Fact Check By LogicallyFacts
ਨਵੀਂ ਦਿੱਲੀ- ਕਾਂਗਰਸ ਸੰਸਦ ਮੈਂਬਰ ਪ੍ਰਿਯੰਕਾ ਗਾਂਧੀ ਵਾਡਰਾ ਦੀ ਇੱਕ ਕਥਿਤ ਸਾਬਕਾ ਪੋਸਟ ਦਾ ਸਕ੍ਰੀਨਸ਼ਾਟ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਭਾਜਪਾ ਦੀ ਅਗਵਾਈ ਵਾਲੀ ਸਰਕਾਰ ਅਤੇ ਹਿੰਦੂਆਂ ਦੇ ਇੱਕ ਪ੍ਰਮੁੱਖ ਧਾਰਮਿਕ ਤਿਉਹਾਰ ਕੁੰਭ ਮੇਲੇ ਦੀ ਆਲੋਚਨਾ ਕੀਤੀ ਹੈ। 2025 ਵਿੱਚ ਕੁੰਭ ਮੇਲਾ ਪ੍ਰਯਾਗਰਾਜ ਵਿੱਚ 12 ਜਨਵਰੀ ਤੋਂ 26 ਫਰਵਰੀ ਤੱਕ ਆਯੋਜਿਤ ਹੋਣ ਵਾਲਾ ਹੈ।
ਸਕ੍ਰੀਨਸ਼ਾਟ ਵਿੱਚ ਪ੍ਰਿਯੰਕਾ ਗਾਂਧੀ ਦੁਆਰਾ ਕਥਿਤ ਤੌਰ 'ਤੇ ਟਵਿੱਟਰ 'ਤੇ ਸਾਂਝੀ ਕੀਤੀ ਗਈ ਇੱਕ ਪੋਸਟ ਦਿਖਾਈ ਗਈ ਹੈ, ਜਿਸ ਵਿੱਚ ਲਿਖਿਆ ਹੈ: "ਭਾਰਤ ਮੂਰਖਾਂ ਦਾ ਦੇਸ਼ ਹੈ, ਜਿੱਥੇ ਸਰਕਾਰ ਲੋਕਾਂ ਲਈ ਪੀਣ ਵਾਲੇ ਪਾਣੀ 'ਤੇ ਨਹੀਂ ਸਗੋਂ ਪਖੰਡੀਆਂ ਲਈ ਸ਼ਾਹੀ ਇਸ਼ਨਾਨ 'ਤੇ ਕਰੋੜਾਂ ਰੁਪਏ ਖਰਚ ਕਰਦੀ ਹੈ।"
ਇੱਕ ਯੂਜ਼ਰ ਨੇ ਇਹ ਸਕ੍ਰੀਨਸ਼ਾਟ ਸਾਂਝਾ ਕੀਤਾ ਅਤੇ ਲਿਖਿਆ, "ਕੁੰਭ ਮੇਲੇ ਬਾਰੇ ਪਹਿਲੀ ਵਾਰ ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਪ੍ਰਿਯੰਕਾ ਵਾਡਰਾ ਦਾ ਪਹਿਲਾ ਟਵੀਟ... ਕੀ ਕੁਝ ਸਮਝੇ ਹਿੰਦੂਓ ?"
ਇੱਕ ਯੂਜ਼ਰ ਨੇ ਲਿਖਿਆ, “ਕੁੰਭ ਮੇਲੇ 'ਤੇ ਪ੍ਰਿਯੰਕਾ ਵਾਡਰਾ ਦਾ ਟਵੀਟ ਦੇਖੋ। ਚਾਣੱਕਿਆ ਨੇ ਸਹੀ ਕਿਹਾ ਸੀ। ਵਿਦੇਸ਼ੀ ਕੁੱਖ ਤੋਂ ਪੈਦਾ ਹੋਇਆ ਬੱਚਾ ਦੇਸ਼ ਭਗਤ ਨਹੀਂ ਹੋ ਸਕਦਾ।" ਇਸੇ ਤਰ੍ਹਾਂ ਦੇ ਦਾਅਵਿਆਂ ਵਾਲੀਆਂ ਪੋਸਟਾਂ ਦੇ ਆਰਕਾਈਵ ਵਰਜ਼ਨ ਇੱਥੇ ਅਤੇ ਇੱਥੇ ਦੇਖੇ ਜਾ ਸਕਦੇ ਹਨ।
ਪ੍ਰਿਯੰਕਾ ਗਾਂਧੀ ਨੇ ਨਵੰਬਰ 2024 ਵਿੱਚ ਕੇਰਲ ਦੀ ਵਾਇਨਾਡ ਸੀਟ ਤੋਂ ਉਪ ਚੋਣ ਜਿੱਤਣ ਤੋਂ ਬਾਅਦ ਲੋਕ ਸਭਾ ਮੈਂਬਰ ਵਜੋਂ ਸਹੁੰ ਚੁੱਕੀ ਸੀ।
ਹਾਲਾਂਕਿ, ਸਾਡੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਵਾਇਰਲ ਸਕ੍ਰੀਨਸ਼ਾਟ ਪ੍ਰਿਯੰਕਾ ਗਾਂਧੀ ਦੇ ਨਾਂ 'ਤੇ ਬਣਾਏ ਗਏ ਇੱਕ ਫੇਕ ਅਕਾਊਂਟ ਤੋਂ ਹੈ। ਪ੍ਰਿਅੰਕਾ ਗਾਂਧੀ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਕੁੰਭ ਮੇਲੇ ਬਾਰੇ ਕੁਝ ਵੀ ਪੋਸਟ ਨਹੀਂ ਕੀਤਾ ਹੈ।
ਕਿਵੇਂ ਪਤਾ ਲੱਗਾ ਸੱਚ ?
