ਨੈਸ਼ਨਲ ਡੈਸਕ : ਦੇਸ਼ ਦੀ ਰਾਜਧਾਨੀ ਵਿੱਚ ਪ੍ਰਸ਼ਾਸਨਿਕ ਪੱਧਰ 'ਤੇ ਇੱਕ ਵੱਡਾ ਬਦਲਾਅ ਦੇਖਣ ਨੂੰ ਮਿਲਿਆ ਹੈ। ਦਿੱਲੀ ਦੇ ਉਪ ਰਾਜਪਾਲ (LG) ਨੇ ਇੱਕੋ ਸਮੇਂ 70 ਪੁਲਿਸ ਅਧਿਕਾਰੀਆਂ ਦੇ ਤਬਾਦਲੇ ਕਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਇਸ ਵੱਡੇ ਫੇਰਬਦਲ ਵਿੱਚ ਕਈ ਸੀਨੀਅਰ ਅਧਿਕਾਰੀਆਂ ਦੀਆਂ ਜ਼ਿੰਮੇਵਾਰੀਆਂ ਵਿੱਚ ਤਬਦੀਲੀ ਕੀਤੀ ਗਈ ਹੈ।
ਆਨੰਦ ਮੋਹਨ ਸੰਭਾਲਣਗੇ ਤਿਹਾੜ ਜੇਲ੍ਹ ਦੀ ਕਮਾਨ|
ਇਸ ਸੂਚੀ ਵਿੱਚ ਸਭ ਤੋਂ ਪ੍ਰਮੁੱਖ ਨਾਮ 1994 ਬੈਚ ਦੇ ਸੀਨੀਅਰ IPS ਅਧਿਕਾਰੀ ਆਨੰਦ ਮੋਹਨ ਦਾ ਹੈ, ਜਿਨ੍ਹਾਂ ਨੂੰ ਤਿਹਾੜ ਜੇਲ੍ਹ ਦਾ ਡਾਇਰੈਕਟਰ ਜਨਰਲ (DG) ਨਿਯੁਕਤ ਕੀਤਾ ਗਿਆ ਹੈ। ਉਹ ਹੁਣ ਏਸ਼ੀਆ ਦੀ ਸਭ ਤੋਂ ਵੱਡੀ ਜੇਲ੍ਹ ਪ੍ਰਣਾਲੀ ਦੇ ਪ੍ਰਬੰਧਾਂ ਦੀ ਦੇਖ-ਰੇਖ ਕਰਨਗੇ।
ਹੋਰ ਅਹਿਮ ਨਿਯੁਕਤੀਆਂ
ਆਨੰਦ ਮੋਹਨ ਤੋਂ ਇਲਾਵਾ ਹੋਰ ਕਈ ਸੀਨੀਅਰ ਅਧਿਕਾਰੀਆਂ ਨੂੰ ਨਵੀਆਂ ਅਹੁਦੇਦਾਰੀਆਂ ਮਿਲੀਆਂ ਹਨ:
1991 ਬੈਚ ਦੇ IPS ਅਧਿਕਾਰੀ ਵੀਰੇਂਦਰ ਸਿੰਘ ਨੂੰ ਡੀਜੀ (ਹੋਮ ਗਾਰਡ) ਬਣਾਇਆ ਗਿਆ ਹੈ।
1997 ਬੈਚ ਦੇ IPS ਅਧਿਕਾਰੀ ਸੁਰੇਂਦਰ ਸਿੰਘ ਹੁਣ ਡੀਜੀ (ਸਿਵਲ ਡਿਫੈਂਸ) ਦੀ ਜ਼ਿੰਮੇਵਾਰੀ ਨਿਭਾਉਣਗੇ।
ਐਸ.ਐਸ. ਯਾਦਵ ਨੂੰ ਡੀਜੀ (ਸਿਵਲ ਡਿਫੈਂਸ) ਅਤੇ ਐਸ.ਕੇ. ਜੈਨ ਨੂੰ ਪੁਲਿਸ ਕਮਿਸ਼ਨਰ ਦਾ ਓ.ਐਸ.ਡੀ. (OSD) ਨਿਯੁਕਤ ਕੀਤਾ ਗਿਆ ਹੈ।
ਜ਼ਿਲ੍ਹਾ ਪੱਧਰ 'ਤੇ ਵੀ ਬਦਲਾਅ
ਤਬਾਦਲਿਆਂ ਦੀ ਇਸ ਲੰਬੀ ਸੂਚੀ ਵਿੱਚ ਦਿੱਲੀ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਅਤੇ ਵਿਸ਼ੇਸ਼ ਸ਼ਾਖਾਵਾਂ ਵਿੱਚ ਵੀ ਨਵੇਂ ਅਧਿਕਾਰੀ ਤਾਇਨਾਤ ਕੀਤੇ ਗਏ ਹਨ। ਪ੍ਰਮੁੱਖ ਨਿਯੁਕਤੀਆਂ ਵਿੱਚ ਵਿਜੇ ਕੁਮਾਰ (Jt CP ਸਦਰਨ), ਮੋਨਿਕਾ ਭਾਰਦਵਾਜ (IFSO), ਸ਼ਸ਼ਾਂਕ ਜੈਸਵਾਲ (ਰੋਹਿਣੀ), ਅਤੇ ਅਨੰਤ ਮਿੱਤਲ (ਸਾਊਥ) ਸ਼ਾਮਲ ਹਨ। ਇਸ ਤੋਂ ਇਲਾਵਾ ਟ੍ਰੈਫਿਕ, ਕ੍ਰਾਈਮ ਬ੍ਰਾਂਚ ਅਤੇ ਸਪੈਸ਼ਲ ਬ੍ਰਾਂਚ ਵਿੱਚ ਵੀ ਕਈ ਨਵੇਂ ਡੀਸੀਪੀ (DCP) ਤਾਇਨਾਤ ਕੀਤੇ ਗਏ ਹਨ।
ਦਿੱਲੀ ਪੁਲਿਸ ਵਿੱਚ ਕੀਤੇ ਗਏ ਇਸ ਭਾਰੀ ਫੇਰਬਦਲ ਨੂੰ ਰਾਜਧਾਨੀ ਦੀ ਸੁਰੱਖਿਆ ਵਿਵਸਥਾ ਨੂੰ ਹੋਰ ਮਜ਼ਬੂਤ ਕਰਨ ਅਤੇ ਕੰਮਕਾਜ ਵਿੱਚ ਪਾਰਦਰਸ਼ਤਾ ਲਿਆਉਣ ਦੇ ਕਦਮ ਵਜੋਂ ਦੇਖਿਆ ਜਾ ਰਿਹਾ ਹੈ।
ਮਹਿੰਗਾ ਹੋ ਜਾਵੇਗਾ ਪੈਟਰੋਲ-ਡੀਜ਼ਲ, ਭਾਰਤ ਕੋਲ ਬੱਚਿਆ ਸਿਰਫ ਇੰਨੇ ਦਿਨਾਂ ਦਾ ਤੇਲ ਭੰਡਾਰ
NEXT STORY 
