ਕਿਸ ਦਿਨ ਹੈ ਦੀਵਾਲੀ, 20 ਜਾਂ 21 ਅਕਤੂਬਰ, ਜਾਣੋ ਪੰਜ ਦਿਨਾਂ ਤਿਉਹਾਰ ਦਾ ਪੂਰਾ ਕੈਲੰਡਰ

Edited By DILSHER,
Updated: 14 Oct, 2025 02:12 PM

ਜਲੰਧਰ : ਹਿੰਦੂਆਂ ਦੇ ਪ੍ਰਮੁੱਖ ਤਿਉਹਾਰਾਂ ਵਿੱਚੋਂ ਇੱਕ, ਦੀਵਾਲੀ ਦਾ ਤਿਉਹਾਰ ਦੇਸ਼ ਭਰ ਵਿੱਚ ਬੜੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਹ ਪੰਜ ਦਿਨਾਂ ਦਾ ਮਹੱਤਵਪੂਰਨ ਉਤਸਵ ਹੈ, ਜੋ ਧਨਤੇਰਸਤੋਂ ਸ਼ੁਰੂ ਹੋ ਕੇ ਭਾਈ ਦੂਜ 'ਤੇ ਸਮਾਪਤ ਹੁੰਦਾ ਹੈ।ਇਸ ਵਾਰ ਦੀਵਾਲੀ ਦੀ ਤਰੀਕ ਨੂੰ ਲੈ ਕੇ ਕੁਝ ਉਲਝਣ ਬਣੀ ਹੋਈ ਸੀ ਕਿ ਇਹ 20 ਅਕਤੂਬਰ ਨੂੰ ਮਨਾਈ ਜਾਵੇਗੀ ਜਾਂ 21 ਅਕਤੂਬਰ ਨੂੰ। ਹਾਲਾਂਕਿ, ਕੈਲੰਡਰ ਦੇ ਮੁਤਾਬਕ ਸਹੀ ਤਿਥੀ ਸਪੱਸ਼ਟ ਕਰ ਦਿੱਤੀ ਗਈ ਹੈ। ਦੀਵਾਲੀ ਦਾ ਤਿਉਹਾਰ ਕਾਰਤਿਕ ਮਹੀਨੇ ਦੀ ਕ੍ਰਿਸ਼ਨ ਪੱਖ ਦੀ ਮੱਸਿਆ ਤਿਥੀ ਦੇ ਦਿਨ ਮਨਾਇਆ ਜਾਂਦਾ ਹੈ।

ਦੀਵਾਲੀ 2025 ਦਾ ਪੂਰਾ ਕੈਲੰਡਰ ਅਤੇ ਸ਼ੁੱਭ ਤਰੀਕਾਂ

ਦੀਵਾਲੀ ਦਾ ਪੰਜ ਦਿਨਾਂ ਦਾ ਤਿਉਹਾਰ ਹਰ ਸਾਲ ਨਰਕ ਚਤੁਰਦਸ਼ੀ (ਛੋਟੀ ਦੀਵਾਲੀ) ਤੋਂ ਸ਼ੁਰੂ ਹੋ ਕੇ ਭਾਈ ਦੂਜ 'ਤੇ ਸਮਾਪਤ ਹੁੰਦਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ 5 ਦਿਨਾਂ ਦੇ ਤਿਉਹਾਰ ਦੀ ਸਹੀ ਤਰੀਕਾਂ:

