ਨੈਸ਼ਨਲ ਡੈਸਕ- ਕੋਚੀ ਮੈਟਰੋ ਦੇ ਇੱਕ ਉੱਚੇ ਪਿੱਲਰ 'ਤੇ ਫਸੀ ਬਿੱਲੀ ਨੂੰ ਐਤਵਾਰ ਤੜਕੇ ਇੱਕ ਵੱਡੇ ਆਪਰੇਸ਼ਨ ਤੋਂ ਬਾਅਦ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਇਹ ਬਿੱਲੀ ਪਿਛਲੇ ਤਿੰਨ ਦਿਨਾਂ ਤੋਂ ਕਾਲੂਰ ਸਥਿਤ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਮੈਟਰੋ ਸਟੇਸ਼ਨ ਦੇ ਕੋਲ ਇੱਕ ਪਿੱਲਰ 'ਤੇ ਫਸੀ ਹੋਈ ਸੀ।
ਸਭ ਤੋਂ ਪਹਿਲਾਂ ਇਲਾਕੇ ਦੇ ਆਟੋ ਰਿਕਸ਼ਾ ਚਾਲਕਾਂ ਨੇ ਬਿੱਲੀ ਨੂੰ ਉਚਾਈ 'ਤੇ ਫਸਿਆ ਦੇਖਿਆ। ਵੀਰਵਾਰ ਤੋਂ ਹੀ ਉਸ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਹੋ ਰਹੀਆਂ ਸਨ, ਪਰ ਬਿੱਲੀ ਡਰ ਕੇ ਲੁਕ ਜਾਂਦੀ ਸੀ। ਸ਼ਨੀਵਾਰ ਨੂੰ ਪਸ਼ੂ ਕਰੂਰਤਾ ਰੋਕੂ ਸੰਸਥਾ (SPCA) ਅਤੇ ਫਾਇਰ ਬ੍ਰਿਗੇਡ ਨੇ ਸਾਂਝਾ ਆਪਰੇਸ਼ਨ ਚਲਾਇਆ। ਬਿੱਲੀ ਨੂੰ ਬਚਾਉਣ ਲਈ ਕੋਚੀ ਮੈਟਰੋ ਨੇ ਲਗਭਗ 15 ਮਿੰਟ ਲਈ ਬਿਜਲੀ ਦੀ ਸਪਲਾਈ ਵੀ ਬੰਦ ਰੱਖੀ, ਪਰ ਉਸ ਸਮੇਂ ਸਫਲਤਾ ਨਹੀਂ ਮਿਲੀ।
ਇਹ ਵੀ ਪੜ੍ਹੋ- ਸ਼ਹਿਰਾਂ ਦੇ ਸ਼ਹਿਰ ਹੋ ਜਾਣਗੇ ਖ਼ਤਮ, ਮਚੇਗੀ ਤਬਾਹੀ ! NASA ਦੇ ਵਿਗਿਆਨੀਆਂ ਨੇ ਦੇ'ਤੀ ਚਿਤਾਵਨੀ
ਜਦੋਂ ਮੈਟਰੋ ਦੀਆਂ ਸੇਵਾਵਾਂ ਰਾਤ ਨੂੰ ਬੰਦ ਹੋਈਆਂ, ਤਾਂ ਲਗਭਗ 1 ਵਜੇ ਦੋ ਬਚਾਅ ਕਰਮੀ ਜਾਲ ਅਤੇ ਬਕਸੇ ਲੈ ਕੇ ਪਿੱਲਰ ਦੇ ਉੱਪਰ ਚੜ੍ਹੇ। ਇਸ ਵਾਰ ਉਨ੍ਹਾਂ ਨੇ ਬਿੱਲੀ ਨੂੰ ਸੁਰੱਖਿਅਤ ਕਾਬੂ ਕਰ ਲਿਆ। ਜਿਵੇਂ ਹੀ ਬਿੱਲੀ ਨੂੰ ਹੇਠਾਂ ਉਤਾਰਿਆ ਗਿਆ, ਉੱਥੇ ਮੌਜੂਦ ਭਾਰੀ ਭੀੜ ਨੇ ਖੁਸ਼ੀ ਵਿੱਚ ਨਾਅਰੇ ਲਗਾਏ ਅਤੇ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ। ਬਿੱਲੀ ਨੂੰ ਫਿਲਹਾਲ ਪਸ਼ੂ ਪੁਨਰਵਾਸ ਕੇਂਦਰ ਭੇਜ ਦਿੱਤਾ ਗਿਆ ਹੈ, ਜਿੱਥੇ ਉਸ ਦੀ ਸਿਹਤ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਲੋਕ ਮੈਟਰੋ ਪ੍ਰਸ਼ਾਸਨ ਅਤੇ ਰੈਸਕਿਊ ਟੀਮ ਦੀ ਇਸ ਸੰਵੇਦਨਸ਼ੀਲਤਾ ਦੀ ਖੂਬ ਸ਼ਲਾਘਾ ਕਰ ਰਹੇ ਹਨ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਦੇਸ਼ ਨੂੰ ਦਹਿਲਾ ਦੇਣ ਵਾਲੇ ਅੱਤਵਾਦੀ ਹਮਲੇ ਦੀ ਸਾਜ਼ਿਸ਼ ਨਾਕਾਮ! ਤਮਿਲਨਾਡੂ ਤੋਂ 6 ਸ਼ੱਕੀ ਗ੍ਰਿਫ਼ਤਾਰ
NEXT STORY 
