ਨਵੀਂ ਦਿੱਲੀ : ਬੁੱਧੀਜੀਵੀ ਵਰਗ ਹਮੇਸ਼ਾ ਟਵਿੱਟਰ 'ਤੇ ਕਿਸੇ ਨਾ ਕਿਸੇ ਮੁੱਦੇ ਨੂੰ ਲੈ ਆਉਂਦਾ ਹੈ ਅਤੇ ਵੇਖਦੇ ਹੀ ਵੇਖਦੇ ਕਈ ਲੋਕ ਆ ਕੇ ਇਸ 'ਤੇ ਬਹਿਸ ਕਰਣ ਲੱਗ ਜਾਂਦੇ ਹਨ। ਓਪਨ ਪਲੇਟਫੋਰਮ ਹੋਣ ਦੀ ਵਜ੍ਹਾ ਨਾਲ ਪੱਖ-ਵਿਰੋਧੀ ਸਾਰੇ ਆਪਣੀ-ਆਪਣੀ ਪ੍ਰਤੀਕਿਰਿਆ ਦਿੰਦੇ ਹਨ। ਇਸ ਕ੍ਰਮ ਵਿੱਚ ਇੱਕ ਨਵਾਂ ਮੁੱਦਾ ਟਵਿੱਟਰ 'ਤੇ ਟ੍ਰੈਂਡ ਹੋ ਰਿਹਾ ਹੈ ਭਾਰਤ ਰਤਨ ਨੂੰ ਲੈ ਕੇ, ਇਸ ਗੱਲ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਬਹਿਸ ਵੀ ਛਿੜ ਗਈ।
ਦਰਅਸਲ ਸੋਸ਼ਲ ਮੀਡੀਆ 'ਤੇ ਸ਼ਾਮ 6 ਵਜੇ ਅਜੀਤ ਡੋਭਾਲ ਨੂੰ ਭਾਰਤ ਰਤਨ ਦੇਣ ਦੀ ਵਕਾਲਤ ਕਰਦੇ ਹੋਏ ਅੱਧੇ ਘੰਟੇ ਦਾ ਇੱਕ ਵੀਡੀਓ ਲਿੰਕ ਸ਼ੇਅਰ ਹੋਇਆ। ਇਸ ਦੇ ਸਮਰਥਨ ਵਿੱਚ 3500 ਤੋਂ ਜ਼ਿਆਦਾ ਲੋਕ ਆ ਗਏ ਅਤੇ ਲੱਗਭੱਗ ਲਾਈਕ ਵੀ ਮਿਲੇ ਹਨ ਅਤੇ 10 ਲੱਖ ਲੋਕਾਂ ਨੇ ਇਸ ਵੀਡੀਓ ਨੂੰ ਯੂ-ਟਿਊਬ 'ਤੇ ਵੇਖਿਆ ਹੈ।
ਵੀਡੀਓ ਵਿੱਚ ਕਿਹਾ ਗਿਆ ਕਿ ਜਿਸ ਤਰ੍ਹਾਂ ਕੋਰੋਨਾ ਤੋਂ ਬਚਣ ਲਈ ਇੰਮਿਉਨਿਟੀ ਦਾ ਹੋਣਾ ਜ਼ਰੂਰੀ ਹੈ ਉਸੇ ਤਰ੍ਹਾਂ ਇੰਟਰਨਲ ਸਕਿਊਰਿਟੀ ਲਈ ਅਜੀਤ ਡੋਭਾਲ ਦਾ ਹੋਣਾ ਬਹੁਤ ਜ਼ਰੂਰੀ ਹੈ। ਕੰਧਾਰ, ਉੜੀ ਤੋਂ ਲੈ ਕੇ ਕਈ ਸਾਰੇ ਸਫਲ ਅਭਿਆਨਾਂ ਅਤੇ 2 ਦਿਨ ਦੇ ਅੰਦਰ ਅਭਿਨੰਦਨ ਦੀ ਘਰ ਵਾਪਸੀ ਕਰਾ ਕੇ ਅਜੀਤ ਡੋਭਾਲ ਨੇ ਦੇਸ਼ ਦਾ ਮਾਣ ਵਧਾਇਆ ਹੈ। ਇਨ੍ਹਾਂ ਕਾਰਣਾਂ ਕਰਕੇ ਇਨ੍ਹਾਂ ਨੂੰ ਭਾਰਤ ਰਤਨ ਦਿੱਤਾ ਜਾਣਾ ਚਾਹੀਦਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਰਤਨ ਟਾਟਾ ਨੂੰ ਵੀ ਇਸ ਤਰੀਕੇ ਨਾਲ ਭਾਰਤ ਰਤਨ ਦੇਣ ਦੀ ਮੰਗ ਚੁੱਕੀ ਗਈ ਸੀ ਅਤੇ ਇਹ ਵੇਖਦੇ ਹੀ ਵੇਖਦੇ ਵਾਇਰਲ ਹੋ ਗਿਆ ਪਰ ਰਤਨ ਟਾਟਾ ਨੇ ਇਸ ਦੀ ਤਾਰੀਫ਼ ਕਰਦੇ ਹੋਏ ਅਪੀਲ ਕੀਤੀ ਸੀ ਕਿ ਅਜਿਹੇ ਅਭਿਆਨ ਬੰਦ ਹੋਣ। ਹੁਣ ਤੱਕ ਅਜੀਤ ਡੋਭਾਲ ਦੀ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।
ਕੋਰੋਨਾ: ਮੋਦੀ ਸਰਕਾਰ ਦਾ ਫੈਸਲਾ, ਗਰੀਬਾਂ ਨੂੰ ਮਿਲੇਗਾ ਦੋ ਮਹੀਨੇ ਮੁਫਤ ਰਾਸ਼ਨ
NEXT STORY 