1. ਧਨਤੇਰਸ : 19 ਅਕਤੂਬਰ

ਤ੍ਰਯੋਦਸ਼ੀ ਤਿਥੀ ਦਾ ਆਰੰਭ 18 ਅਕਤੂਬਰ (ਸ਼ਨੀਵਾਰ) ਨੂੰ ਦੁਪਹਿਰ 12 ਵਜ ਕੇ 20 ਮਿੰਟ 'ਤੇ ਹੋਵੇਗਾ।
ਇਸਦਾ ਸਮਾਪਨ 19 ਅਕਤੂਬਰ (ਐਤਵਾਰ) ਨੂੰ ਦੁਪਹਿਰ 1 ਵਜ ਕੇ 52 ਮਿੰਟ 'ਤੇ ਹੋਵੇਗਾ।
ਪ੍ਰਦੋਸ਼ ਕਾਲ ਵਿੱਚ ਤ੍ਰਯੋਦਸ਼ੀ ਤਿਥੀ ਹੋਣ ਕਾਰਨ, ਧਨਤੇਰਸ ਦਾ ਤਿਉਹਾਰ 19 ਅਕਤੂਬਰ ਨੂੰ ਮਨਾਇਆ ਜਾਵੇਗਾ।

2. ਛੋਟੀ ਦੀਵਾਲੀ/ ਨਰਕ ਚਤੁਰਦਸ਼ੀ : 21 ਅਕਤੂਬਰ

ਚਤੁਰਦਸ਼ੀ ਤਿਥੀ ਦਾ ਆਰੰਭ 19 ਤਰੀਕ ਨੂੰ ਦੁਪਹਿਰ 1 ਵਜ ਕੇ 52 ਮਿੰਟ 'ਤੇ ਹੋਵੇਗਾ ਅਤੇ 20 ਤਰੀਕ ਨੂੰ ਦੁਪਹਿਰ 3 ਵਜ ਕੇ 45 ਮਿੰਟ 'ਤੇ ਸਮਾਪਤ ਹੋਵੇਗੀ।
ਹਾਲਾਂਕਿ, ਛੋਟੀ ਦੀਵਾਲੀ ਦਾ ਤਿਉਹਾਰ 20 ਅਕਤੂਬਰ ਨੂੰ ਮਨਾਇਆ ਜਾਵੇਗਾ।

3. ਦੀਵਾਲੀ : 21 ਅਕਤੂਬਰ

ਅਮਾਵੱਸਿਆ ਤਿਥੀ ਦਾ ਆਰੰਭ 20 ਅਕਤੂਬਰ ਨੂੰ ਦੁਪਹਿਰ 3 ਵਜ ਕੇ 45 ਮਿੰਟ 'ਤੇ ਹੋਵੇਗਾ।
ਅਮਾਵੱਸਿਆ ਤਿਥੀ ਦਾ ਸਮਾਪਨ 21 ਅਕਤੂਬਰ ਨੂੰ ਸ਼ਾਮ 5 ਵਜ ਕੇ 55 ਮਿੰਟ 'ਤੇ ਹੋਵੇਗਾ।
ਅਜਿਹੀ ਸਥਿਤੀ ਵਿੱਚ, ਦੀਵਾਲੀ ਦਾ ਮੁੱਖ ਤਿਉਹਾਰ 21 ਅਕਤੂਬਰ ਨੂੰ ਮਨਾਇਆ ਜਾਵੇਗਾ।
ਵੈਸ਼ਨਵ ਮੱਤ ਮੁਤਾਬਕ ਤਿਓਹਾਰ ਦਿਨ ਚੜ੍ਹਣ ਦੀ ਤਿਥੀ ਦੇ ਮੁਤਾਬਕ ਮਨਾਇਆ ਜਾਂਦਾ ਹੈ, ਜਿਸ ਕਾਰਨ ਅਜਿਹੀ ਸਥਿਤੀ ਵਿੱਚ, ਦੀਵਾਲੀ ਦਾ ਮੁੱਖ ਤਿਉਹਾਰ 21 ਅਕਤੂਬਰ ਨੂੰ ਮਨਾਇਆ ਜਾਵੇਗਾ।