ਲਾਜੀਕਲੀ ਫੈਕਟਸ ਨੇ ਸਕ੍ਰੀਨਸ਼ਾਟ ਵਿੱਚ ਦਿਖਾਏ ਗਏ "@PriyankagaINC" ਦੀ ਜਾਂਚ ਕੀਤੀ ਅਤੇ ਪਾਇਆ ਕਿ ਇਹ ਨਾ ਤਾਂ ਵੈਰੀਫਾਈਡ ਅਕਾਊਂਟ ਹੈ ਅਤੇ ਨਾ ਹੀ ਪ੍ਰਿਅੰਕਾ ਗਾਂਧੀ ਦੇ ਅਧਿਕਾਰਤ ਐਕਸ ਅਕਾਊਂਟ ਨਾਲ ਸਬੰਧਿਤ ਹੈ। ਉਨ੍ਹਾਂ ਦਾ ਅਧਿਕਾਰਤ ਐਕਸ ਅਕਾਊਂਟ @priyankagandhi (ਆਰਕਾਈਵ ਇੱਥੇ) ਹੈ, ਜਿਸ 'ਤੇ ਗ੍ਰੇ ਵੈਰੀਫਿਕੇਸ਼ਨ ਟਿੱਕ ਮਾਰਕ ਹੈ। ਇਹ ਟਿੱਕ ਇਸ ਗੱਲ ਦੀ ਪੁਸ਼ਟੀ ਕਰਦਾ ਹੈ ਕਿ ਖਾਤਾ X ਦੇ ਤਸਦੀਕ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਕਿਸੇ ਸਰਕਾਰੀ ਜਾਂ ਬਹੁ-ਪੱਖੀ ਸੰਗਠਨ ਨਾਲ ਜੁੜਿਆ ਹੋਇਆ ਹੈ। ਕੁੰਭ ਮੇਲੇ ਬਾਰੇ ਹਾਲੀਆ ਪੋਸਟਾਂ ਲਈ ਉਨ੍ਹਾਂ ਦੇ ਅਧਿਕਾਰਤ ਖਾਤੇ ਦੀ ਜਾਂਚ ਕਰਨ 'ਤੇ ਵਾਇਰਲ ਦਾਅਵੇ ਨਾਲ ਮੇਲ ਖਾਂਦੀ ਕੋਈ ਵੀ ਪੋਸਟ ਨਹੀਂ ਮਿਲੀ।
ਹੋਰ ਜਾਂਚ ਤੋਂ ਪਤਾ ਲੱਗਾ ਕਿ “@PriyankagaINC” ਨਾਮ ਦਾ ਅਕਾਊਂਟ 2019 ਵਿੱਚ ਸਰਗਰਮ ਸੀ, ਪਰ ਬਾਅਦ ਵਿੱਚ ਇਸ ਨੂੰ ਹਟਾ ਦਿੱਤਾ ਗਿਆ। ਇਸ ਦਾ ਸਬੂਤ 2 ਫਰਵਰੀ, 2019 ਨੂੰ ਯੂਜ਼ਰ ਵਿਦੁਰ ਮੰਨਾ ਦੁਆਰਾ ਕੀਤੀ ਗਈ ਇੱਕ ਐਕਸ-ਪੋਸਟ (ਆਰਕਾਈਵ ਇੱਥੇ) ਤੋਂ ਮਿਲਦਾ ਹੈ, ਜਿਸ ਵਿੱਚ ਇਸ ਹਟਾਏ ਗਏ ਅਕਾਊਂਟ ਦਾ ਜ਼ਿਕਰ ਕੀਤਾ ਗਿਆ ਸੀ।
ਇਸ ਤੋਂ ਇਲਾਵਾ, ਵਾਇਰਲ ਸਕ੍ਰੀਨਸ਼ਾਟ ਪਹਿਲੀ ਵਾਰ 2 ਫਰਵਰੀ, 2019 ਨੂੰ ਦੁਪਹਿਰ 3:11 ਵਜੇ ਸਾਂਝਾ ਕੀਤਾ ਗਿਆ ਸੀ (ਆਰਕਾਈਵ ਇੱਥੇ), ਜੋ ਕਿ ਪ੍ਰਿਯੰਕਾ ਗਾਂਧੀ ਦੇ ਸੰਸਦ ਮੈਂਬਰ ਬਣਨ ਤੋਂ ਬਹੁਤ ਪਹਿਲਾਂ ਦਾ ਹੈ। ਉਹ ਅਧਿਕਾਰਤ ਤੌਰ 'ਤੇ 11 ਫਰਵਰੀ, 2019 ਨੂੰ X (ਪਹਿਲਾਂ ਟਵਿੱਟਰ) ਨਾਲ ਜੁੜੇ ਸੀ ਅਤੇ ਕਾਂਗਰਸ ਨੇ ਉਸੇ ਦਿਨ ਉਨ੍ਹਾਂ ਦੇ ਵੈਰੀਫਾਈਡ ਅਕਾਊਂਟ (@priyankagandhi) ਦਾ ਐਲਾਨ ਕੀਤਾ (ਆਰਕਾਈਵ ਇੱਥੇ)। ਇਹ ਅਧਿਕਾਰਤ ਅਕਾਊਂਟ ਵਾਇਰਲ ਪੋਸਟ ਵਿੱਚ ਦਿਖਾਏ ਗਏ ਅਕਾਊਂਟ ਤੋਂ ਵੱਖਰਾ ਹੈ।
ਧਿਆਨ ਰਹੇ ਕਿ ਪ੍ਰਿਯੰਕਾ ਗਾਂਧੀ ਨੇ ਆਪਣੇ ਵੈਰੀਫਾਈਡ ਐਕਸ ਅਕਾਊਂਟ 'ਤੇ ਪਹਿਲੀ ਪੋਸਟ 12 ਮਾਰਚ, 2019 ਨੂੰ ਸਾਂਝੀ ਕੀਤੀ ਸੀ, ਨਾ ਕਿ 11 ਫਰਵਰੀ, 2019 ਨੂੰ, ਜਿਵੇਂ ਕਿ ਵਾਇਰਲ ਦਾਅਵੇ ਵਿੱਚ ਦੱਸਿਆ ਗਿਆ ਹੈ।
ਨਤੀਜਾ
ਕੇਰਲ ਦੇ ਵਾਇਨਾਡ ਤੋਂ ਕਾਂਗਰਸ ਸੰਸਦ ਮੈਂਬਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨਾਲ ਜੁੜੀ ਇੱਕ ਫਰਜ਼ੀ ਪੋਸਟ ਇਸ ਝੂਠੇ ਦਾਅਵੇ ਨਾਲ ਵਾਇਰਲ ਹੋ ਰਹੀ ਹੈ ਕਿ ਉਨ੍ਹਾਂ ਨੇ ਕੁੰਭ ਮੇਲੇ ਬਾਰੇ ਵਿਵਾਦਪੂਰਨ ਟਿੱਪਣੀਆਂ ਕੀਤੀਆਂ ਸਨ। ਹਾਲਾਂਕਿ, ਉਨ੍ਹਾਂ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਅਜਿਹੀ ਕੋਈ ਪੋਸਟ ਨਹੀਂ ਮਿਲੀ। ਇਹ ਦਾਅਵਾ ਉਨ੍ਹਾਂ ਦੇ ਨਾਂ 'ਤੇ ਬਣਾਏ ਗਏ ਇੱਕ ਫਰਜ਼ੀ ਖਾਤੇ ਤੋਂ ਸਾਂਝਾ ਕੀਤਾ ਗਿਆ ਸੀ।
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ Logically Facts ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ)
ਰਾਹੁਲ ਨੇ ਨੱਡਾ ਤੇ ਆਤਿਸ਼ੀ ਨੂੰ ਲਿਖੀ ਚਿੱਠੀ, ਏਮਜ਼ ਦੇ ਬਾਹਰ ‘ਮਨੁੱਖੀ ਸੰਕਟ’ ਸਬੰਧੀ ਤੁਰੰਤ ਕਦਮ ਚੁੱਕਣ
NEXT STORY 
