ਮੀਰ ਪਿਛੜਿਆ ਹੋਇਆ ਹੈ। ਪੀ.ਐੱਮ. ਮੋਦੀ ਨੇ ਜੰਮੂ ਕਸ਼ਮੀਰ 'ਚ ਅੱਤਵਾਦ, ਪਥਰਾਅ ਅਤੇ ਵੱਖਵਾਦ ਨੂੰ ਖ਼ਤਮ ਕਰ ਕੇ ਵਿਕਾਸ ਦਾ ਮਾਰਗ ਪੱਕਾ ਕੀਤਾ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਆਪ ਦਾ ਦਾਅਵਾ, ਚੰਨਪ੍ਰੀਤ ਸਿੰਘ ਨੇ BJP ਲਈ ਵੀ ਕੀਤਾ ਸੀ ਕੰਮ
NEXT STORY 
