ਕੇਰਲ— ਕੇਰਲ 'ਚ ਕੋਰੋਨਾ ਵਾਇਰਸ ਦਾ ਇਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਹਾਲ ਹੀ 'ਚ ਇਟਲੀ ਦੀ ਯਾਤਰਾ ਕਰ ਕੇ ਆਏ 3 ਸਾਲਾ ਬੱਚੇ 'ਚ ਕੋਰੋਨਾ ਦਾ ਟੈਸਟ ਪਾਜੀਟਿਵ ਆਇਆ ਹੈ। ਬੱਚੇ ਨੂੰ ਏਨਾਰਕੁਲਮ ਮੈਡੀਕਲ ਕਾਲਜ 'ਚ ਆਈਸੋਲੇਸ਼ਨ ਵਾਰਡ 'ਚ ਰੱਖਿਆ ਗਿਆ ਹੈ। ਦੱਸਣਯੋਗ ਹੈ ਕਿ ਐਤਵਾਰ ਨੂੰ ਇਕ ਪਰਿਵਾਰ ਦੇ 5 ਲੋਕਾਂ 'ਚ ਕੋਰੋਨਾ ਦਾ ਟੈਸਟ ਪਾਜੀਟਿਵ ਪਾਇਆ ਗਿਆ ਸੀ। ਦੇਸ਼ 'ਚ ਹੁਣ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ 41 ਹੋ ਗਈ ਹੈ।
ਕੇਰਲ 'ਚ 5 ਹੋਰ ਲੋਕ ਕੋਰੋਨਾ ਵਾਇਰਸ ਨਾਲ ਇਨਫੈਕਟਡ ਪਾਏ ਗਏ ਹਨ। ਇਨ੍ਹਾਂ 'ਚੋਂ ਤਿੰਨ ਲੋਕ ਹਾਲ ਹੀ 'ਚ ਇਟਲੀ ਤੋਂ ਆਏ ਹਨ। ਰਾਜ ਦੀ ਸਿਹਤ ਮੰਤਰੀ ਕੇ.ਕੇ. ਸ਼ੈਲਜਾ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਹ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਰਾਜ 'ਚ ਸਾਵਧਾਨੀ ਵਰਤੀ ਜਾ ਰਹੀ ਹੈ। ਸਿਹਤ ਮੰਤਰੀ ਨੇ ਕਿਹਾ ਕਿ ਕਰੀਬ ਇਕ ਹਫ਼ਤੇ ਪਹਿਲਾਂ ਇਟਲੀ ਤੋਂ ਆਇਆ ਜੋੜਾ ਅਤੇ ਉਨ੍ਹਾਂ ਦਾ ਬੇਟਾ ਹਵਾਈ ਅੱਡੇ 'ਤੇ ਸਿਹਤ ਜਾਂਚ ਤੋਂ ਬਚ ਨਿਕਲਿਆ ਸੀ, ਜਦੋਂ ਕਿ ਇਨਫੈਕਟਡ ਮਿਲੇ, 2 ਹੋਰ ਲੋਕ ਉਨ੍ਹਾਂ ਦੇ ਰਿਸ਼ਤੇਦਾਰ ਹਨ। ਇਹ ਸਾਰੇ ਲੋਕ ਪਥਨਾਮਥਿੱਟਾ ਜ਼ਿਲੇ ਦੇ ਰਹਿਣ ਵਾਲੇ ਹਨ। ਫਿਲਹਾਲ ਉਨ੍ਹਾਂ ਦੀ ਹਾਲਤ ਸਥਿਰ ਹੈ। ਇਸ ਤੋਂ ਪਹਿਲਾਂ ਵੀ ਰਾਜ 'ਚ ਤਿੰਨ ਲੋਕ ਵਾਇਰਸ ਨਾਲ ਇਨਫੈਕਟਡ ਪਾਏ ਗਏ ਸਨ। ਤਿੰਨਾਂ ਨੂੰ ਇਲਾਜ ਤੋਂ ਬਾਅਦ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਸੀ।
ਲੋਕਾਂ ਨੇ ਸਪਨਾ ਚੌਧਰੀ ਦੇ ਸਟੇਜ 'ਤੇ ਮਾਰੇ ਪੱਥਰ, ਅੱਧ 'ਚ ਸ਼ੋਅ ਕੀਤਾ ਬੰਦ
NEXT STORY