ਮੁੰਬਈ- ਹੁਣ ਤੱਕ ਤੁਸੀਂ ਸਿਰਫ ਬਹੁਤ ਹੀ ਸਲਿਮ-ਟ੍ਰਿਮ ਭਾਰਤੀ ਮਾਡਲਾਂ ਅਤੇ ਕੁੜੀਆਂ ਨੂੰ ਦੇਖਿਆ ਹੋਵੇਗਾ ਜਿਨ੍ਹਾਂ ਨੇ ਮਿਸ ਇੰਡੀਆ ਦਾ ਖਿਤਾਬ ਜਿੱਤਿਆ ਹੈ ਪਰ ਇੱਕ ਭਾਰਤੀ ਮਾਡਲ ਜੋ ਬਾਡੀ ਬਿਲਡਰ ਹੈ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ।
ਹਾਲ ਹੀ ‘ਚ ਉਨ੍ਹਾਂ ਨੇ ਬ੍ਰਾਈਡਲ ਆਊਟਫਿਟ 'ਚ ਫੋਟੋਸ਼ੂਟ ਕਰਵਾਇਆ ਹੈ, ਜਿਸ ਕਾਰਨ ਉਹ ਲਾਈਮਲਾਈਟ ‘ਚ ਆ ਗਈ ਹੈ।ਇਸ ਬਾਡੀ ਬਿਲਡਰ ਮਾਡਲ ਦਾ ਨਾਂ ਚਿਤਰਾ ਪੁਰਸ਼ੋਤਮ ਹੈ। ਹੁਣ ਲੋਕ ਉਸ ਬਾਰੇ ਜਾਣਨ ਲਈ ਉਤਸ਼ਾਹਿਤ ਹਨ। ਉਹ ਫਿਟਨੈੱਸ ਟ੍ਰੇਨਰ ਵੀ ਹੈ। ਉਹ ਕਈ ਮਿਸ ਇੰਡੀਆ ਖਿਤਾਬ ਵੀ ਜਿੱਤ ਚੁੱਕੀ ਹੈ। ਚਿਤਰਾ ਕੌਣ ਹੈ? ਉਹ ਕੀ ਕੰਮ ਕਰਦੀ ਹੈ ? ਇੱਥੇ ਅਸੀਂ ਤੁਹਾਨੂੰ ਸਭ ਕੁਝ ਦੱਸ ਰਹੇ ਹਾਂ।
ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਚਿਤਰਾ ਪੁਰਸ਼ੋਤਮ ਦੇ ਬ੍ਰਾਈਡਲ ਫੋਟੋਸ਼ੂਟ ਬਾਰੇ। ਇਸ ਫੋਟੋਸ਼ੂਟ ‘ਚ ਉਨ੍ਹਾਂ ਦੇ ਪਤੀ ਕਿਰਨ ਵੀ ਹਨ। ਇਸ 'ਚ ਉਹ ਕਾਂਜੀਵਰਮ ਸਿਲਕ ਸਾੜ੍ਹੀ 'ਚ ਨਜ਼ਰ ਆ ਸਕਦੀ ਹੈ। ਇਸ ਪਹਿਰਾਵੇ ‘ਚ ਉਹ ਆਪਣੇ ਜਲਵੇ ਦਿਖਾ ਰਹੀ ਹੈ।ਚਿੱਤਰਾ ਪਰਸ਼ੋਤਮ ਦੇ ਇਸ ਲੁੱਕ ਦੇ ਮੁਕਾਬਲੇ ਕਈ ਪੁਰਸ਼ ਬਾਡੀ ਬਿਲਡਰ ਵੀ ਫੇਲ ਹੋਣਗੇ।
ਉਹ ਬਹੁਤ ਮਜ਼ਬੂਤ ਅਤੇ ਸਿਹਤਮੰਦ ਨਜ਼ਰ ਆ ਰਹੀ ਹੈ। ਉਸ ਦੇ ਹੱਥਾਂ ‘ਤੇ ਬਣੇ ਟੈਟੂ ਉਸ ਦੇ ਸਰੀਰ ਨੂੰ ਹੋਰ ਵੀ ਆਕਰਸ਼ਕ ਬਣਾ ਰਹੇ ਹਨ। ਉਸ ਨੇ ਭਾਰੀ ਗਹਿਣੇ ਵੀ ਪਾਏ ਹੋਏ ਹਨ। ਚਿੱਤਰਾ ਪੁਰਸ਼ੋਤਮ ਬੈਂਗਲੁਰੂ, ਕਰਨਾਟਕ ਦੀ ਵਸਨੀਕ ਹੈ। ਚਿਤਰਾ ਦੇ ਇੰਸਟਾ ਅਕਾਊਂਟ ‘ਤੇ ਦੇਖਿਆ ਜਾ ਸਕਦਾ ਹੈ ਕਿ ਉਸ ਨੇ ਕਈ ਅਜਿਹੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ ‘ਚ ਉਹ ਆਪਣੀ ਬਾਡੀ ਫਲਾਟ ਕਰ ਰਹੀ ਹੈ।
