ਨਵੀਂ ਦਿੱਲੀ : ਸੰਸਦੀ ਮਾਮਲਿਆਂ ਬਾਰੇ ਮੰਤਰੀ ਕਿਰੇਨ ਰਿਜਿਜੂ ਨੇ ਮੰਗਲਵਾਰ ਨੂੰ ਲੋਕ ਸਭਾ ਵਿੱਚ ਚੱਲ ਰਹੇ ਸੰਸਦੀ ਰੁਕਾਵਟ ਦੇ ਵਿਚਕਾਰ ਕਿਹਾ ਕਿ ਸਰਕਾਰ ਚੋਣ ਸੁਧਾਰਾਂ ਜਾਂ ਕਿਸੇ ਹੋਰ ਮੁੱਦੇ 'ਤੇ ਚਰਚਾ ਕਰਨ ਲਈ ਤਿਆਰ ਹੈ। ਉਨ੍ਹਾਂ ਨੇ ਇਸ ਸਬੰਧ ਵਿਚ ਗੱਲਬਾਤ ਲਈ ਕੁਝ ਪ੍ਰਮੁੱਖ ਵਿਰੋਧੀ ਪਾਰਟੀਆਂ ਦੇ ਆਗੂਆਂ ਨੂੰ ਸੱਦਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ "ਕੁਝ ਪ੍ਰਮੁੱਖ ਵਿਰੋਧੀ ਪਾਰਟੀਆਂ ਦੇ ਆਗੂਆਂ ਨੂੰ ਬੁਲਾਇਆ ਹੈ। ਗੱਲਬਾਤ ਰਾਹੀਂ ਹੱਲ ਕੱਢਿਆ ਜਾਵੇਗਾ।"
ਪੜ੍ਹੋ ਇਹ ਵੀ - ਕੱਢ ਲਓ ਕੰਬਲ-ਰਜਾਈਆਂ, ਬਾਲ ਲਓ ਅੱਗ! ਇਨ੍ਹਾਂ ਸੂਬਿਆਂ 'ਚ ਪਵੇਗੀ ਕੜਾਕੇ ਦੀ ਠੰਡ
ਰਿਜਿਜੂ ਨੇ ਵੋਟਰ ਸੂਚੀਆਂ ਦੇ ਸਪੈਸ਼ਲ ਇੰਟੈਂਸਿਵ ਰਿਵੀਜ਼ਨ (ਐਸਆਈਆਰ) ਦੇ ਮੁੱਦੇ 'ਤੇ ਸਦਨ ਵਿੱਚ ਹੰਗਾਮਾ ਕਰ ਰਹੇ ਵਿਰੋਧੀ ਧਿਰ ਦੇ ਮੈਂਬਰਾਂ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਚੋਣਾਂ ਵਿੱਚ ਜਿੱਤ-ਹਾਰ ਹੁੰਦੀ ਰਹਿੰਦੀ ਹੈ ਪਰ ਹਾਰ ਦਾ ਗੁੱਸਾ ਸਦਨ ਵਿੱਚ ਨਹੀਂ ਕੱਢਿਆ ਜਾਣਾ ਚਾਹੀਦਾ। ਸਰਦ ਰੁੱਤ ਸੈਸ਼ਨ ਦੇ ਦੂਜੇ ਦਿਨ ਵੀ ਗਤੀਰੋਧ ਜਾਰੀ ਰਹਿਣ ਦੌਰਾਨ ਸੰਸਦੀ ਮਾਮਲਿਆਂ ਦੇ ਮੰਤਰੀ ਨੇ ਕਿਹਾ, "ਕੱਲ੍ਹ ਵੀ ਅਸੀਂ ਬੇਨਤੀ ਕੀਤੀ ਸੀ, ਅੱਜ ਫਿਰ ਕਰ ਰਿਹਾ ਹਾਂ। ਦੇਸ਼ ਵਿੱਚ ਕਈ ਮੁੱਦੇ ਹਨ। ਅਸੀਂ ਕਿਸੇ ਵੀ ਮੁੱਦੇ ਨੂੰ ਛੋਟਾ ਨਹੀਂ ਸਮਝਦੇ। ਸੰਸਦ ਨਿਯਮਾਂ ਅਨੁਸਾਰ ਚੱਲਦੀ ਹੈ। ਇੱਕ ਮੁੱਦੇ ਨੂੰ ਲੈ ਕੇ ਤੁਸੀਂ ਬਾਕੀ ਦੇ ਮੁੱਦੇ ਦਬਾ ਨਹੀਂ ਸਕਦੇ। ਇਸ ਸਦਨ ਵਿੱਚ ਬਹੁਤ ਸਾਰੀਆਂ ਪਾਰਟੀਆਂ ਹਨ। ਹਰ ਪਾਰਟੀ ਨੂੰ ਸੁਣਿਆ ਜਾਣਾ ਚਾਹੀਦਾ ਹੈ। ਦੋ ਜਾਂ ਚਾਰ ਪਾਰਟੀਆਂ ਮਿਲ ਕੇ ਸੰਸਦ ਨੂੰ ਠੱਪ ਕਰਨਾ ਸਹੀ ਨਹੀਂ ਹੈ।"
