ਨੈਸ਼ਨਲ ਡੈਸਕ : ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਦੇਸ਼ ਦੇ 7.5 ਕਰੋੜ ਮੈਂਬਰਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਹੁਣ ਪੀਐੱਫ ਕਢਵਾਉਣ ਲਈ ਆਟੋ ਸੈਟਲਮੈਂਟ ਸੀਮਾ ਵਧਾ ਕੇ 5 ਲੱਖ ਰੁਪਏ ਕਰ ਦਿੱਤੀ ਗਈ ਹੈ, ਜੋ ਹੁਣ ਤੱਕ 1 ਲੱਖ ਰੁਪਏ ਸੀ। ਇਸ ਦਾ ਮਤਲਬ ਹੈ ਕਿ ਹੁਣ ਪੀਐੱਫ ਖਾਤਾ ਧਾਰਕ ਬਿਨਾਂ ਕਿਸੇ ਦਸਤਾਵੇਜ਼ ਦੇ ਇੰਨੀ ਰਕਮ ਕੱਢਵਾ ਸਕਣਗੇ। ਇਸ ਦੇ ਨਾਲ ਹੀ ਕਲੇਮ ਸੈਟਲਮੈਂਟ ਜੋ ਹੁਣ ਤੱਕ 10 ਦਿਨ ਦਾ ਸਮਾਂ ਲੈਂਦੀ ਸੀ, ਸਿਰਫ 3-4 ਦਿਨਾਂ ਵਿੱਚ ਹੋ ਜਾਵੇਗੀ। ਇਸ ਤੋਂ ਇਲਾਵਾ ਈਪੀਐੱਫਓ ਨੇ ਵਿਆਹ, ਸਿੱਖਿਆ ਅਤੇ ਘਰ ਖਰੀਦਣ ਲਈ ਪੀਐੱਫ ਆਟੋ-ਕਲੇਮ ਸਹੂਲਤ ਪ੍ਰਦਾਨ ਕਰਨ ਦਾ ਵੀ ਫੈਸਲਾ ਕੀਤਾ ਹੈ। ਪਹਿਲਾਂ ਆਟੋ-ਕਲੇਮ ਪੀਐੱਫ ਖਾਤੇ ਤੋਂ ਸਿਰਫ ਬਿਮਾਰੀ ਅਤੇ ਹਸਪਤਾਲ ਦੇ ਖਰਚਿਆਂ ਲਈ ਉਪਲਬਧ ਸੀ।
ਰਿਪੋਰਟ ਮੁਤਾਬਕ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੀ ਸਕੱਤਰ ਸੁਮਿਤਾ ਡਾਵਰਾ ਦੀ ਪ੍ਰਧਾਨਗੀ ਹੇਠ ਸ੍ਰੀਨਗਰ ਵਿੱਚ ਹੋਈ ਸੀਬੀਟੀ ਦੀ ਮੀਟਿੰਗ ਵਿੱਚ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਇੱਕ ਹੋਰ ਵੱਡੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਇਸ ਮੀਟਿੰਗ ਵਿੱਚ ਕਿਹਾ ਗਿਆ ਕਿ EPFO ਮੈਂਬਰ ਹੁਣ ਇਸ ਸਾਲ ਮਈ ਜਾਂ ਜੂਨ ਦੇ ਅੰਤ ਤੱਕ UPI (UPI PF Withdrawl) ਅਤੇ ATM (ATM PF Withdrawl) ਰਾਹੀਂ PF ਕੱਢਵਾ ਸਕਦੇ ਹਨ।
ਇਹ ਵੀ ਪੜ੍ਹੋ : 25 ਸਾਲਾਂ ਦਾ Home Loan ਸਿਰਫ਼ 10 ਸਾਲ 'ਚ ਹੋ ਜਾਵੇਗਾ ਖ਼ਤਮ, ਬਸ ਕਰ ਲਓ ਇਹ 3 ਕੰਮ
ਇੰਨੀ ਵਾਰ ਵਧਾਈ ਗਈ ਲਿਮਟ
ਦੱਸਣਯੋਗ ਹੈ ਕਿ ਈਪੀਐੱਫਓ ਨੇ ਅਪ੍ਰੈਲ 2020 ਵਿੱਚ ਆਪਣੇ ਮੈਂਬਰਾਂ ਨੂੰ ਆਟੋ-ਕਲੇਮ ਦੀ ਸਹੂਲਤ ਪ੍ਰਦਾਨ ਕਰਨੀ ਸ਼ੁਰੂ ਕੀਤੀ ਸੀ, ਜੋ ਕਿ ਸ਼ੁਰੂ ਵਿੱਚ ਸਿਰਫ 50,000 ਰੁਪਏ ਤੱਕ ਸੀਮਤ ਸੀ। ਇਸ ਤੋਂ ਬਾਅਦ ਮਈ 2024 ਵਿੱਚ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਦੁਆਰਾ ਪੀਐੱਫ ਆਟੋ ਕਲੇਮ ਦੀ ਸੀਮਾ ਵਧਾ ਦਿੱਤੀ ਗਈ ਸੀ ਅਤੇ ਇਸ ਨੂੰ 50 ਹਜ਼ਾਰ ਰੁਪਏ ਤੋਂ ਵਧਾ ਕੇ 1 ਲੱਖ ਰੁਪਏ ਕਰ ਦਿੱਤਾ ਗਿਆ ਸੀ। ਹੁਣ ਇਸ ਵਿੱਚ ਵੱਡੀ ਰਾਹਤ ਦਿੱਤੀ ਗਈ ਹੈ ਅਤੇ ਸੀਮਾ 1 ਲੱਖ ਰੁਪਏ ਤੋਂ ਵਧਾ ਕੇ 5 ਲੱਖ ਰੁਪਏ ਕਰਨ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
ਕਲੇਮ ਰਿਜੈਕਸ਼ਨ ਰੇਟ 'ਚ ਵੀ ਗਿਰਾਵਟ
ਮੀਟਿੰਗ ਵਿੱਚ ਜਾਣਕਾਰੀ ਸਾਂਝੀ ਕਰਦੇ ਹੋਏ ਇਹ ਵੀ ਦੱਸਿਆ ਗਿਆ ਕਿ ਪੀਐੱਫ ਕਲੇਮ ਰੱਦ ਹੋਣ ਦੀ ਦਰ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ ਅਤੇ ਪਹਿਲਾਂ ਜਿੱਥੇ ਲਗਭਗ 50 ਫੀਸਦੀ ਦਾਅਵੇ ਰੱਦ ਹੋ ਜਾਂਦੇ ਸਨ, ਹੁਣ ਉਨ੍ਹਾਂ ਦੀ ਗਿਣਤੀ ਘਟ ਕੇ ਸਿਰਫ 30 ਫੀਸਦੀ ਰਹਿ ਗਈ ਹੈ। ਨਿਯਮਾਂ ਨੂੰ ਸਰਲ ਬਣਾਉਣ ਲਈ EPFO ਵੱਲੋਂ ਲਗਾਤਾਰ ਚੁੱਕੇ ਜਾ ਰਹੇ ਕਦਮਾਂ ਦਾ ਅਸਰ ਇੱਥੇ ਦੇਖਿਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ : ਗਰਮੀ ਦਾ ਕਹਿਰ ਝੱਲਣ ਲਈ ਹੋ ਜਾਓ ਤਿਆਰ, ਅਪ੍ਰੈਲ ਤੋਂ ਜੂਨ ਤੱਕ ਦਿਖਾਏਗੀ ਆਪਣਾ ਰੰਗ
UPI ਸਹੂਲਤ ਤੋਂ ਆਟੋ ਕਲੇਮ 'ਚ ਆਸਾਨੀ
ਹਾਲ ਹੀ ਵਿੱਚ ਸਕੱਤਰ ਡਾਵਰਾ ਨੇ ਦੱਸਿਆ ਸੀ ਕਿ ਜਲਦੀ ਹੀ ਈਪੀਐੱਫਓ ਦੇ ਮੈਂਬਰ ਏਟੀਐੱਮ ਦੇ ਨਾਲ-ਨਾਲ ਯੂਪੀਆਈ ਰਾਹੀਂ ਪੀਐੱਫ ਦੇ ਪੈਸੇ ਕਢਵਾਉਣ ਦੀ ਸਹੂਲਤ ਪ੍ਰਾਪਤ ਕਰ ਸਕਦੇ ਹਨ। ਇਸ ਸਹੂਲਤ ਦੇ ਕਾਰਨ ਉਹ ਨਾ ਸਿਰਫ ਯੂਪੀਆਈ 'ਤੇ ਸਿੱਧਾ ਆਪਣਾ ਪੀਐੱਫ ਬੈਲੇਂਸ ਚੈੱਕ ਕਰ ਸਕਣਗੇ, ਬਲਕਿ ਨਿਰਧਾਰਤ ਰਕਮ ਤੱਕ ਕਢਵਾਉਣ ਦੇ ਵੀ ਯੋਗ ਹੋਣਗੇ, ਇਸ ਦੇ ਨਾਲ ਉਨ੍ਹਾਂ ਨੂੰ ਪੀਐੱਫ ਦੇ ਪੈਸੇ ਨੂੰ ਆਪਣੇ ਪਸੰਦੀਦਾ ਬੈਂਕ ਵਿੱਚ ਟ੍ਰਾਂਸਫਰ ਕਰਨ ਦੀ ਸਹੂਲਤ ਵੀ ਮਿਲੇਗੀ। ਡਾਵਰਾ ਨੇ ਇਹ ਵੀ ਕਿਹਾ ਸੀ ਕਿ ਨਵੀਂ ਸਹੂਲਤ ਦੇ ਤਹਿਤ ਦਾਅਵੇ ਪਹਿਲਾਂ ਹੀ ਸਵੈਚਾਲਿਤ ਹੋ ਜਾਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
2 ਰੇਲ ਗੱਡੀਆਂ ਦੀ ਜ਼ਬਰਦਸਤ ਟੱਕਰ, ਲੱਗ ਗਈ ਭਿਆਨਕ ਅੱਗ; 2 ਲੋਕੋ ਪਾਇਲਟਾਂ ਦੀ ਹੋਈ ਮੌਤ
NEXT STORY 