ਚਿਤਰਾ ਪੁਰਸ਼ੋਤਮ ਨੇ ਆਪਣੇ ਇੰਸਟਾ ਬਾਇਓ ‘ਚ ਦੱਸਿਆ ਹੈ ਕਿ ਉਹ ਮਿਸ ਇੰਡੀਆ ਫਿਟਨੈੱਸ, ਮਿਸ ਸਾਊਥ ਇੰਡੀਆ, ਮਿਸ ਕਰਨਾਟਕ, ਮਿਸ ਮੈਸੂਰ ਵੋਡੇਯਾਰ ਅਤੇ ਮਿਸ ਬੈਂਗਲੁਰੂ ਦੇ ਖਿਤਾਬ ਜਿੱਤ ਚੁੱਕੀ ਹੈ। ਉਸ ਦਾ ਇੱਕ ਯੂਟਿਊਬ ਚੈਨਲ ਵੀ ਹੈ। ਚਿਤਰਾ ਪੁਰਸ਼ੋਤਮ ਦੇ ਪਤੀ ਦਾ ਨਾਂ ਕਿਰਨ ਰਾਜ ਹੈ। ਉਹ ਅਕਸਰ ਆਪਣੇ ਪਤੀ ਨਾਲ ਤਸਵੀਰਾਂ ਸ਼ੇਅਰ ਕਰਦੀ ਹੈ ਅਤੇ ਉਸਨੂੰ ਆਪਣੀ ਲਾਈਫਲਾਈਨ ਕਹਿੰਦੀ ਹੈ। ਉਨ੍ਹਾਂ ਦੇ ਪਤੀ ਵੀ ਬ੍ਰਾਈਡਲ ਫੋਟੋਸ਼ੂਟ ਦੀ ਇੱਕ ਪੋਸਟ ‘ਚ ਵੀ ਹਨ। ਇਸ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, ‘‘ਮੇਰਾ ਸਭ ਤੋਂ ਵਧੀਆ ਹਿੱਸਾ ਤੁਸੀਂ ਹੋ।’’
ਚਿਤਰਾ ਪੁਰਸ਼ੋਤਮ ਨੂੰ ਬਾਡੀ ਬਿਲਡਿੰਗ 'ਚ ਦਿਲਚਸਪੀ ਸੀ, ਇਸ ਲਈ ਉਸ ਨੇ ਇਸ ਖੇਤਰ 'ਚ ਕਰੀਅਰ ਬਣਾਇਆ। ਚਿਤਰਾ ਬਾਡੀ ਬਿਲਡਿੰਗ ਲਈ ਕਈ ਉਤਪਾਦਾਂ ਦਾ ਸਮਰਥਨ ਕਰਦੀ ਹੈ। ਉਸ ਨੇ ਕਈ ਬ੍ਰਾਂਡਾਂ ਲਈ ਸ਼ੂਟਿੰਗ ਵੀ ਕੀਤੀ ਹੈ।ਆਪਣੇ ਇੰਸਟਾਗ੍ਰਾਮ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਚਿਤਰਾ ਨੇ ਲਿਖਿਆ, “ਤੁਹਾਡਾ ਸਰੀਰ ਤੁਹਾਡੀ ਮਿਹਨਤ ਅਤੇ ਲਗਨ ਦਾ ਪ੍ਰਤੀਬਿੰਬ ਹੈ। ਅਜਿਹਾ ਕੁਝ ਹਾਸਲ ਕਰਨਾ ਇੰਨਾ ਆਸਾਨ ਨਹੀਂ ਹੈ ਅਤੇ ਇਹ ਦੂਜਿਆਂ ਲਈ ਬਹੁਤ ਵੱਡੀ ਪ੍ਰੇਰਨਾ ਹੈ।”
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਜੰਮੂ ਕਸ਼ਮੀਰ : ਪੁਲਸ ਨੇ ਚਰਸ ਨਾਲ 2 ਡਰੱਗ ਤਸਕਰ ਕੀਤੇ ਗ੍ਰਿਫ਼ਤਾਰ
NEXT STORY 
