ਇੰਫਾਲ- ਮਣੀਪੁਰ ਦੇ ਉਖਰਲ ਸ਼ਹਿਰ 'ਚ 'ਸਵੱਛਤਾ ਮੁਹਿੰਮ' ਤਹਿਤ ਇਕ ਪਲਾਟ ਦੀ ਸਫਾਈ ਨੂੰ ਲੈ ਕੇ ਬੁੱਧਵਾਰ ਨੂੰ ਦੋ ਸਮੂਹਾਂ ਵਿਚਾਲੇ ਗੋਲੀਬਾਰੀ ਮਗਰੋਂ ਕਰਫਿਊ ਦੇ ਆਦੇਸ਼ ਲਾਗੂ ਕਰ ਦਿੱਤੇ ਗਏ। ਅਧਿਕਾਰੀਆਂ ਨੇ ਦੱਸਿਆ ਕਿ ਦੋਵੇਂ ਧਿਰਾਂ ਨਾਗਾ ਭਾਈਚਾਰੇ ਦੇ ਪਰ ਵੱਖ-ਵੱਖ ਪਿੰਡਾਂ ਤੋਂ ਸਨ ਅਤੇ ਦੋਵੇਂ ਜ਼ਮੀਨ 'ਤੇ ਆਪਣਾ ਦਾਅਵਾ ਜਤਾਉਂਦੇ ਸਨ। ਪੁਲਸ ਨੇ ਦੱਸਿਆ ਕਿ ਗੋਲੀਬਾਰੀ ਵਿਚ ਕੁਝ ਲੋਕ ਜ਼ਖ਼ਮੀ ਵੀ ਹੋ ਗਏ ਹਨ ਅਤੇ ਸਥਿਤੀ ਨੂੰ ਕਾਬੂ ਕਰਨ ਲਈ ਆਸਾਮ ਰਾਈਫਲਜ਼ ਨੂੰ ਤਾਇਨਾਤ ਕੀਤਾ ਗਿਆ ਹੈ।
ਕਰਫਿਊ ਲਾਗੂ ਕਰਨ ਦੇ ਹੁਕਮ 'ਚ ਉਖਰਲ ਦੇ ਸਬ-ਡਿਵੀਜ਼ਨਲ ਮੈਜਿਸਟ੍ਰੇਟ (SDM) ਨੇ ਪੁਲਸ ਇੰਸਪੈਕਟਰ ਨੂੰ ਮਿਲੀ ਇਕ ਚਿੱਠੀ ਦਾ ਹਵਾਲਾ ਦਿੱਤਾ, ਜਿਸ ਵਿਚ ਥਾਵਈਜਾਵ ਹੰਗਪੁੰਗ ਯੰਗ ਸਟੂਡੈਂਟਸ ਆਰਗੇਨਾਈਜ਼ੇਸ਼ਨ (ਥਾਈਸੋ) ਵਲੋਂ ਆਯੋਜਿਤ ਇਕ ਸਮਾਜਿਕ ਸਮਾਰੋਹ ਅਤੇ ਉਸ 'ਤੇ ਹੁਨਫੁਨ ਪਿੰਡ ਅਥਾਰਟੀ ਵਲੋਂ ਇਲਾਕੇ 'ਚ ਇਤਰਾਜ਼ ਜਤਾਇਆ ਗਿਆ। ਹੁਕਮ ਵਿਚ ਕਿਹਾ ਗਿਆ ਹੁਨਫੁਗ ਅਤੇ ਹੰਗਪੁਗ ਪਿੰਡਾਂ ਵਿਚਾਲੇ ਜ਼ਮੀਨ ਵਿਵਾਦ ਦੇ ਸਬੰਧ ਵਿਚ ਕਾਨੂੰਨ ਅਤੇ ਵਿਵਸਥਾ ਦੀ ਸਮੱਸਿਆ ਪੈਦਾ ਹੋਣ ਦਾ ਖ਼ਦਸ਼ਾ ਹੈ, ਜਿਸ ਨਾਲ ਦੋ ਪਿੰਡਾਂ ਵਿਚਾਲੇ ਸ਼ਾਂਤੀ ਭੰਗ ਹੋ ਸਕਦੀ ਹੈ।
ਇਸ ਵਿਚ ਕਿਹਾ ਗਿਆ ਹੈ ਕਿ ਇਸ ਲਈ ਹੁਣ ਭਾਰਤੀ ਸਿਵਲ ਸੁਰੱਖਿਆ ਕੋਡ (BNSS), 2023 ਦੀ ਧਾਰਾ 163 ਦੀ ਉਪ ਧਾਰਾ 1 ਤਹਿਤ ਪ੍ਰਦਾਨ ਕੀਤੀਆਂ ਗਈਆਂ ਸ਼ਕਤੀਆਂ ਦੀ ਵਰਤੋਂ ਕਰਦੇ ਹੋਏ, ਕਿਸੇ ਵੀ ਵਿਅਕਤੀ ਦੇ ਆਪਣੇ ਨਿਵਾਸ ਸਥਾਨਾਂ ਤੋਂ ਬਾਹਰ ਜਾਣ ਅਤੇ ਪਾਬੰਦੀ ਲਗਾਉਣ ਦਾ ਆਦੇਸ਼ ਜਾਰੀ ਕੀਤਾ ਗਿਆ ਹੈ। ਕੋਈ ਹੋਰ ਕੰਮ ਜਾਂ ਗਤੀਵਿਧੀ ਜੋ 2 ਅਕਤੂਬਰ ਨੂੰ ਸਵੇਰੇ 9.30 ਵਜੇ ਤੋਂ ਅਗਲੇ ਹੁਕਮਾਂ ਤੱਕ ਆਦੇਸ਼ ਜਾਰੀ ਕੀਤਾ ਜਾਂਦਾ ਹੈ।
ਬੰਗਾਲ 'ਚ ਗੂੰਜਿਆ 'ਕਸ਼ਮੀਰ ਮੰਗੇ ਆਜ਼ਾਦੀ' ਦਾ ਨਾਅਰਾ, ਕੇਂਦਰੀ ਗ੍ਰਹਿ ਮੰਤਰਾਲਾ ਹਰਕਤ ’ਚ
NEXT STORY 
