ਫਰੀਦਾਬਾਦ- ਹਰਿਆਣਾ ਦੇ ਫਰੀਦਾਬਾਦ ਵਿਚ ਨੂੰਹ ਦਾ ਕਤਲ ਕਰ ਕੇ ਲਾਸ਼ ਨੂੰ ਘਰ ਦੇ ਬਾਹਰ ਦਫ਼ਨਾਉਣ ਦੇ ਮਾਮਲੇ ਦੀ ਜਾਂਚ 'ਚ ਵੱਡਾ ਖ਼ੁਲਾਸਾ ਹੋਇਆ ਹੈ। ਦਰਅਸਲ ਸਹੁਰੇ ਨੇ ਕਤਲ ਕਰਨ ਤੋਂ ਪਹਿਲਾਂ ਨੂੰਹ ਨਾਲ ਜਬਰ-ਜ਼ਿਨਾਹ ਕੀਤਾ ਸੀ। ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ। ਪੁਲਸ ਨੇ ਦੱਸਿਆ ਕਿ ਨੂੰਹ ਦੇ ਕਤਲ ਵਿਚ ਸੱਸ ਵੀ ਸ਼ਾਮਲ ਸੀ ਅਤੇ ਉਸ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਪੁਲਸ ਮੁਤਾਬਕ ਮ੍ਰਿਤਕਾ ਦਾ ਪਤੀ ਅਰੁਣ ਘਟਨਾ ਮਗਰੋਂ ਫਰਾਰ ਹੈ ਅਤੇ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਮੁੱਖ ਦੋਸ਼ੀ ਭੂਪ ਸਿੰਘ (ਸਹੁਰੇ) ਨੂੰ ਅਪਰਾਧ ਸ਼ਾਖਾ ਨੇ ਫਿਰ ਤੋਂ ਤਿੰਨ ਦਿਨ ਦੀ ਰਿਮਾਂਡ 'ਤੇ ਲਿਆ ਹੈ। ਪੁੱਛਗਿੱਛ ਦੌਰਾਨ ਸਹੁਰੇ ਨੇ ਖੁਲਾਸਾ ਕੀਤਾ ਕਿ ਕਤਲ ਦੀ ਯੋਜਨਾ ਪਹਿਲਾਂ ਹੀ ਬਣਾ ਲਈ ਗਈ ਸੀ।
ਇਹ ਵੀ ਪੜ੍ਹੋ- ਪਤਨੀ ਦੀ ਹੱਤਿਆ ਕਰ ਕੇ 10 ਫੁੱਟ ਡੂੰਘੇ ਟੋਏ ’ਚ ਦੱਬੀ ਲਾਸ਼
ਪਤੀ ਨੇ ਖਾਣੇ 'ਚ ਮਿਲਾਈਆਂ ਸਨ ਨੀਂਦ ਦੀਆਂ ਗੋਲੀਆਂ
ਮਾਮਲੇ ਦੀ ਜਾਂਚ ਵਿਚ ਸ਼ਾਮਲ ਇਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ 24 ਸਾਲਾ ਤੰਨੂ ਦੇ ਕਤਲ ਦੀ ਯੋਜਨਾ 15 ਅਪ੍ਰੈਲ ਨੂੰ ਬਣਾਈ ਸੀ ਅਤੇ ਉਸ ਦੇ ਪਤੀ ਤੇ ਸੱਸ ਵੀ ਇਸ ਯੋਜਨਾ ਵਿਚ ਸ਼ਾਮਲ ਸਨ। ਪੁੱਛਗਿੱਛ ਦੌਰਾਨ ਭੂਪ ਸਿੰਘ ਨੇ ਖ਼ੁਲਾਸਾ ਕੀਤਾ ਕਿ ਯੋਜਨਾ ਮੁਤਾਬਕ ਸੱਸ ਨੂੰ 15 ਅਪ੍ਰੈਲ ਨੂੰ ਉੱਤਰ ਪ੍ਰਦੇਸ਼ ਦੇ ਏਟਾ ਵਿਚ ਆਪਣੀ ਭਤੀਜੀ ਦੇ ਵਿਆਹ ਵਿਚ ਸ਼ਾਮਲ ਹੋਣ ਲਈ ਭੇਜ ਦਿੱਤਾ ਗਿਆ ਸੀ। ਪੁਲਸ ਮੁਤਾਬਕ 21 ਅਪ੍ਰੈਲ ਨੂੰ ਅਰੁਣ ਨੇ ਆਪਣੀ ਪਤਨੀ ਤੰਨੂ ਅਤੇ ਭੈਣ ਕਾਲਜ ਦੀ ਰੋਟੀ ਵਿਚ ਨੀਂਦ ਦੀਆਂ ਗੋਲੀਆਂ ਮਿਲਾ ਦਿੱਤੀਆਂ ਸਨ। ਖਾਣਾ ਖਾਣ ਮਗਰੋਂ ਦੋਵੇਂ ਹੀ ਹੇਠਲੀ ਅਤੇ ਪਹਿਲੀ ਮੰਜ਼ਿਲ 'ਚ ਆਪਣੇ-ਆਪਣੇ ਕਮਰਿਆਂ ਵਿਚ ਗਹਿਰੀ ਨੀਂਦ ਸੌਂ ਗਈਆਂ।
ਇਹ ਵੀ ਪੜ੍ਹੋ- PUBG ਕਾਰਨ ਘਰ ਬਣਿਆ ਜੰਗ ਦਾ ਮੈਦਾਨ! ਪਤਨੀ ਦੀ ਧਮਕੀ- 'ਰੋਕਿਆ ਤਾਂ ਕਰ ਦਿਆਂਗੀ 55 ਟੁਕੜੇ'
ਸਹੁਰੇ ਨੇ ਨੂੰਹ ਦੇ ਕਤਲ ਤੋਂ ਪਹਿਲਾਂ ਕੀਤਾ ਸੀ ਜਬਰ-ਜ਼ਿਨਾਹ
ਪੁਲਸ ਦੇ ਇਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਇਹ ਤੈਅ ਹੋਇਆ ਕਿ ਸਹੁਰਾ ਇਕੱਲੇ ਹੀ ਤੰਨੂ ਦਾ ਕਤਲ ਕਰੇਗਾ ਅਤੇ ਅਰੁਣ ਹੇਠਲੀ ਮੰਜ਼ਿਲ 'ਤੇ ਬਣੇ ਕਮਰੇ ਵਿਚ ਚੱਲਾ ਗਿਆ। ਫਿਰ ਸਹੁਰਾ ਭੂਪ ਸਿੰਘ ਤੰਨੂ ਦੇ ਕਮਰੇ ਵਿਚ ਗਿਆ ਅਤੇ ਚੁੰਨੀ ਨਾਲ ਉਸ ਦਾ ਗਲ਼ ਘੁੱਟਣ ਹੀ ਵਾਲਾ ਸੀ ਪਰ ਬੇਹੋਸ਼ ਨੂੰਹ ਨੂੰ ਮਾਰਨ ਤੋਂ ਪਹਿਲਾਂ ਦੋਸ਼ੀ ਸਹੁਰੇ ਨੇ ਉਸ ਨਾਲ ਜਬਰ-ਜ਼ਿਨਾਹ ਕੀਤਾ। ਅਧਿਕਾਰੀ ਨੇ ਦੱਸਿਆ ਕਿ ਭੂਪ ਸਿੰਘ ਨੇ ਆਪਣੇ ਪੁੱਤਰ ਅਤੇ ਪਤਨੀ ਨੂੰ ਜਬਰ-ਜ਼ਿਨਾਹ ਬਾਰੇ ਨਹੀਂ ਦੱਸਿਆ। ਉਨ੍ਹਾਂ ਨੇ ਦੱਸਿਆ ਕਿ ਕੁਝ ਦੇਰ ਬਾਅਦ ਮੁੱਖ ਦੋਸ਼ੀ ਨੇ ਅਰੁਣ ਨੂੰ ਉੱਪਰ ਕਮਰੇ ਵਿਚ ਬੁਲਾਇਆ ਅਤੇ ਦੋਵਾਂ ਨੇ ਲਾਸ਼ ਨੂੰ ਚੁੱਕ ਕੇ ਗਲੀ ਵਿਚ ਪਹਿਲਾਂ ਤੋਂ ਪੁੱਟੇ ਟੋਏ ਵਿਚ ਸੁੱਟ ਦਿੱਤਾ।