4. ਗੋਵਰਧਨ ਪੂਜਾ/ ਅੰਨਕੂਟ : 22 ਅਕਤੂਬਰ

ਗੋਵਰਧਨ ਅੰਨਕੂਟ ਪੂਜਾ ਪ੍ਰਤਿਪਦਾ ਤਿਥੀ ਦੇ ਦਿਨ ਮਨਾਈ ਜਾਂਦੀ ਹੈ।
ਪ੍ਰਤਿਪਦਾ ਤਿਥੀ 21 ਅਕਤੂਬਰ ਨੂੰ ਸ਼ਾਮ 5 ਵਜ ਕੇ 55 ਮਿੰਟ 'ਤੇ ਲੱਗੇਗੀ ਅਤੇ 22 ਅਕਤੂਬਰ ਨੂੰ ਸ਼ਾਮ 8 ਵਜ ਕੇ 17 ਮਿੰਟ ਤੱਕ ਰਹੇਗੀ।
ਉਦੈ ਤਿਥੀ ਦੇ ਅਨੁਸਾਰ, ਗੋਵਰਧਨ ਦਾ ਤਿਉਹਾਰ 22 ਅਕਤੂਬਰ ਨੂੰ ਹੀ ਮਨਾਇਆ ਜਾਵੇਗਾ।

5. ਭਾਈ ਦੂਜ: 23 ਅਕਤੂਬਰ

ਭਾਈ ਦੂਜ ਦਾ ਤਿਉਹਾਰ ਕਾਰਤਿਕ ਮਾਸ ਦੀ ਦੂਜ ਤਿਥੀ ਦੇ ਦਿਨ ਮਨਾਇਆ ਜਾਂਦਾ ਹੈ।
ਦੂਜ ਤਿਥੀ ਦਾ ਆਰੰਭ 22 ਅਕਤੂਬਰ ਨੂੰ ਰਾਤ 8 ਵਜ ਕੇ 17 ਮਿੰਟ 'ਤੇ ਹੋਵੇਗਾ।
ਇਸਦਾ ਸਮਾਪਨ 23 ਅਕਤੂਬਰ ਨੂੰ ਰਾਤ 10 ਵਜ ਕੇ 47 ਮਿੰਟ 'ਤੇ ਹੋਵੇਗਾ।
ਇਸ ਲਈ, ਭਾਈ ਦੂਜ ਦਾ ਪਵਿੱਤਰ ਤਿਉਹਾਰ 23 ਅਕਤੂਬਰ ਨੂੰ ਮਨਾਇਆ ਜਾਵੇਗਾ।

ਦੀਵਾਲੀ ਦੀ ਰਾਤ ਧਰਤੀ 'ਤੇ ਆਉਂਦੀ ਹੈ ਮਾਂ ਲਕਸ਼ਮੀ

ਬ੍ਰਹਮ ਪੁਰਾਣ ਵਿੱਚ ਇਸ ਤਿਉਹਾਰ ਦੀ ਮਹੱਤਤਾ ਬਾਰੇ ਦੱਸਿਆ ਗਿਆ ਹੈ। ਇਸ ਪੁਰਾਣ ਅਨੁਸਾਰ, 'ਕਾਰਤਿਕ ਦੀ ਮੱਸਿਆ ਨੂੰ ਅੱਧੀ ਰਾਤ ਵੇਲੇ ਮਹਾਰਾਣੀ ਲਕਸ਼ਮੀ ਚੰਗੇ ਘਰਾਂ ਵਿੱਚ विचरण (ਘੁੰਮਣਾ) ਕਰਦੀ ਹੈ'। ਇਸ ਲਈ, ਦੀਪਾਵਲੀ ਅਤੇ ਦੀਪਮਾਲਿਕਾ ਬਣਾਉਣ ਲਈ ਆਪਣੇ ਮਕਾਨਾਂ ਨੂੰ ਹਰ ਤਰ੍ਹਾਂ ਨਾਲ ਸਵੱਛ, ਸ਼ੁੱਧ ਅਤੇ ਸੁਸ਼ੋਭਿਤ ਕਰਨਾ ਚਾਹੀਦਾ ਹੈ, ਜਿਸ ਨਾਲ ਲਕਸ਼ਮੀ ਜੀ ਪ੍ਰਸੰਨ ਹੁੰਦੀ ਹੈ ਅਤੇ ਉਨ੍ਹਾਂ ਵਿੱਚ ਸਥਾਈ ਤੌਰ 'ਤੇ ਨਿਵਾਸ ਕਰਦੀ ਹੈ।