ਨੈਸ਼ਨਲ ਡੈਸਕ- ਜੰਮੂ-ਕਸ਼ਮੀਰ ਦੇ ਬਡਗਾਮ ਵਿੱਚ ਉਪ ਚੋਣ ਲਈ ਵੋਟਾਂ ਦੀ ਗਿਣਤੀ ਸ਼ੁੱਕਰਵਾਰ ਸਵੇਰੇ 8 ਵਜੇ ਸ਼ੁਰੂ ਹੋ ਗਈ। ਬਡਗਾਮ ਦੇ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਵਿੱਚ ਹੋਣ ਵਾਲੀ ਗਿਣਤੀ 17 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕਰੇਗੀ। ਉਨ੍ਹਾਂ ਕਿਹਾ ਕਿ ਸੁਚਾਰੂ ਗਿਣਤੀ ਪ੍ਰਕਿਰਿਆ ਨੂੰ ਯਕੀਨੀ ਬਣਾਉਣ ਲਈ ਸਾਰੀਆਂ ਤਿਆਰੀਆਂ ਕੀਤੀਆਂ ਗਈਆਂ ਹਨ। ਮੰਗਲਵਾਰ ਨੂੰ ਹੋਈ ਉਪ ਚੋਣ ਵਿੱਚ 50 ਫ਼ੀਸਦੀ ਤੋਂ ਵੱਧ ਵੋਟਰਾਂ ਨੇ ਆਪਣੀ ਵੋਟ ਪਾਈ, ਜਿਸ ਵਿੱਚ ਅੰਤਿਮ ਵੋਟਰ 50.01 ਫ਼ੀਸਦੀ ਰਿਹਾ।
ਹੁਣ ਤੱਕ ਦੇ ਰੁਝਾਨਾਂ ਮੁਤਾਬਕ ਜੰਮੂ ਕਸ਼ਮੀਰ ਨੈਸ਼ਨਲ ਕਾਨਫਰੰਸ ਪਾਰਟੀ ਦੇ ਆਗਾ ਸਈਅਦ ਮਹਿਮੂਦ ਅਲ ਮੋਸਵੀ ਨੂੰ ਹੁਣ ਤੱਕ 1152 ਵੋਟਾਂ ਮਿਲੀਆਂ ਹਨ ਤੇ ਉਹ 624 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ, ਜਦਕਿ ਜੰਮੂ-ਕਸ਼ਮੀਰ ਪੀਪਲਜ਼ ਡੈਮੋਕ੍ਰੇਟਿਕ ਪਾਰਟੀ ਦੇ ਆਗਾ ਸਈਅਦ ਮੁੰਤਾਜ਼ਿਰ ਮੇਹਦੀ 528 ਵੋਟਾਂ ਨਾਲ ਦੂਜੇ ਸਥਾਨ 'ਤੇ ਚੱਲ ਰਹੇ ਹਨ। ਇਨ੍ਹਾਂ ਤੋਂ ਬਾਅਦ ਆਜ਼ਾਦ ਉਮੀਦਵਾਰ ਨਾਜ਼ਿਰ ਅਹਿਮਦ ਖ਼ਾਨ ਨੂੰ 508, ਜਿਬਰਾਨ ਦਾਰ ਨੂੰ 286 ਤੇ ਭਾਜਪਾ ਦੇ ਆਗਾ ਸਈਅਦ ਮੋਹਸਿਨ ਮੋਸਵੀ ਨੂੰ 217 ਵੋਟਾਂ ਪਈਆਂ ਹਨ।
ਜ਼ਿਕਰਯੋਗ ਹੈ ਕਿ ਬਡਗਾਮ ਵਿਧਾਨ ਸਭਾ ਹਲਕੇ ਵਿੱਚ ਲਗਭਗ 1.26 ਰਜਿਸਟਰਡ ਵੋਟਰ ਹਨ। ਪਿਛਲੇ ਸਾਲ ਵਿਧਾਨ ਸਭਾ ਚੋਣਾਂ ਵਿੱਚ ਬਡਗਾਮ ਅਤੇ ਗੰਦਰਬਲ ਦੋਵਾਂ ਨੂੰ ਜਿੱਤਣ ਤੋਂ ਬਾਅਦ ਮੁੱਖ ਮੰਤਰੀ ਉਮਰ ਅਬਦੁੱਲਾ ਵੱਲੋਂ ਬਡਗਾਮ ਸੀਟ ਖਾਲੀ ਕਰਨ ਤੋਂ ਬਾਅਦ ਇਸ ਹਲਕੇ ਵਿੱਚ ਉਪ ਚੋਣ ਜ਼ਰੂਰੀ ਹੋ ਗਈ। ਅਬਦੁੱਲਾ ਨੇ ਆਪਣੇ ਪਰਿਵਾਰਕ ਗੜ੍ਹ ਗੰਦਰਬਲ ਨੂੰ ਚੁਣਿਆ।
ਇਸ ਵਾਰ ਮੈਦਾਨ ਵਿੱਚ 17 ਉਮੀਦਵਾਰ ਹਨ, ਜਿਸ ਵਿੱਚ ਸੱਤਾਧਾਰੀ ਨੈਸ਼ਨਲ ਕਾਨਫਰੰਸ ਦੇ ਆਗਾ ਸਈਦ ਮਹਿਮੂਦ ਨੂੰ ਪੀਡੀਪੀ (ਪੀਪਲਜ਼ ਡੈਮੋਕ੍ਰੇਟਿਕ ਪਾਰਟੀ) ਦੇ ਆਗਾ ਮੁੰਤਜ਼ੀਰ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੋ ਸ਼ੀਆ ਆਗੂਆਂ ਤੋਂ ਇਲਾਵਾ, ਹੋਰ ਪ੍ਰਮੁੱਖ ਉਮੀਦਵਾਰਾਂ ਵਿੱਚ ਭਾਰਤੀ ਜਨਤਾ ਪਾਰਟੀ ਦੇ ਸਈਦ ਮੋਹਸਿਨ, ਅਵਾਮੀ ਇੱਤੇਹਾਦ ਪਾਰਟੀ ਦੇ ਨਜ਼ੀਰ ਅਹਿਮਦ ਖਾਨ, ਆਮ ਆਦਮੀ ਪਾਰਟੀ ਦੇ ਦੀਬਾ ਖਾਨ ਅਤੇ ਆਜ਼ਾਦ ਉਮੀਦਵਾਰ ਮੁੰਤਜ਼ੀਰ ਮੋਹੀਉਦੀਨ ਸ਼ਾਮਲ ਹਨ।
ਦਿੱਲੀ ਧਮਾਕੇ ਦੇ ਮੁੱਖ ਮੁਲਜ਼ਮ ਡਾ. ਉਮਰ ਖ਼ਿਲਾਫ਼ ਵੱਡੀ ਕਾਰਵਾਈ ! ਫੋਰਸਾਂ ਨੇ ਢਹਿ-ਢੇਰੀ ਕਰ'ਤਾ ਘਰ
NEXT STORY 