ਇਹ ਵੀ ਪੜ੍ਹੋ- ਸਾਂਵਲਾ ਰੰਗ ਬਣ ਗਿਆ ਜਾਨ ਦਾ ਦੁਸ਼ਮਣ ! ਤਾਅਨਿਆਂ ਤੋਂ ਤੰਗ ਆ ਕੇ ਕੁੜੀ ਨੇ ਜੋ ਕੀਤਾ, ਸੁਣ ਉੱਡ ਜਾਣਗੇ ਹੋਸ਼
ਗੁਆਂਢੀਆਂ ਨੂੰ ਕਿਹਾ ਸੀਵਰ ਬਣਾਉਣ ਲਈ ਪੁੱਟਿਆ ਗਿਆ
ਅਧਿਕਾਰੀ ਨੇ ਦੱਸਿਆ ਕਿ ਦੋਵੇਂ ਦੋਸ਼ੀਆਂ ਨੇ ਲਾਸ਼ ਦੇ ਉੱਪਰ ਇੱਟਾਂ ਅਤੇ ਮਿੱਟੀ ਪਾ ਦਿੱਤੀ। ਆਂਢ-ਗੁਆਂਢ ਦੇ ਲੋਕਾਂ ਨੂੰ ਦੱਸਿਆ ਗਿਆ ਕਿ ਟੋਇਆ ਸੀਵਰ ਬਣਾਉਣ ਲਈ ਪੁੱਟਿਆ ਗਿਆ ਹੈ। ਨਾਇਬ ਤਹਿਸੀਲਦਾਰ ਜਸਵੰਤ ਸਿੰਘ ਦੇ ਸਾਹਮਣੇ ਟੋਇਆ ਪੁੱਟਿਆ ਗਿਆ ਅਤੇ ਤੰਨੂ ਦੀ ਲਾਸ਼ ਬਾਹਰ ਕੱਢੀ ਗਈ। ਸਹੁਰੇ ਪੱਖ ਦੇ ਚਾਰ ਲੋਕਾਂ- ਭੂਪ ਸਿੰਘ, ਸੱਸ ਸੋਨੀਆ, ਪੁੱਤਰ ਅਰੁਣ ਸਿੰਘ ਅਤੇ ਧੀ ਕਾਜਲ ਖਿਲਾਫ਼ ਪੱਲਾ ਥਾਣੇ ਵਿਚ FIR ਦਰਜ ਕਰਵਾਈ ਗਈ ਹੈ। ਤੰਨੂ ਦੇ ਕਤਲ 'ਤੇ ਸਹੁਰੇ ਪੱਖ ਦੇ ਲੋਕਾਂ ਨੇ ਲਾਸ਼ ਨੂੰ ਘਰ ਦੇ ਸਾਹਮਣੇ ਹੀ ਦਫ਼ਨਾ ਦਿੱਤਾ ਸੀ। ਸਹੁਰੇ ਪੱਖ ਦੇ ਲੋਕਾਂ ਨੇ ਕਰੀਬ ਦੋ ਮਹੀਨੇ ਤੱਕ ਗੁਮਸ਼ੁੰਦਗੀ ਦੀ ਰਿਪੋਰਟ ਦਰਜ ਕਰਵਾ ਕੇ ਮਾਮਲੇ ਨੂੰ ਲੁਕਾ ਕੇ ਰੱਖਿਆ। ਉੱਤਰ ਪ੍ਰਦੇਸ਼ ਦੇ ਫਿਰੋਜ਼ਾਬਾਦ ਜ਼ਿਲ੍ਹੇ ਦੇ ਸ਼ਿਕੋਹਾਬਾਦ ਦੀ ਰਹਿਣ ਵਾਲੀ ਤੰਨੂ ਦਾ ਵਿਆਹ ਦੋ ਸਾਲ ਪਹਿਲਾਂ ਰੋਸ਼ਨ ਨਗਰ ਇਲਾਕੇ ਵਿਚ ਰਹਿਣ ਵਾਲੇ ਅਰੁਣ ਸਿੰਘ ਨਾਲ ਹੋਇਆ ਸੀ।
ਇਹ ਵੀ ਪੜ੍ਹੋ- 'ਚਾਹੇ ਪਤਨੀ ਕਮਾਉਂਦੀ ਹੈ ਫਿਰ ਵੀ...', ਗੁਜ਼ਾਰਾ ਭੱਤੇ 'ਤੇ ਹਾਈ ਕੋਰਟ ਦੀ ਸਖ਼ਤ ਟਿੱਪਣੀ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਜਗਨਨਾਥ ਮੰਦਰ ਦੇ ਖੁੱਲ੍ਹਣ ਨਾਲ ਹੋਟਲਾਂ 'ਚ ਠਹਿਰਨ ਵਾਲੇ ਲੋਕਾਂ ਦੀ ਗਿਣਤੀ 'ਚ 20% ਵਾਧਾ
NEXT STORY 