ਪੜ੍ਹੋ ਇਹ ਵੀ - 'ਜਹਾਜ਼ 'ਚ ਬੰਬ ਹੈ...!' ਕੁਵੈਤ ਤੋਂ ਭਾਰਤ ਆ ਰਹੀ IndiGo flight 'ਚ ਮਚੀ ਸਨਸਨੀ, ਹੋਈ ਐਮਰਜੈਂਸੀ ਲੈਂਡਿੰਗ
ਉਨ੍ਹਾਂ ਕਿਹਾ, "ਇਹ ਲੋਕਤੰਤਰ ਹੈ। ਚੋਣਾਂ ਵਿਚ ਜਿੱਤ-ਹਾਰ ਹੁੰਦੀ ਹੈ, ਮੈਂ ਵੀ ਚੋਣਾਂ ਹਾਰਿਆ ਹਾਂ, ਅਟਲ ਜੀ ਵੀ ਚੋਣਾਂ ਹਾਰੇ ਸਨ ਪਰ ਹਾਰ 'ਤੇ ਨਿਰਾਸ਼ਾ ਤੋਂ ਸੰਸਦ ਵਿੱਚ ਆਪਣਾ ਗੁੱਸਾ ਕੱਢਣਾ ਸਹੀ ਨਹੀਂ ਹੈ।" ਅਸਿੱਧੇ ਤੌਰ 'ਤੇ ਬਿਹਾਰ ਵਿਧਾਨ ਸਭਾ ਚੋਣ ਨਤੀਜਿਆਂ ਦਾ ਹਵਾਲਾ ਦਿੰਦੇ ਹੋਏ ਰਿਜੀਜੂ ਨੇ ਕਿਹਾ, "ਅਜਿਹੀਆਂ ਗਤੀਵਿਧੀਆਂ ਕਾਰਨ ਤੁਸੀਂ (ਵਿਰੋਧੀ ਧਿਰ) ਜਨਤਾ ਦਾ ਵਿਸ਼ਵਾਸ ਗੁਆ ਰਹੇ ਹੋ।" ਉਨ੍ਹਾਂ ਕਿਹਾ, "ਮੈਂ ਭਰੋਸਾ ਦਿੰਦਾ ਹਾਂ ਕਿ ਭਾਵੇਂ ਚੋਣ ਸੁਧਾਰ ਹੋਵੇ, ਕੋਈ ਹੋਰ ਮੁੱਦੇ ਵੀ ਹੋਣ, ਅਸੀਂ ਪਿੱਛੇ ਨਹੀਂ ਹਟਾਂਗੇ। ਦੇਸ਼ ਦੇ ਕਿਸੇ ਵੀ ਮੁੱਦੇ 'ਤੇ ਅਸੀਂ ਚਰਚਾ ਕਰਨ ਲਈ ਤਿਆਰ ਹਾਂ। ਮੈਂ ਕੁਝ ਪ੍ਰਮੁੱਖ ਵਿਰੋਧੀ ਆਗੂਆਂ ਨੂੰ ਬੁਲਾਇਆ ਹੈ। ਅਸੀਂ ਚਰਚਾ ਕਰਾਂਗੇ ਅਤੇ ਹੱਲ ਲੱਭਾਂਗੇ। ਅਸੀਂ ਸਾਰਿਆਂ ਦੀ ਗੱਲ ਸੁਣਾਂਗੇ, ਪਰ ਤੁਹਾਨੂੰ ਸਰਕਾਰ ਦੀ ਗੱਲ ਸੁਣਨੀ ਚਾਹੀਦੀ ਹੈ... ਚਰਚਾ ਲਈ ਤਿਆਰ ਰਹੋ।"
ਪੜ੍ਹੋ ਇਹ ਵੀ - ਵਿਨਾਸ਼ਕਾਰੀ ਹੋਵੇਗਾ ਸਾਲ 2026! ਬਾਬਾ ਵੇਂਗਾ ਦੀ ਸਾਹਮਣੇ ਆਈ ਡਰਾਉਣੀ ਭਵਿੱਖਬਾਣੀ
ਇਨਸਾਨੀਅਤ ਸ਼ਰਮਸਾਰ ! ਹਸਪਤਾਲ ਕਰਮਚਾਰੀ ਨੇ ਮਰੀ ਔਰਤ ਦੇ ਲਾਹ ਲਏ ਗਹਿਣੇ, ਵੀਡੀਓ ਵਾਇਰਲ
NEXT STORY 
