ਭੁਵਨੇਸ਼ਵਰ — ਓਡੀਸ਼ਾ ਸਰਕਾਰ ਨੇ ਪੁਰੀ 'ਚ ਜਗਨਨਾਥ ਮੰਦਰ ਦੀ ਚਾਰਦੀਵਾਰੀ ਮੇਘਨਾਦ ਪਚੇਰੀ 'ਚ ਤਰੇੜਾਂ ਦੀ ਮੁਰੰਮਤ ਲਈ ਭਾਰਤੀ ਪੁਰਾਤੱਤਵ ਸਰਵੇਖਣ (ਏ.ਐੱਸ.ਆਈ.) ਤੋਂ ਮਦਦ ਮੰਗੀ ਹੈ। ਮੰਦਰ ਦੇ ਸੇਵਾਦਾਰਾਂ ਨੇ ਚਿੰਤਾ ਜ਼ਾਹਰ ਕੀਤੀ ਹੈ ਕਿ ਆਨੰਦਬਾਜ਼ਾਰ ਤੋਂ ਆ ਰਿਹਾ ਗੰਦਾ ਪਾਣੀ ਇਨ੍ਹਾਂ ਤਰੇੜਾਂ ਰਾਹੀਂ ਇਸ ਦੇ ਅੰਦਰ ਵੜ ਰਿਹਾ ਹੈ। ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਕੰਧ ਦੇ ਕੁਝ ਹਿੱਸਿਆਂ 'ਤੇ ਐਲਗੀ ਦੇ ਧੱਬੇ ਦਿਖਾਈ ਦੇਣ ਲੱਗੇ ਹਨ।
12ਵੀਂ ਸਦੀ ਦੇ ਮੰਦਰ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ, ਸ਼੍ਰੀ ਜਗਨਨਾਥ ਮੰਦਰ ਪ੍ਰਸ਼ਾਸਨ (ਐਸ.ਜੇ.ਟੀ.ਏ.) ਨੇ ਏ.ਐਸ.ਆਈ. ਨੂੰ ਕੰਧ 'ਤੇ ਜ਼ਰੂਰੀ ਸੰਭਾਲ ਦਾ ਕੰਮ ਕਰਨ ਦੀ ਬੇਨਤੀ ਕੀਤੀ ਹੈ। ਐਸ.ਜੇ.ਟੀ.ਏ. ਦੇ ਮੁੱਖ ਪ੍ਰਸ਼ਾਸਕ ਅਰਬਿੰਦ ਪਾਧੀ ਨੇ ਐਤਵਾਰ ਨੂੰ ਕਿਹਾ, “ਅਸੀਂ ਮੇਘਨਾਦ ਪਚੇਰੀ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਾਂ। ਏ.ਐਸ.ਆਈ. ਅਧਿਕਾਰੀਆਂ ਅਤੇ ਸਾਡੀ ਤਕਨੀਕੀ ਟੀਮ ਨੇ ਪਹਿਲਾਂ ਹੀ ਚਾਰਦੀਵਾਰੀ ਦਾ ਮੁਆਇਨਾ ਕੀਤਾ ਹੈ ਅਤੇ ਸਾਨੂੰ ਆਸ ਹੈ ਕਿ ਏ.ਐਸ.ਆਈ. ਜਲਦੀ ਹੀ ਜ਼ਰੂਰੀ ਮੁਰੰਮਤ ਦਾ ਕੰਮ ਪੂਰਾ ਕਰੇਗਾ।"
SJTA ਰਾਜ ਦੇ ਕਾਨੂੰਨ ਵਿਭਾਗ ਅਧੀਨ ਆਉਂਦਾ ਹੈ। ਕਾਨੂੰਨ ਮੰਤਰੀ ਪ੍ਰਿਥਵੀਰਾਜ ਹਰੀਚੰਦਨ ਨੇ ਸਥਿਤੀ ਦੀ ਗੰਭੀਰਤਾ ਨੂੰ ਦੁਹਰਾਇਆ ਅਤੇ ਕਿਹਾ ਕਿ ਮੁਰੰਮਤ ਤੁਰੰਤ ਸ਼ੁਰੂ ਕੀਤੀ ਜਾਵੇਗੀ ਤਾਂ ਜੋ ਹੋਰ ਸਮੱਸਿਆਵਾਂ ਪੈਦਾ ਹੋਣ ਤੋਂ ਬਚ ਸਕਣ। ਉਨ੍ਹਾਂ ਨੇ ਸਾਬਕਾ ਬੀਜਦ ਸਰਕਾਰ ਦੁਆਰਾ ਮੰਦਰ ਕੰਪਲੈਕਸ ਦੇ ਆਲੇ ਦੁਆਲੇ ਪਿਛਲੇ ਨਿਰਮਾਣ ਅਤੇ ਢਾਹੁਣ ਦੀਆਂ ਗਤੀਵਿਧੀਆਂ ਦੇ ਪ੍ਰਭਾਵ ਨੂੰ ਦਰਸਾਉਂਦੇ ਹੋਏ ਕਿਹਾ, "ਅਤੀਤ ਵਿੱਚ ਕੁਝ ਗਲਤੀਆਂ ਦੇ ਕਾਰਨ, ਅਜਿਹੀਆਂ ਸਮੱਸਿਆਵਾਂ ਪੈਦਾ ਹੋਈਆਂ ਹਨ।"
ਪੂਰਾ ਟੱਬਰ ਹੀ ਹੋ ਗਿਆ ਤਬਾਹ ; ਚੱਲਦੀ ਕਾਰ ਨੂੰ ਲੱਗ ਗਈ ਅੱਗ, 2 ਮਾਸੂਮ ਬੱਚੀਆਂ ਤੇ ਪਿਓ ਦੀ ਹੋਈ ਦਰਦਨਾਕ ਮੌ.ਤ
NEXT STORY 
